အဘိုးပြောတဲ့ရာဇ၀င်ပုံပြင် ( ၁၂ ) ( ပုဂံ )

အဘိုးပြောတဲ့ရာဇ၀င်ပုံပြင် ( ၁၂ ) 

)

ပုဂံရာဇ၀င်( နိဒါန်း )

          “ အမယ် -  အမယ် င့ါမြေး မြခက်က ဒီနေ့မှာထူးထူးခြားခြားဘာများဖြစ်လာတာလဲကွဲ့

လက်ထဲမှာလဲပန်းတွေနဲ့ပါလား-အော်- မောင်ကောင်းမြတ်နဲစံတိုးတို့လဲပါ-လာသကိုး”

          “ ဟုတ်တယ်အဘိုး - သမီးတို့ဒီနေ့ကောင်းမြတ်တို့စံတိုးတို့နဲ့စကားထာဝှက်တမ်းကစားကြ

တာသူတို့ရှုံးလို့သမီးဒီမှာပန်းတွေအများကြီိးရလာတယ်၊အဲဒါအဘိုးအိမ်မှဘုရားတင်ဘို့ယူလာတာ”

ဟဲ့ကောင်းမြတ်လာလေဘုရားတင်ရအောင်နင်လဲကုသိုလ်ရတာပေါ့ “

          “ အေးအေးကောင်းပါတယ်ကွယ်လုပ်ကြ-လုပ်ကြ သာဓု-သာဓု-သာဓု”

ကဲပြီးရင်မပြန်ကြနဲ့အုံး အဘိုးမင်းတို့ကိုပုံဂံရာဇ၀င်ပုံပြင်တွေဆက်ပြောပြမယ်”

          “ အင်း- ဟုတ်တယ်”

အဘိုးဟိုနေ့တုန်းကပုဂံရာဇင်ထဲကပျူစောတီးအကြောင်းပြိးသွားပြိးနော်

 ဒီနေ့ဘယ်သူအကြောင်းပြောမှာလဲအဘိုး-အဘိုးမှာပုဂံမင်းဆက်တွေစာရင်းရှိတယ်ဆို”

          “ အေးအေး ရှိတယ်ကွဲ့ အဘိုးသေသေချာချာရှာထားရတာလေ”

ပုံဂံမင်းဆက်တွေက ( ၅၈ ) ဆက်တောင်ရှိတာ-နောက်ပြိးပုဂံခောတ်ကလဲ ( ၄ )ခောတ်တောင်

ရှိတာကွဲ့

          အော်ဟုတ်လားအဘိုး ဟို-အဘိုးပြောပြိးသွားတဲ့ ပျူစောထီးကကောပုဂံမင်းဆက်တွေ

ထဲကဘဲလား

          အေး ဟုတ်တယ်လေသူကပထမပုဂံမင်းဆက်ထဲကကွဲ့ ၊

အဲဒီ ပထမပုဂံမင်းဆက်ကို စတင်တည်ထောင်တဲ့ သမုဒ္ဒရာဇ်မင်း၊သူကကျေးရွာ(၁၉)ရွာကို စုစည်းတည်ထောင်ခဲ့တာ အဲဒီ (၁၉)ရွာထဲက ညောင်ဦးရွာဆိုရင်အခုထိ ညောင်ဦးလို့ဘဲခေါ် နေ

ကြတုန်းဘဲကွဲ့  အဲဒီတုန်းကပုဂံဆိုတဲ့နေရာက ဧရာဝတီမြစ်က (၆)မိုင်အကွာတုရင်တောင်ရဲ့အရှေ့

ဘက်တစ်မိုင်အကွာ မှာရှိတဲ့ယုန်လွှတ်ကျွန်းနေရာဖြစ်တယ်လို့ဆိုသကွဲ့  ။

          ပျူစောထီးနှဲု့ ငှက်ကြိတို့တိုက်ခိုက်ကြရင်း ငှက်ကြိးကနုတ်သီးနဲ့ပေါက်လိုက်လို့ကန်ကြီးဖြစ်

သွားတဲ့နေရာကိုအစွဲပြုပြိး-ငှက်ပေါက်ကန်ကနေပေါက်ကန် နောက်တော့ပုဂံလိုခေါ်ကြတာလေ

ပုဂံပြည်လို့ဖြစ်ပေါ်လာမဲ့နေရာကိုဒိုများရဲ့ဂေါတမမြတ်စွာဘုရားကဗျာဒိတ်ပေးခဲ့တဲ့နေရာလဲဖြစ်

တယ်ကွဲ့”

          “ဟုတ်လားအဘိုး-ဘုရားကဘယ်လိုဗျာဒိတ်ပေးခဲ့တာလဲအဘိုး”

          “ ဒီလိုကွဲ့ 

မြတ်စွာဘုရားသခင်သက်တော်ထင်ရှားရှိစဉ်ကမဇ္ဈိမဒေသအရပ်ကနေဒေသစာရီကြွချီတော်

မူတော့အခုပုဂံမြို့အနောက်ဘက်ဧရာဝတီမြစ်ရဲ့တစ်ဖက်ကမ်းမှာရှိတဲ့တန့်ကြည့်တောင်ဖျားပေါ်

2

ကိုရောက်တော်မူတယ်၊ အဲ့ဒီကနေအရှေ့ဘက်ကိုလှမ်းကြည့်တော့ကမ်းပါးမြင့်အထက်မှာပေါက်ပင်

ကိုတွေ့ရတယ်။ပေါက်ပင်မှာဥဗျိုင်းဖြူနဲ့ကျီးညိုတစ်ကောင်နားနေတယ်။

 ပေါက်ပင်ခွကြားမှာလည်း ဖွတ်ပြိတ္တာဆိုတဲ့ လျှာနှစ်ခွနဲ့အကောင်တစ်ကောင် တွေ့ရတယ်။

အဲ့ဒီပေါက်ပင်ရင်းမှာတော့ဖားငယ်ဝပ်နေတာကိုလဲတွေ့ရတော့မြတ်စွာဘုရားကပြုံးတော်သတဲ့

 အဲဒီအခါမှာညီတော်အာနန္ဒာကအရှင်ဘုရားဘာကိုမြင်တွေ့လို့ ပြုံးတော်မူပါသလဲလို့
မေးမြန်းလျှောက်ထားတော့ မြတ်စွာဘုရားကချစ်သားအာနန္ဒာငါဘုရားပရိနိဗ္ဗာန်ပြုပြီးလို့
အနှစ်ခြောက်ရာ့ငါးဆယ်တစ်နှစ်ရောက်တဲ့အခါဤအရပ်မှာတိုင်းပြည်ကြီးတစ်ပြည်ဖြစ်ပေါ်လိမ့်မယ်
ဟောဟိုပေါက်ပင်မှာ ဥဗျိုင်းဖြူနဲ့ ကျီးညိုနားသည့်အလိုကား အဲဒီတိုင်းရပ်မှာ အလှူအတန်းပြုသူ သီတင်းသီလစောင့်သူတွေများသလို အကျင့်သီလပျက်သူ ဒုသီလဆိုတဲ့ သူတွေများမဲ့သဘော

ဖြစ်တယ်။ ပေါက်ပင်ခွမှာဖွတ်ပြိတ္တာလျှာနှစ်ခွနှင့်နေသည့်အလိုအရအဲဒီတိုင်းပြည်မှာနေသူတို့ဟာ လယ်ယာမလုပ်ဘဲအရောင်းအ၀ယ်ကုန်သွယ်မှုအလုပ်နဲ့အသက်မွေးခြင်းကြောင့်မမှန်သောစကား

ကိုလဲဆိုကြမယ်။ သစ္စာလည်းယိုယွင်းကြမယ်။

 အဲ့ဒီလို မြတ်စွာဘုရား ဗျာဒိတ်တော်ရှိတဲ့အတိုင်း ပေါက္ကံဆိုတဲ့ ပုဂံကို သမုဒ္ဒရာဇ်မင်းက

သာသနာ သက္ကရာဇ် ၆၅၁ ခုနှစ်မှာ စတင်တည်ထောင်တယ်ကွဲ့။

ပထမပုဂံမင်းဆက်မှာအားလုံး သမုဒ္ဒရဇ်မင်းကနေ ပိုက်သေဉ်လည်မင်းအထိမင်းဆက် ( ၆   )

ဆက်အုပ်ချုပ်သွားတယ် ၊နှစ်ပေါင်း ၂၃၇ နှစ် ကြာခဲ့တယ်ကွဲ့

 ( ဒီနေရာမှာအဘိုးစကားနဲနဲညှပ်ပြောထားအုံးမယ်အဲဒီလို မြတ်စွာဘုရားဗျာဒိတ်တော် ခြွေတုန်းမှာထူးခြားတာတစ်ခုရှိတယ်ကွဲ့ )

          ဟုတ်လား-ဘယ်လိုထူးခြားတာလဲအဘိုး

အဲဒါကတော့ မြတ်စွာဘုရားကို နေပူခမှာစိုးလို့နောက်ကနေကြာသုံးရွက်နဲ့မိုးပေးခဲ့တဲ့တောင်

စောင့်ဘီလူးရှိတယ်။အဲဒီဘီလူးကြီးကိုလဲမြတ်စွာဘုရားရှင်ကသူဟာပုဂံပြည်ကြီးပေါ်ပေါက်ပြိးတဲ့

နောက်အဲဒီပုဂံပြည်မှာလူသားဖြစ်ပြီးမင်းသုံးကြိမ်ဖြစ်လိမ့်ဦးမယ်လို့ဗျာဒိတ်တော်ထားခဲ့တယ်။

 ကဲ အဲဒီဘီလူးဟာဘယ်မင်းတွေများ ဖြစ်လိမ့်မလဲလို့ စဉ်းစားကြည့်ဖူးကြရဲ့လား။

          “ဘယ်မင်းဖြစ်မလဲသမီးတို့မသိဘူးအဘိ်ုး”

          “အဖြေကရှင်းရှင်းလေးဘဲ၊ ဘီလူးကလူဖြစ်တယ်ဆိုတော့ ရက်စက်ကြမ်းကြုတ်တဲ့ မင်းဆိုး
မင်းညစ်တွေပဲဖြစ်တော့မပေါ့။ ဒီတော့ ပုဂံမင်း(၅၆)ဆက်ထဲမှာ ဘယ်မင်းတွေ ဆိုးခဲ့ညစ်ခဲ့သလဲလို့
ရှာကြည့်တော့ စလေငခွေးရယ်၊ နရသူရယ်၊ နရသီဟပတေ့ဆိုတဲ့ မင်း(၃)ပါးကိုတွေ့ရတယ်။ သူတို့ဘယ်လောက်ဆိုးခဲ့ ရက်စက်ခဲ့တယ်ဆိုတာကိုတော့ သူတို့အကြောင်းရောက်မှပြောပြမယ် အခုတော့ရှေ့ပိုင်းအရင်စကြစို့

3

အဲ ဒုတိယ ပုဂံမင်ဆက်ကတော့ မင်း ( ၅  )ဆက်ရှိတယ်

(သေဉ်လည်ကြောင်)မင်းကနေ(သရမွန်ဖျား)မင်းအထိမင်း ( ၅ ) ဆက်ရှိတယ်နှစ်ပေါင်း ၁၇၂ နှစ်

ကြာအောင်အုပ်စိုးသွားခဲ့ကြတာကွဲ့

သေဉ်လည်ကြောင်မင်းကဒုတိယပုဂံအဖြစ်သီရိပစ္စယာမြို့ကိုကျောက်စကားရပ်မှာတည်ထောင်

ပြန်တာ?အဲဒီနေရာကအခုပုဂံမြို့ရဲ့တောင်ဘက်ရေအိုးစင်ချောင်းမြောက်ဘက်ကမ်းနေရာမှာ

တည်ခဲ့တာကွဲ့၊

သေဉ်လည်ကြောင်းမင်းလက်ထက်ကစပြီးနတ်ကိုးကွယ်တာတွေ၊ဒုသီလလိုခေါ်တဲ့အကျင့်ပျက်

ရဟန်းတွေပေါ်လာတယ်လိုဆိုတာဘဲကွဲ့

          “ဘုရားဗျာဒိတ်ပေးခဲ့တဲ့ဒုသီတလဆိုတဲ့အရည်းကြိးရဟန်းတွေကိုပြောတာလားအဘိုး”

          “အေး ဟုတ်တယ် သူတို့အကြောင်းကသပ်သပ်ပြောယူရမှာကွဲ့”

          “အဲနောက်ပြိးသိုက်တိုင်မင်းလက်ထက် ခရစ်နှစ် 516 ခုနှစ်မှာ တတိယပုဂံကို တည်ထောင်ပြန်တယ်ကွဲ့၊တတိယပုဂံပြည်ကိုတော့၊ရွာစိုက်ဟောင်းဆိုတဲ့နေရာကိုတမ္ပ၀တီလို့

အမည်မှည့်ခေါ်ပြိးတည်လိုက်တာဖြစ်တယ်၊

သိုက်တိုင်မင်းကနေခဲလူးမင်းအထိမင်းဆက် ၃၂ ဆက်အုပ်စိုးသွားတယ်၊နှစ်ပေါင်း(၃၃၀)ကြာတယ်

အဲဒီနောက်တော့ ပုဂံမင်းဆက်ရဲ့ (၃၄)ဆက်မြောက်ဘုရင် ပျဉ်ပြားမင်းလက်ထက် ခရစ် 849နှစ်မှာ

အခုမင်းတို့သိတဲ့ပုဂံနေရာမှာစတုတ္ထမြောက်ပုဂံကိုတည်ထောင်တာကွဲ့၊ပုဂံပြည်ကိုတည်ထောင်တုန်း

ကရဟန်းပညာရှိလေးပါးနဲ့လူပညာရှိလေးဦးတို့ပါဝင်ခဲ့ကြတယ်လို့ဆိုတယ်ကွဲ့

ဗုဒ္ဓသာသနာတော်ဟာ (၄၂)ဆက်မြောက်မင်းဖြစ်တဲ့အနော်ရထာမင်းလက်ထက်ကျမှပြန်ပြီး

ထွန်းကားလာတာ-အဲ့ဒီ စတုတ္ထမြောက်ပုဂံမှာပျဉ်ပြားမင်းကနေ-စောမွန်နစ်မင်းအထိမင်းပေါင်း

( ၂၃ ) ပါးရှိတယ်  နှစ်ပေါင်း ( ၅၂၀ ) ကြာခဲ့တယ်
(၃၄) ပျဉ်ပြားမင်း                       (846-876)          ( နန်းသက် - ၃၀  နှစ် )
(၃၅) တန်နက်                          (876-894)          ( နန်းသက် - ၁၈  နှစ် )
(၃၆) စလေမင်းခွေး                    (894-924)          ( နန်းသက် - ၃၀   နှစ် )
(၃၇) သိန်းခို                             (924-946)          ( နန်းသက် - ၂၂ နှစ် )
(၃၈) ညောင်ဦးစောရဟန်း            (946-991)         ( နန်းသက် - ၄၅ နှစ် )
(၃၉) ကျောင်းဖြူ                        (991-1013)        ( နန်းသက် - ၂၂ နှစ် )
(၄၀) ကျည်းစိုး                           (1013-1019)      ( နန်းသက် - ၆ နှစ် )
(၄၁) စုက္ကတေး                          (1019-1044)      ( နန်းသက် - ၂၅ နှစ် )
(၄၂) အနော်ရထာ                      (1044-1077)      ( နန်းသက် - ၃၃ နှစ် )
(၄၃) စောလူးမင်း                       (1077-1084)      ( နန်းသက် - ၇ နှစ် )  
(၄၄) ကျန်စစ်သား                      (1084-1113)      ( နန်းသက် - ၂၉ နှစ် )
(၄၅) အလောင်းစည်သူ                (1113-1160)     ( နန်းသက် - ၄၇ နှစ် )
(၄၆) နရသူ                               (1160-1165)     ( နန်းသက် - ၅ နှစ် )
(၄၇) နရပတိစည်သူ                    (1165-1211)     ( နန်းသက် - ၄၈ နှစ် )
(၄၈) နားတောင်းများ                   (1211-1231)     ( နန်းသက် - ၂၀ နှစ် )
(၄၉) နရသိင်္ဃ ဥဇနာ                   (1231-1235)     ( နန်းသက် - ၄ နှစ် )
(၅၀) ကျစွာ                               (1235-1249)     ( နန်းသက် - ၁၄ နှစ် )
(၅၁) ဥဇနာ                               (1249-1256)     ( နန်းသက် - ၇ နှစ် )
(၅၂) မင်းယဉ်                            (1256-1256)     ( နန်းသက် - 0 နှစ်
(၅၃) နရသီဟပတေ့                    (1256-1287)     ( နန်းသက်  - ၃၁ နှစ် )
(၅၄) ကျော်စွာ                           (1287-1298)     ( နန်းသက် - ၁၁ နှစ် )
(၅၅) စောနစ်                            (1298-1325)      ( နန်းသက်   - ၂၇ နှစ် )
(၅၆) စောမွန်နစ်                        (1325-1368)      ( နန်းသက်  - ၄၃ နှစ် )

စောမွန်နစ်မင်းဟာ ပုဂံမင်းဆက်များရဲ့ နောက်ဆုံးမင်းဖြစ်တယ်ကွဲ့ ။  ပုဂံပျက်သုဉ်းပြီးနောက် ပင်းယမြို့တော်များပေါ်ပေါက်လာတယ် ပင်းယမင်းဆက်များပေါ်ပေါက်လာခဲ့တယ်

နောက်တော့အင်းဝခောတ်၊တောင်ငူခောတ်၊ညောင်းရမ်းခောတ်၊ကုန်းဘောင်ခောတ်ဆိုပြီး

ဒိုမြန်မာမင်းတွေရဲ့မင်းဆက်နဲ့ခောတ်ကိုလွယ်လွယ်မှတ်ချင်ရင်။ ပု ၊ ပင်း၊ အင်း၊ တောင်၊ ညောင် ၊ ကုန်းဘောင် လို့ မြန်မာဘုရင်မင်းဆက်များအကြောင်းကို အတိုမှတ်လိုရနိုင်တာပေါ့ကွယ်၊

          “အင်းဒါကြောင့်ပုဂံရာဇ၀င်ဆိုတာရှည်လွန်းလို့တုတ်ထမ်းပြိးပြောရတယ်လို့ဆိုတာကိုး”

          “ အေး--ရှည်ရုံတင်မကသေးဘူး ရှတ်ကလဲရှုတ်သေးသကွဲ့ -

          ကဲ စတ္တုထ ပုဂံပြည်ရဲ့အစကနဦးပိုင်းမင်းတွေရဲ့ရှုတ်တော်ပုံကလေးစလိုက်ကြရအောင်

ဘုရားဗျာဒိတ်တော်ထားခဲ့တဲ့ဘီလူးကနေလူဖြစ်လာတဲ့စလေမင်းခွေးကနေဘဲစပြောပြမယ်

          ပထမဆုံးစတ္တုထပုဂံပြည်ကိုတည်ထောင်တာကတော့ပျဉ်ပြားမင်းဘဲ၊ဒီမင်းလက်ထက်မှာ

ပုဂံမြို့အ၀င်သရပါမြို့ဝင်တံခါးကိုတည်ဆောက်ခဲ့တာအခုထိရှိသေးတယ်၊

          အဲဒီနောက်သူ့ရဲ့သားတော်တန်မင်းဆက်လက်အုပ်ချုပ်တယ်၊အဲဒိအချိန်မှာဟိုး--တတိယပုဂံ

မင်ဆက်ထဲက မင်းဆက် ၂၇ ဆက်မြောက် သိန်းခဲမင်းရဲ့ညီတော်တစ်ပါးဟာနောင်တော်တွေတိုက်

ခိုက်လိုစလေအရပ်ကိုတိမ်းရှောင်နေရတယ်၊အဲဒီမင်းသားတဲ့သားငခွေးဆိုတာကိုသူဋ္ဌေးတစ်ဦးရဲ့

အိမ်မှလှေထိုးသားအဖြစ်နဲ့အလုပ်လုပ်ကိုင်ရတယ်၊တစ်နေ့တော့ပုဂံကိုလှေထိုးသွားရင်းညအိပ်တော့

သူ့အူတွေပုဂံမြို့ကိုပတ်နေတယ်လို့အိပ်မက်တယ်၊မနက်ရောက်တော့လှေထွက်ဘို့ဝါးတိုင်ကိုဆွဲလိုက်တော့ထိုးဝါးမှာရွှေလင်းပန်းတစ်ချပ်ပါတယ်၊အဲဒါကိုယူလိုက်ရင်ငါအိပ်မက်လောက်မတန်ဘူးဆိုပြိးရေ

4

          ထဲပြန်ပစ်ချလိုက်တယ်၊ပုဂံရောက်တော့ပုဏ္ဏားတစ်ယောက်ထံမှာဗေဒင်မေးကြည့်တော့ပုဂံ

မှာဘုရင်ဖြစ်မယ်လို့ဟောလိုက်တယ်၊သူကလဲသူဋ္ဌေးနှိပ်စက်တာမခံနိုင်တော့သူဋ္ဌေးအလုပ်ကထွက်

ပြိးတန်မင်းထံအခစားဝင်ပြီးအလုပ်တောင်းတယ်၊တန်မင်းကလဲရုပ်ရည်ကိုကြည့်ပြိးသဘောကျသွား

တာနဲ့မြင်းထိန်းခန့်ထားလိုက်တယ်၊

          တန်မင်းကမိဘုရားငယ်အလွန်ပေါတယ်၊ငခွေးကတန်မင်းရဲ့မိဘုရားငယ်တစ်ပါးနဲ့တိတ်တခိုး

ချစ်ကြိုက်နေတယ်၊တစ်နေ့တော့၊နှစ်ယောက်ပေါင်းပြိးတန်မင်းမြင်းတင်းကုတ်ကိုလာကြည့်တဲ့အခါမှာ

မြင်းချေးပုံထဲကိုတွန်းချပြိးလုပ်ကြံလိုက်တယ်၊ပြီးတော့အဲဒီမိဘုရားကိုမိဖုရားအရာမြှော်က်ပြီးစလေ

မင်းခွေးအဖြစ်နဲ့ထီးနန်းသိမ်းပိုက်လိုက်တာပေါ့၊

(တန်မင်းရဲ့မိဘုရားကြီးကတော့စလေငခွေးမိဘုရားမြှောက်မှာကိုမလိုလားတဲ့အတွက်၊သူ့မှာလဲတန်မင်းနဲ့ရတဲ့ကိုယ်ဝန်ရှိနေတာကြောင့်တိတ်တဆိတ်ထွက်ပြေးပြိးကျောင်းဖြူအရပ်မှာမထင်မရှား

ပုန်းအောင်းနေတယ်ကွဲ့ )

         စလေငခွေးမင်းဖြစ်တော့သူ့ကိုနှိပ်စက်ခဲ့တဲ့သူဋ္ဌေးကိုခေါ်ပြိးသတ်တယ်၊နောက်သူ့ကိုနှိပ်စက်

ခဲ့ဘူးသူတွေကိုရှာပြိးပြန်ကလဲ့စားချေတဲ့အတယ်အလွန်ရက်စက်ယုတ်မာတဲ့အတွက်၊မူးမတ်တွေက

တိုင်ပင်ပြီးစလေငခွေးရေကစားနေစဉ်မှာနေနှစ်ပြိးလုပ်ကြံလိုက်တယ်၊

          စလေငခွေးသေတော့သူ့သားတော်သိန်းခိုမင်းဆက်လက်မင်းပြုတယ်၊သိန်းခိုမင်းကလဲ

သိပ်ပြိးအရည်အချင်းမရှိဘူး၊ဘုန်းတန်ခိုးလဲသိပ်ရှိုပုံမပေါ်ဘူး-မြင်းတစ်စီးနဲ့တောကစားထွက်လေ့ရှိ

တယ်၊တစ်နေ့တော့တောကစားထွက်ရင်းသူ့မြင်းထိန်းနောက်လိုက်နဲ့ကွဲသွားပြီး၊တောင်သူကြီး

တစ်ဦးရဲ့ယာခင်းထဲကိုရောက်သွားတယ်ယာခင်းထဲကသခွါးသီးတစ်လုံးကိုရေဆာဆာနဲ့ခူးစားလိုက်တာယာတောင်သူကြီကတွေ့သွားတော့ပိုင်ရှင်ကိုခွင့်မတောင်းဘဲခူးစားရမလားဆိုပြိးခေါင်းကိုတူရွင်းနဲ့ရိုက်လိုက်တာ၊သိန်းခိုမင်းနတ်ရွာစံပါလေရော၊

          သိန်းခိုမင်းရဲ့နောက်လိုက်မြင်းထိန်းရောက်လာတော့သူဘုရင်ကိုတောင်သူကြိးသတ်လိုက်

တယ်ဆိုမြင်တော့၊မင်းဘုရင်ကိုသတ်ရင်ဘုရင်လုပ်ရမယ်၊လိုက်ခဲ့ဆိုပြီခေါ်တယ်၊

အဲဒိတော့တောင်သူကြိးက

          ”ခွေးမကြီးနို့ကိုခွေးကလေးတွေစို့သလိုအစီအရီသီးနေတဲ့ငါ့သခွါးခင်းကိုမခွဲနိုင်ဘူး”

လို့ပြန်ပြောတယ်၊

          “ သင့်ယာခင်းလဲပိုင်ရမယ်-နန်တော်ကိုလဲပိုင်မယ်မိဘုရားကိုလဲပိုင်မယ်”လို့ပြောတော့

တစ်ခါထဲလိုက်သွားတော့တာဘဲ၊

          တောင်သူကြိးနန်းတော်ကိုရောက်လာပြီးမြင်းထိန်းကအကျိူးအကြောင်းပြောပြတော့

မူးမတ်တွေကတိုင်းပြည်မငြိမ်မသက်ဖြစ်မှာစိုးလို့ဘုရင်နေထိုင်မကောင်းဖြစ်နေတယ်လိုပြောထား

တယ်၊တောင်သူကြီးမင်းကိုတော့ထီးနန်းဓလေ့များကိုတစ်ပတ်လောက်သင်ကြားပေးပြီးမှညီလာခံ

5

ထုတ်တယ်၊ညီလာခံမှာတောင်သူကြိးမင်းကိုတွေ့တော့နန်းတွင်သူနန်းတွင်းသားတစ်ချို့ကဟာဒါငါ

တို့ရွှေနန်းရှင်လဲမဟုတ်ပါလားလို့တီးတီုးစကားဆိုကြတော့၊နန်းမဆောင်ထဲမှာထားတဲ့ကျောက်ဘီး

လူးရုပ်ကြီးတွေကထောင်းထုကြသတဲ့လေ၊

          “ ဟယ်- ဟုတ်လားအဘိုး အမလေးကျောက်စရာကြီးနော် “

          “အေး-ဟုတ်တယ်နောက်လာအုံးမယ်-ဒီကျောက်ဘီးလူးကြိးတွေ”

          တောင်သူကြီးမင်းကဘုရင်ဖြစ်တော့ညီအမ( ၃ )ယောက်ကိုမိဖုရားမြောက်လိုက်တယ်

တောင်ပြင်မိဖုရား၊မြောက်ပြင်မိဖုရား၊အလယ်မိဖုရားလို့အမည်ပေးထားတယ်၊

          ဘုရင်ဆိုပေမဲ့တောင်ယာအလုပ်ကိုမစွန့်နိုင်တော့သူ့ယာတောကိုမကြာမကြာသွားနေလေ့

ရှိတယ်၊တိုင်းရေးပြည်ရာအုပ်ချုပ်ရေးလဲသိပ်စိတ်မ၀င်စားတော့၊မူးမတ်နဲ့တိ်ုင်းသူပြည်သားတွေက

နောက်ထပ်မင်းတစ်ယောက်ကိုမျော်နေတာပေါ့ကွယ်၊

အဲဒီအချိန်မှာ

တန်နက်မင်းရဲ့ မိဘုရား ကိုယ်ဝန်အရင့်အမာနှင့် ထွက်ပြေးတိမ်းရှောင်ပြီး ကျောင်းဖြူအရပ်မှာ ပုန်းအောင်းနေရတဲ့မိဘုရားကသားတော်ကလေးတပါးမွေးဖွားလာတယ်ကြောင်ဖြူလို့နာမယ်

ပေးထားတယ်၊သားတော်လေးကိုငယ်စဉ်ကတည်းကဘာသာရေးကိုင်းရှိုင်းလာအောင်သရဏဂုံ

၃ပါးနဲ့ငါးပါးသီလကိုလုံခြုံအောင်ဆုံးပေးထားတယ်၊ ညအိပ်ယာဝင်ပုံပြင်များအဖြစ်သူခင်ပွန်းတော်

နဲ့အကိုတော်ခမည်းတော်များရဲ့အကြောင်းကိုဇာတ်လမ်းဖွဲ့ပြီးရာဇ၀င်ပုံပြင်များပြောပြလေ့ရှိတယ်။

သားတော်ကြော်ဖြူမင်းသားလေးကမယ်တော်ရဲ့ပုံပြင်တွေကိုနားထောင်ရင်းသားဘုရင်ဖြစ်ရင်

သူများကိုမသတ်ဘဲနဲ့ဘုရင်ဖြစ်အောင်လုပ်မယ်၊သူများအသက်မသတ်ဘဲနဲ့ဘုရင်ဖြစ်အောင်လုပ်

မယ်လို့အမြဲကြိမ်းဝါးလေ့ရှိတယ်၊

“ မယ်မယ်ဘုရား၊ သားငယ်ငယ်က ပုဂံပြည်အကြောင်းများကို မယ်မယ်ဘုရားပုံပြောတာကြားရ တော့ သားစိတ်ထဲ မင်းသိပ်ဖြစ်ချင်လာတယ်။ဘုန်းမြတ်ကြီးဘုရားကညတိုင်းဘရားဝတ်တက်ပြိ

တိုင်းမြတ်စွာဘုရား ထီးနန်းစွန့်လွတ်ပြီး တောထွက်တဲ့အကြောင်း၊ မဇ္ဈိမဒေသရဟန်းတော်တွေ၊ မင်းတွေအကြောင်းမိန့်ဆိုတာကြားရတော့သားတော်စိတ်ထဲမှာပိုပြီးမင်းဖြစ်ချင်လာတယ် မယ်မယ်ဘုရား။ အခုရှိနေတာနဲ့ ဘာမှမဆိုင်ဘဲဟာ။ ဒီတရားအလွဲတွေ လိုက်နေလို့ကတော့ မဂ်ဖိုလ်နိဗ္ဗာန်မပြောနဲ့ လူပြန်ဖြစ်ဖို့တောင်မလွယ်ပါဘူး။ ဒီတရားစစ်တရားမှန်တွေ ပုဂံတပြည်လုံး သိကြရအောင်သားသိပ်ပြီးမင်းလုပ်ချင်တာပဲ”

          အဲဒီစကားကြားတော့မယ်တော်ကသိပ်ဝမ်းသာတယ်၊ 

အဲဒီအချိန်အခါမှာကဒုသီလလိုခေါ်တဲ့ဆံကေသာလက်လေးသစ်၊မုဆိတ်မွေးဗလဗြစ်၊မဲညစ်တဲ့

စီဝရံ၊တာတေလံအကျင့်ဆိုးတဲ့ရှင်မထီးအရည်းကြီးတွေရဲ့အယူဝါဒကလွမ်းမိုးနေပြိ

6

ရှင်မထီးအရည်းကြီးတွေရဲ့ တာတေလံအကျင့်ဆိုးဆိုတဲ့ဓလေ့ကပန်းဦးဆက်သရတယ်ဆိုတာ
အရွယ်ရောက်လို့ အိမ်ထောင်ပြုတော့မယ်ဆိုရင်မင်္ဂလာလက်ထပ်ပွဲကျင်းပကြရတယ်။
ဒီလိုမင်္ဂလာပွဲလက်ထပ်ကျင်းပပြီးတဲ့အချိန်သတိုးသားကသတိုးသမီးကိုရှင်မထီးအရည်းကြီးရဟန်း

တော်ကြီးတွေကိုဆက်ကပ်လှူဒါန်းရတယ်တဲ့။
သတိုးသားနဲ့သတိုးသမီးအတူမအိပ်ခင်သတိုးသားကသတိုးသမီးကိုအရည်းကြီးရဟန်းတော်တွေကိုဦးဦးဖျားဖျားလှူဒါန်းတာကိုပန်းဦးဆက်သတယ်လို့ ခေါ်တယ်။

          အဲ့ဒီခေတ်အဲဒီအခါကဒီလိုလုပ်ရင်ကုသိုလ်ရတယ်လို့ စွဲစွဲမြဲမြဲယုံကြည်နေတဲ့အတွက်ဒီဓလေ့

တွေကိုအချိန်တန်ရင်ပျော်ပျော်ရွှင်ရွှင်ပဲ ပြုလုပ်လေ့ရှိတယ်။
မင်းနှင့် မူးမတ်တို့ကအစအဲဒီအရည်းကြီးတွေကိုကိုးကွယ်ကြတယ်။နဂါးရုပ်ကြီးတွေ၊နတ်မဟုတ် ဘုရားမဟုတ်ရုပ်တုတွေ၊ ဟိန္ဒူရုပ်တုတွေကိုအိမ်မှာထားကိုးကွယ်ကြတယ်
အဲဒီအရည်းကြီးတွေကလောကီအတက်အင်းအိုင်ခါးလှည့်လက်ဖွဲ့မန္တန်အတတ်တွေကိုမင်းတွေမူးမတ် တွေကိုယ်တိုင်ကတိုင်းပြည်ငြိမ်ဝပ်ပိပြားရေး၊ ရာထူးတိုးတက်ရေး၊ အန္တရာယ်ကင်းရေးအတွက်ဆိုပြီး အားကိုးအားထားပြုပြီးကိုးကွယ်နေကြတဲ့ခောတ်ပေါ့

          သားတော်စိတ်လိုက်မာန်ပါပြောနေတာကိုမယ်တော်ကကြိတ်ပြီးဝမ်းသာနေတယ်၊
“တိုးတိုးပြောပါသားရယ်၊ မင်းဖြစ်တယ်ဆိုတာ လွယ်တာမဟုတ်ဘူး သားရဲ့မင်းကိုသတ်ရဲမှ မင်းဖြစ်တာသားကသတ်ရဲလို့လား”
မယ်တော်ကလက်ရှိအစဉ်အလာကိုအခိုင်အအမာလုပ်၍ပြောရင်းသားအကဲကိုစမ်းလိုက်တာဘဲ၊
          “လူမပြောနဲ့ .. ပုရွက်ဆိတ်တောင် သားမသတ်ရဲပါဘူး။လူသတ်ဝံ့မှလဲမင်းဖြစ်တာမဟုတ် ပါဘူး မယ်မယ်ဘုရားရယ်။ ဘုန်းမြတ်ကြီးဘုရားကပြောတယ်…
၁။ ဗြဟ္မစရိယခေါ်တဲ့အကျင့်သီလကိုနည်းနည်းကျင့်နိုင်ရင်လူမင်းဖြစ်သတဲ့။
၂။ အလယ်အလတ်ကျင့်ရင်ဗြဟ္မာမင်းဖြစ်သတဲ့။
၃။ အကောင်းဆုံးကျင့်ရင် မင်းတကာ့မင်း ရဟန္တာဖြစ်ပြီး နိဗ္ဗာန်ရသတဲ့။
သားတော်လဲ ငါးပါးသီလကို အမြဲစောင့်နေတာပဲဟာ။ အခု မင်းလုပ်နေတဲ့သူတွေထက်တော့ သာတာပဲ။ အဲဒီဘုန်းကြီးတွေဟာ အရက်လဲသောက်တယ်။ သူတပါးသမီးပျိုကိုလဲ “ပန်းဦီးလွတ်” တယ်ဆိုပြီး ကျူးလွန်ကြတယ်။သတ်နိုင်တိုင်းလဲမင်းဖြစ်တာမဟုတ်ပါဘူး”
“ တော်ပါတော့သားရယ်။တော်ကြာ ရာဇဝတ်သင့်နေပါဦးမယ်။ သီလရှိတဲ့လူဟာ ဘာမဆို လိုချင်တာရနိုင်သတဲ့။ မောင့်ဘုန်းမြတ်ကြီးဘုရား ဟောတဲ့အတိုင်းသာ လိမ်မာအောင်နေပါ”
အဲဒီလိုနဲ့သားအမိနှစ်ယောက်သား ရတနာသုံးပါးဝတ်ကို ဖြည့်လျက်နေလာခဲ့ကြတယ်။

7

ကြောင်ဖြူသားတော်လေးအရွယ်ရောက်လာတော့ ပုဂံနေပြည်တော်တက်ပြီးတောင်သူမင်းကြီး
အခစားဝင်တယ်၊၊ကြောင်ဖြူဟာမြန်မာစာအရေးအသားနှင့် အတွက်အချက်လဲကျွမ်းကျင်၊ဥပဓိ

 ရုပ်လည်းခန့်ညားရိုးသားတဲ့အမူအယာရှိလို့ နန်းတော်မှာကွမ်းဆော်ရာထူးခန့်အပ်ခံရတယ်။

ကွမ်းဆော်ဆိုတာအခွန်အကောက်နှိုးဆော်စီမံရသူကွဲ့။

ကွမ်းဆော်ရာထူးအမှုတော်ကိုထမ်းရွက်ရင်းသင်ယူခဲ့ရသမျှသရဏဂုံ ငါးပါးသီလကိုလည်း ကြိုးစားပြီးစောင့်ထိန်းတယ်။ အလုပ်ကိုလဲ ကြိုးစားလုပ်ရင်းတစ်ဘက်ရတနာသုံးပါးကိုလဲ အလုပ်လုပ်ရင်းပင် နှလုံးသွင်းနေတယ်၊ဒါကြောင့်တစ်ရွာဝင်တစ်ရွာထွက်ကွမ်းဆော်လုပ်ရာမှာ ခင်မင်သူ ကူညီသူပေါပြီးအလုပ်လည်း ပို၍အောင်မြင်နေတယ်၊
          တနေ့တော့စောင်းချမ်းပင်စောင့်နတ်သည် ကိုယ်ထင်ရှားပြကာ -
“ မင်းသား၊ သင်သည် တနေ့သောအခါ ဤပုဂံပြည်၌ မင်းဖြစ်လိမ့်မည်။ သရဏဂုံသုံးပါးနှင့် ငါးပါးသီလကို လုံခြုံအောင်စောင့်ထိန်းပါ။ အနုဿတိဆယ်ပါးကို မပြတ်ပွားများပါလေ”
လို့ သတိပေးပြောဆိုကာ ပျောက်ကွယ်သွားတယ်။ပျဉ်ပြားမင်းရဲ့မြေး၊တန်နက်မင်းရဲ့သားဖြစ်တဲ့ ကွမ်းဆော်လုလင်ဟာငယ်စဉ်ကထဲကဇာတိမာန်မင်းသွေးစိတ်ရှိပြိးမင်းဖြစ်ချင်နေတာ-သာသနာ အစစ်အမှန်ပြန့်ပွားစေလိုတဲ့ စိတ်ရှိသူဆိုတော့ပိုပြိးစိတ်အားတက်လာတယ်။

အဲဒီအချိန်မှာ-ပုဂံတမြို့လုံးလေးပြင်လေးရပ် ကောလဟာလများဖြစ်နေတယ်

 “မင်းလောင်းပေါ်နေပြီိတဲ့။ ဘယ်နေ့ရက် ဘယ်နေရာမှာတဲ့။”

အဲဒီလိုကောလဟာလတွေကလူတိုင်းပါးစပ်ဖျားမှာပြောနေကြတယ်လက်ရှိတောင်သူကြီးမင်းက

လဲဘုန်းကံမရှိ၊အရည်းကြီးတွေနန်းတော်မှာတရုံးရုံးဝင်ထွက်နေတာဆိုတော့နန်းတော်နဲမတူတော့ဘူး
ကွမ်းဆော်လုလင်လဲအဲဒီကောလာဟာလကိုအသိချင်ဆုံးဖြစ်နေတယ်။

ပုဂံတပြည်လုံးလဲ အုတ်အုတ်သဲသဲဖြစ်နေတယ်။

        တနေ့တော့ပုဂံပြည်သူပြည်သားတွေဟာအုပ်စုဖွဲ့ပြီးတူရွင်းတောင်ဘက်ကိုသွားနေကြတယ် မင်းလောင်းလာနေတယ်၊မင်းလောင်းကိုသူ့ထက်ငါအလျင်ဖူးတွေ့ဘို့သွားကြစို့ဆိုပြိးသွားနေကြတယ်
ကွမ်းဆော်လုလင်လဲရွာတရွာသို့ကွမ်းဆော်အလုပ်သွားရင်းလူတွေ စည်ကားစွာသွားလာနေကြတာ

ကို တွေ့တော့သူလဲမင်းလောင်းကိုမြင်ချင်တာနဲ့

“မင်းလောင်းကြည့်ပြီးမှပင် နေပြည်တော်သို့ သွားတော့မည်”

လို့စိတ်ကူးပြီးတူရွင်းတောင်ဘက်ကိုအပြေးထွက်လာခဲ့တယ်။

သူသွားနေတဲ့လမ်းခရီမှာရေးကြီးသုတ်ပြာနဲ့မြင်းစီးလာသောအဖိုးအိုတဦးကိုတွေ့ရတယ်၊ ရှောင်သွားမယ်လုပ်တော့
“ အမောင်၊ ငါ့မြင်းကို ပုဂံသို့ယူဆောင်သွားစမ်းပါ။ အဘိုးမှာကိစ္စတခုရှိနေသေးလို့”
          အဘိုးအိုကမြင်းကိုရပ်၍ ပြောလိုက်တယ်-မင်းလောင်းကြည့်လိုဇောနဲ့အမောတကော

8

          သွားနေတုန်းအရေးထဲအရာပေါ်၍ စိတ်မရှည်တော့ဘဲ -
          “ဟာ … မဖြစ်ပါဘူးဘိုးဘိုး၊ အားတော့နာပါရဲ့၊ ကျွန်တော် တူရွင်းတောင်ဘက်ကို           မင်းလောင်းသွားကြည့်ချင်သေးတယ်။ နေလဲအတော်နည်းနေပြီ”
          “ အမောင်ဘယ်လိုပြောလိုက်တာလဲ၊ အမောင်သွားမယ့်ခရီး မြင်းပါတော့           ပိုပြီးမြန်မြန်မရောက်ပါလား”
          ကွမ်းဆော်လုလင်လဲအဲဒီတော့မှ

          “ ဟုတ်ပါရဲ့ဘိုးဘိုး၊ ကျွန်တော် စိတ်စောနေလို့”

ပါလို့ပြောပြိးမြင်းပေါ်တက်တက်အပြေးစိုင်းနှင်တော့မယ်လုပ်တော့အဘိုးအိုက
          “ခဏလေးဆိုင်းငံ့ပါဦး ငါ့မြေးရယ်၊ ဟောဒီပတ္တမြားလက်စွပ်ကလေး ဝတ်ကြည့်စမ်းပါဦး၊ ငါ့မြေးနဲ့တော်ရဲ့လား၊နောက်ပြီိးဟောဒီဥသျှောင်ကလေးရောဟောဒီပတ္တမြားကျောက်စီလှံကလေး

ရောလက်စနဲ့ ယူသွားစမ်းပါ၊ဘိုးဘိုးမြို့အဝင်ဝကစောင့်နေမယ်။ဘိုးဘိုးနောက်ကျလို့ မမီလဲ စောင့်မနေနဲ့ ၊မင်းနန်းရင်ပြင်ရောက်တော့တွေ့ကြတာပေါ့။နန်းရင်ပြင်ကိုသာမောင်းလာခဲ့ပေတော့”
ကွမ်းဇေယ်ာလဲစိတ်မရှည်တော့ပဲ

           “ဟုတ်ကဲ့ပါဘိုးဘိုး”

ဟုဆိုပြီးဘာမျှစဉ်းစားမနေအားတော့ဘဲ မြင်းကိုသာဒုန်းစိုင်းပြီးသွားမောင်းသွားတော့တယ်၊

ဥသျှောင်ကိုလည်းအကိုင်ရခက်လို့ခေါင်းမှာပင်ဆောင်းလိုက်တယ်၊ပတ္တမြားကျောက်စီလှံကိုလည်း လက်တဖက်ဖြင့်ထောင်၍ကိုင်ပြီးတူရွင်းတောင်ခြေလူအုပ်ကြီးထဲသို့ မြင်းကိုဒုန်းစိုင်းပြီးဝင်သွားတော့ တာပေါ့

          တူရွင်းတောင်ခြေမှာစုရုံးနေကြတဲ့လူအုပ်ကြီးက

“ဟော-ဟောဟိုမှာမင်းလောင်းလာနေပြီ-မင်းလောင်းမြင်းစီးပြိးလာနေပြီ”

လို့အော်ဟစ်ကြပြိးပန်းသပြေညောင်ရေလောင်းကာကွမ်းဆော်လုလင်ကိုဝိုင်း၍ပူဇော်ကန်တော့ကြတယ်၊ မင်းလောင်းကြည့်ဘို့သွားတဲ့ကွမ်းဆော်ကအံ့အားသင့်သွားတယ်။ မင်းလောင်းကြည့်ချင်ဇောဖြင့် ကသောကမျောလမ်းကယူခဲ့သည့်ပစ္စည်းတွေကိုခုမှသတိထားကြည့်

မိတော့မင်းမြောက်တန်ဆာတွေဖြစ်နေပြီးမိမိကိုယ်တိုင်မင်းလောင်းဖြစ်နေတာသတိပြုမိတော့တယ်။
အဲဒီအခါမှာတစ်ချိန်ကစောင်းချမ်းပင်စောင့်နတ်ပြောစကားကိုပြန်လည်သတိရလေတော့တယ်။           လူအုပ်ကြီးကသူ့ကိုဝိုင်း၍ကန်တော့နေကြတယ်၊ပုဂံမြို့ဘက်၊ တောရွာများဘက်ကလူစု လူဝေးကြီးတွေလဲအုံးအုံးကြွတ်ကြွတ်နဲ့လာနေကြတယ်။

          ကွမ်းဆော်လုလင်မှာလဲမြင်းစီးလျက်ကမင်သက်မိကာ/ဘုမသိ/ဘမသိတွေပြီးစဉ်းစားနေ

တုန်း- နေလည်းဝင်လုပြီိဖြစ်လို့အကြံရခက်နေတယ်၊ မြင်းပေးလိုက်သော အဘိုးအိုက           “နန်းရင်ပြင်ကိုသာ မောင်းလာခဲ့ပေတော့”

9

          လို့ဟု မှာသည်ကို သတိရကာ မြင်းဇက်ကြိုးဆွဲလည့်ပြီး ရတနာသုံးပါးဂုဏ် အာရုံပြုလျက် ပုဂံနေပြည်တော်သို့ ထွက်ခဲ့လေတော့တယ်။
          တူရွင်းတောင်ခြေရှိ လူအုပ်ကြီးနှင့်ဟိုမှသည်မှလာနေကြတဲ့လူအုပ်ကြီးကလဲမြင်းနောက်က

လိုက်လာကြတယ်၊နန်းရင်ပြင်အထိလိုက်လာကြသူများထွက်၍ကြည့်သူများနဲ့ပုဂံနေပြည်တော်မှာ အစည်ကားဆုံးနေ့ကြီးတနေ့ဖြစ်သွားတယ်၊နန်တော်တစ်ခုလုံး အုန်းမောင်းစည်သံများခြိမ့်ခြိမ့်ညံသွား

တယ်၊တောင်သူကြီးမင်းလဲအံ့အားသင့်ပြီးနန်းဦးကထွက်ကြည့်တယ်၊
          “ငါကိုယ်တော်မြတ်ရှိနေပါလျက် အဘယ်သူက မင်းပြုလိုဘိသနည်း”

လို့ ကြိမ်းဝါးအော်ဟစ်နေတယ်၊
          သူရဲ့မင်းဖြစ်ရမည့် ကုသိုလ်ကံအရှိန်အဝါကလည်း ကုန်လေပြီဖြစ်လို့နန်းတော်မှာ ထုလုပ်ကိုးကွယ်ထားတဲ့တင်းပုတ်ထမ်းထားတဲံကျောက်လူရုပ်ကသူ့ကိုရိုက်ပုတ်ပြီးတွန်းချလိုက် တောင်သူကြီးမင်းလေသာပြူတင်းကကျပြိးနတ်ရွာစံသွားပါလေရော?

တောင်သူကြီမင်းနတ်ရွာစံလေတော့မူမတ်တွေအားလုံးကကွမ်းဆော်လုလင်ကိုမင်းအဖြစ်တင်

မြှောက်လိုက်တော့တယ်-ကွမ်းဇော်မင်းဟာဘုရင်ကိုမသတ်ဘဲမင်းဖြစ်လာတဲ့မင်းတစ်ပါးဘဲဖြစ်

တယ်ကွဲ့

ကွမ်ဇော်ဘုရင်ဖြစ်လာတော့တောင်သူကြီးမင်၏ မိဘုရား ညီိအစ်မ သုံးဦးကို မိဘုရားအရာဆက်ပြီး ချီးမြောက်လိုက်တယ်။
အကြီးညီအစ်မနှစ်ဦးမှာ “ကြည်းစိုနှင့် စုက္ကတေး” မင်းသားနှစ်ပါးတို့ ကိုယ်ဝန်သန္ဓေများပါလာခဲ့တယ် တောင်သူကြီးမင်းရဲ့သားတွေပေါ့ကွယ်၊အငယ်ဆုံးမိဘုရားနဲ့ကျမှ  “အနော်ရထာ”ကို ဖွားတာကွဲ့။
ကွမ်းဆော်မင်းကိုကြောင်ဖြူမင်းလို့လဲခေါ်ကြတယ်နောက်ပိုင်းကတော့ကွမ်းဇော်ကြောင်ဖြူမင်းလို့ ရာဇ၉်မှာတွင်လာတာပေါကွယ်

          “ အော် - အနော်ရထာမင်းရဲ့ဖခင်ကကွမ်းဇောကြောင်ဖြူမင်းပေါ့ “

“အေး-ဟုတ်တာပေါ့ရတနာသုံးပါကိုယုံကြည်ကိုးကွယ်တဲ့အတွက်နတ်များသိကြားမင်းကတောင်ကူ

ညီစောင့်ရှောက်တယ်၊၊မင်းပြုနေတုန်းမှာလဲရဟန်းဝတ်လေ့ရှိတယ်၊

အရည်းကြီးသာသနာကိုသာသနာအစစ်အမှန်မဟုတ်မှန်းသိတ့အတွက်ထေရဝါဒသာသနာအစစ်အမှန်များပြန့်ပွားထွန်းကားအောင်ဆောင်ရွက်လိုစိတ်များလည်း မကြာခဏ ဖြစ်ပေါ်နေ၏။
နန်းစံ ၂၂- နှစ်ရှိသောအခါ ကြည်းစိုနှင့် စုက္ကတေး မင်းသားနှစ်ဦးကဘုရင်ကိုနန်းချလိုတဲ့အတွက်

အကောက်ကြံတယ်၊

          ကျောင်းတစ်ဆောင်ဆောက်လုပ်ပြီး။ကျောင်းပြီးတော့
          “ခမည်းတော်ဘုရား.. သားတော်များဆောက်လှူထားတဲ့ ကျောင်းတော်ကို လိုက်ပြီးကြည် ညိုလှဲ့ပါဦး၊ သာဓုခေါ်ပါဦီး။”

လို့ပင့်ခေါ်ပြီးကျောင်းကိုခေါ်ပြတယ်၊

10

          ကျောင်းရောက်တော့

          “သားတော်တို့ကျောင်းမှာလဲကျောင်းထိုင်ဘုန်းကြီးမတွေ့ပါလား”

          လို့ဆိုတော့

          “မှန်ပါ့ဘုရား-အရှင်ဘုရားသီတင်းသုံးဘို့ပါဘုရား”

လိုဆိုပြိးအသင့်စီစဉ်ထားသောသင်္ကန်းများပေးအပ်ပြီးအတင်းအကြပ်ရဟန်းပြုခိုင်းကြတယ် “

နန်းတော်ပြန်ရောက်တော့

          “ဘုရင်ကြီးသူ့အလိုအလျှောက် ရဟန်းပြုသွားပြီ”

          လို့နေပြည်တော်မှာကောလဟာလလုပ်ပြီးသားအကြီးကြည်းစိုကမင်းပြုလိုက်တယ်။

          “တော်တော်အကြံပတ်စက်တာဘဲနော်အဘိုး”
အေးနောက်သူလဲသိပ်မကြာဘူးစုက္ကတေးကမင်းဆက်ြ့ပုတယ်

စုက္ကတေးမင်းဆက်ပြုတဲ့အခါမှာအဒေါ်ဖြစ်သူအနော်ရထာ၏မိခင်ကိုမိဘုရားတင် မြောက်လိုက်တယ်၊

          “ဟား-ဟား-အသင်ကားငါ၏ညီသားတောင်ငယ်ဖြစ်သွားပြီ “

လို့အနော်ရထာကိုလူဘုံအလယ်မှာပျက်ရယ်ြ့ပုတဲ့အတွက်အနော်ရထာမခံန်ိင်တဲ့အတွက်

စုက္ကတေးနဲ့စီးချင်းထိုးဘို့ချိန်းဆိုလိုက်တယ်ကွဲ့

          “ကဲငါ့မြေးတို့ကျန်တဲ့အပိုင်းကိုပိတ်ကားပေါ်ဆက်ကြည့်ပါလို့ပြောရမယ်”

          “ဘာလဲအဘိုး-ကျန်တဲ့အပိုင်းပိတ်ကားေ့းဆက်ကြည့်ဆိုတာ”

          “အော်- နောက်တစ်ပတ်ကျရင်-ကျန်တဲ့အပိုင်းကိုတော့ငါ့မြေးတွေကို

          အဘိုးကပုံကိုခေါ်သွားပြိးကိုယ်တိုင်လိုက်ကြည့်ခိုင်းမလို့ပေါ့ကွယ်”

          “ဟာ-လိုက်မယ် -လိုက်မယ်အဘိုး”

          “အေးအေး -နောက်တစ်ပတ်ဆက်ဆက်လာခဲ့အထုတ်အပိုးတွေယူခဲ့ကြနော်”

“ဒီညတော့ပြန်ကြတော့မိုးချုပ်ပြိဟောကာလသားပြန်ချိန်ကြက်တောင်တွန်နေပြီ-ကဲပြန်ကြပြန်ကြ”

 ပုံပြောကောင်းတဲ့

အဘိုးမောင်သုည

ကျမ်းကိုး

သမိုင်းပြောသောပုဂံ-ပုဂံကပြောသောသမိုင်း-ဒေါက်တာသက်လွင်

အိုဘဲ့အနော်ရထာ-တက္ကသိုလ်ိစိန်တင်

ဓမ္မာစရိယ ဦိးဌေးလှိုင်၏ ရတနာသုံးပါးဂုဏ်ကျေးဇူး စာအုပ်
မြန်မာပြည်သား - ရန်ကုန်ဘဆွေ
ပုဂံသူရဲကောင်းများ - သော်တာဆွေ