ဝိပဿနာတရားအားထုတ်တယ်ဆိုတာ ( ၁ ) တရားအားထုတ်တိုင်းဝိပဿနာမဖြစ်ပါ မဂ္ဂင်ငါးပါးပြည့်စုံမှဝိပဿနာဖြစ်မယ် ဥပမာ-နှာသီးဖျားမှာလေလေးဝင်တာသိတယ်/ထွက်တာသိ ဒါကသတိထားကြည့်နေလို့သိတာ၊သမာဓိစိုက်ပြီိးကြည့်နေလို့သိတာ၊ ၀ါယမဆိုက်ပြိးဝီရိယဆိုက်ကြည့်နေလို့သိတာ-သမ္မာသတိ/သမ္မာသမာဓိ/သမ္မာဝါယမဆိုတဲ့ သမာဓိမဂ္ဂင်သုံးပါးဘဲရှိသေးတယ် ဝင်တဲ့လေလေးရှိမရှိဉာဏ်နဲ့ ကြည့် ထွက်လေလေးရှိမရကြည့်မရှိမှန်းသိတော့မှ ပညာမဂ္ဂင်နှစ်ပါးဖြစ်တဲ့-သမ္မာဒိဋ္ဌိ/သမ္မာသင်္ကပဆိုတဲ့ ကောင်းစွာမြင်ခြင်း၊ကောင်းစွာကြံစည်ခြင်းဆိုတဲ့ ပညာမဂ္ဂင်နှစ်ပါးနဲ့ပြည့်စုံတယ်- သမာဓိမဂ္ဂင်(၃)ပါး ပညာမဂ္ဂင်နှစ်ပါးပေါင်းပြိး ငါးပါးပြည့်စုံမှဝိပဿနာဖြစ်တာပါ ( သီလမဂ္ဂင်(၃)ပါး-ပေါင်းပြိး မဂ္ဂင် (၈ ) ပါး ပြည့်စုံရင်တော့သောတာပန်တည်ပါပြီ)
( ၂) ဖြစ်ပျက်မြင်တယ်ဆိုတိုင်းလဲဖြစ်ပျက်မဟုတ်ပါ အနတ္တသိရုံနဲ့ လဲ ဥာဏ်မရောက်သေးပါ အနတ္တလက္ခဏာကိုမြင်မှဥာဏ်ရောက်ပါတယ် ဥပမာမီးရောင်ခြည်လင်းရာကငြိမ်းသွားတာ မီးရောက်ခြည်ငြိမ်းနေရာမှလင်းလာတာကိုသိရုံနဲ့ဖြစ်ပြိးပျက်သွားတာဘဲလို့ သိတဲ့အသိက - သာမန်အသိပါ(ဥာဏ်မအရောက်ပါ) ထိုးထွင်းအသိက မီးရောင်ခြည်လင်းနေတာကို-ရှေ့အလင်းနဲ့ နောက်အလင်းမတူတာကို တွေးသိမှဥာဏ်သိဖြဟ်ပါတယ်
-ရှေ့အလင်းချုပ်ပြိးမှနောက်အလင်းအစားထိုးတာကိုရှုနိုင်မှ- ၀ိပဿနာဖြစ်ပါတယ်၊ ဒီလိုဘဲ-ခန္ဓာမှာဝေဒနာတစ်ခုပေါ်လာတယ်၊မခံနိုင်တဲ့ဝေဒနာပေါ်လာတယ်။ မနာရာကနာလာတယ်၊နောက်တိုးနာလာတယ် နောက်ဒိထက်တိုးနာလာတယ်
-နောက်လျော့သွားတယ်၊စသည်ဖြင့်နာပုံခြင်းမတူတာ ကိုရှုနိုင်မှဖြစ်ပျက်ကိုသိတာပါ၊ နောက်မနာတော့ဘူး-ခံသာတယ်၊အဲဒါရှုလိုက်လို့ဝေဒနာပျောက်သွားတာမဟုတ်ပါ ဝေဒနာကျော်သွားတာမဟုတ်ပါအဲဒါဒုက္ခဝေဒနာပျောက်ပြိးသုခဝေဒနာအစားထိုး တာဆိုတာကိုသိပြိးဆက်ရှူရမှာပါ-သုခဝေဒနာကိုအကြိုက်တွေ့မနေပါနဲ့  ၀ိပသနာဆိုတာတွေးရှုတဲ့ (၃)ရိပ်သာတရားခန်းဝင်ပြိးနှစ်ပေါင်းများစွားကြာအောင်အားထုတ်သော်လဲတရား မရသေးတာဘာကြောင့်လဲ၊ ၀ါးပွတ်သမားလိုမကျင့်လိုတဲ့/မီးခတ်သမားကဲ့သို့ကျင့်ရတယ်တဲ့ ရှေးတုန်းကတော့အခုလိုစက္ကူမီးခြစ်တို့-ဓါတ်မီးခြစ်တို့မပေါ်သေးတော့ ၀ါးနှစ်လုံးကိုဖြစ်စေ၊ကျောက်နှစ်လုံးကိုဖြစ်စေပွတ်ပြီးယူရပါတယ်၊ ဒါပေမဲ့မီးပွတ်သမားဆိုတာ၊ဆက်တိုက်ဝါးပူလာအောင်မရပ်မနားဆက်တိုက်ပါပွတ် ပါမှဝါးကပူလာပြိး၊မီးထွက်လာတာဖြစ်ပါတယ်၊ ၀ါးကိုပွတ်လိုက်၊ရပ်လိုက်၊၀ါးကနွေးသလိုလိုဖြစ်လာလိုက်ခဏနားလိုက်နဲ့ -နောက်တစ်ခါပြန်ပွတ်လိုက်၊ဆိုရင်တော့မီးကဘယ်တော့မှထွက်လာမှာမဟုတ်ပါ၊ ကျွန်တော်အပါအ၀င်များသောအားဖြင့်တရားအားထုတ်သူတွေက၊ တစ်နေ့တစ်တစ်နာရီ၊နှစ်နာရီအားထုတ်ကြတယ်၊ တစ်ချို့ကျတော့မနက်တစ်နာရီ၊ညတစ်နာရီအား ထုတ်ကြတယ်၊မီးထွက်မလားဆိုတော့ (မီးပွတ်သမားဥပမာနဲ့ပြောရရင်တော့-၀ါးကိုပွတ်လိုက်-နွေးလာတော့ရပ်လိုက် နဲ့ တူနေတယ်လို့ပြောရမှာပါ)
မိုးကုတ်ဆရာတော်ဘုရားကြီးရဲ့ တရားတစ်ပုဒ်မှာ ဖြစ်ပျက်နဲ့မဂ်ကြားထဲမှာကိလေသာကြားမခိုရင်မနက်အားထုတ်ညနေရပါတယ်၊
ခုနှစ်ရက်နဲ့ ရပါတယ်၊ လို့ဘုရားက၀န်ခံထားတယ်လို့ဆိုပါတယ်) အဲဒါပေမဲ့ဖြစ်ပျက်နဲ့ မဂ်ကြားထဲမှာကိလေသာကြားခိုရင်တော့ကြာလိမ့်မယ်လို့ဆိုပါတယ်၊ မိုးကုတ်ကမ္မဋ္ဌာနစရိယဆရာတော်ဦးဓမ္မသာရကတော့ခင်ဗျားတို့က၊ခန္ဓာမှာချေးတွေ ကပ်လာရင်ရေထဲဆင်းချိုးလိုက်၊စင်သလောက်ရှိလာရင်ကုန်းပေါ်တိုက်လာလိုက်၊ဖုံတွေနဲ့ (ကိလေသာတွေ)နဲ့ပြန်လူးလိုက်၊နောက်ချေးတွေပြန်ထူလာရင်ရေထဲဆင်းချိုးလိုက်နဲ့
ဘယ်တော့ဆုံးမလဲ (ခင်ဗျားတို့ကိုရိပ်သာမလာစေချင်လို့ပြောတာမဟုတ်ဘူး၊တစ်ခါထဲနဲ့ ကိစ္စပြီးသွားအောင်ကျင့်စေချင်လို့ပြောတာ) (ကျွန်တော်ဒီလိုရေးလိုက်လို့အားလျော့သွားအောင်တင်ပြတာမဟုတ်ပါ- အာစိန္နကံဖြစ်အောင်အားထုတ်တာတော့အကျိုးမယုတ်ပါ၊အားမလျော့ပါနဲ့
ဖြစ်ပျက်တစ်ကြိမ်မြင်လိုက်ရတော့လက်ခပ်မောင်းခပ်ပါ-
တစ်ကြိမ်ကြိမ်မှာသောတာပန် အနာဂမ်၊ရဟန္တာထိဖြစ်နိုင်တယ်ဆိုတာလဲရှိပါတယ်၊
"လက်ရှိခန္ဓာ၊ မတွယ်တာနှင့်
နောင်လာဘ၀၊ မတောင့်တဘဲ ကြောင့်ကြဇွဲဖြင့်၊
အမြဲမပြတ် ၀ိပဿနာ၊ လေ့လာကြိမ်ကြိမ် အာစိန္နကံ၊
ဖြစ်ကြောင်းဖန်မူ ထိုသိသူကား၊ အယူမလွဲ ဂတိမြဲ၏။
မီးစွဲလောင်မှ၊ ရေကိုတသော် မရဖြစ်အင်၊
ပုံနှိုင်းယှဉ်၍ မဂ္ဂင်သန္ဓေ၊ တည်မြဲနေအောင် မသေခင်က၊
ပြင်ဆင်တောက်လျှောက် မေ့မပျောက်နှင့်၊
ချွေးပေါက်ယိုစီး သေခါနီးဝယ်၊ အပြီးမုချ - မဂ္ဂင်ရလိမ့်။
ကိစ္စမလျော်၊ အကြောင်းပေါ်၍ မတော်တဆ၊ မဂ်မရဦး
ဘ၀အစွန်၊ တမလွန်တွင် ထူးချွန်အံ့လောက်၊
နတ်ပြည်ရောက်၍ မဖောက်မပြန်၊
သောတာပန်စစ် ဧကန်ဖြစ်မည် မလစ်ဝိပဿနာ အကျိုးပေတည်း။"
(မိုးကုတ်ဆရာတော်ဘုရားကြိး )
မောင်သုည 17-July- 2014
No comments:
Post a Comment