လူငယ်မှတ်သားဆုံးမစကား ( အမှတ် ၁ )
မဂ်လာအပေါင်းနဲ့ပြည့်စုံကြပါစေ
လူငယ်တို့ရေ ဒီကနေ့လူငယ်မှတ်သားဆုံးမစကားအစီအစဉ်ကနေ ဒီနေ့ပြောပြချင်တဲ့အကြောင်း
ကတော့ ကိုယ်ကျင့်တရား ဆိုတာနဲ့ ကိုယ်ပိုင်အကျင့်တရားဆိုတဲ့အကြောင်းကို ပြောပြပါမယ်
လုငယ်တို့ရေ လူတွေဟာ လူ့ဘ၀မှာ ဘာအတွက် လှုတ်ရှားသွားလာလုပ်ကိ်ုင်နေကြသလဲလို့-မေးခွန်းထုတ်ကြည့်ရင် - စားဘို့ - နေဘို့ -၀တ်ဘို့ - ဆိုတဲ့ လူ့ဘ၀ရဲအဓိကလိုအပ်ချက် ၃ ခုအတွက်ရုံး
ကန်လှုတ်ရှားကျိုးစားနေကြရတာလို့ဖြေရမှာပါ။
လူဘ၀မှာ မှန်မှန်ကန်ကန်နဲ့ အဆင့်အတန်းရှိရှိနေထိုင်စားသောက်သွားနိုင်အောင် ဘယ်လိုနည်း
လမ်းများနဲ့ကျင့်ကြံနေထိုင်ရမလဲလို့မေးလာရင်
အလွယ်ဆုံးအဖြကတော့ ကိုယ်ကျင့်တရားကောင်းဘို့ နဲ့ -ကိုယ်ပိုင်အကျင့်တရားကောင်းဘို့လိုတယ်လို့
ဖြေရမှာဖြစ်ပါတယ် ၊
ဒီနေ့ကမ္ဘာရှိတဲ့လူသားတွေအားလုံးဟာ တဦးစီတဥိးစီ မိမိတို့လိုက်နာစောင့်ထိန်းရမဲ့ကိုယ်ကျင့်
တရား နဲ့ ကောင်းတဲ့ကိုယ်ကျင့်တရားတွေကို မွေးမြုစောင့်ထိန်းကြမယ်ဆိုရင် ။ လူလောကကြီးတခုလုံး
သာယာဝပြောလာမှာဖြစ်ပြိး -ယနေ့လူသားများစိုးရိမ်နေကြတဲ့ ဘေးဥပါဒ်အန္တရယ် ကပ်ဆိုးတွေကလဲ
ကင်းဝေနိုင်လိမ့်မယ်လို့ဆိုချင်ပါတယ်၊
ကဲ -စကြပါစို့ ကိုယ်ကျင့်တရားဆိုတာနဲ့ ကိုယ်ပိုင်အကျင့်တရားလို့ဘာလို့ခွဲပြေရတာလဲဆိုတော့
ကိုယ်ကျင့်တရားဆိုတာကတော့
သီလ ပိုင်းနိုင်ဆိုင်ပြီး စောင့်ထိန်းရမယ့် တရား လူ့ကျင့်ဝတ်လို့ဆိုရမှာဖြစ်ပြီးပါတယ် -
ဥပမာ ၅ ပါးသီလ မှာ ပါဏာတိပါတာ - သူ့အသက်မသတ်ရ ၊
အဒိန္ဒဒါနာ -သူတပါးပစ္စည်းပေးဘဲ မသိဘဲနှင့်မယူရ ၊
မုသာဝါဒ- မဟုတ်မမှန်လိမ်ညာမပြောရ ၊
ကာမေသုမိတ္စာစာရ - သူ့တပါးသားမယား မပစ်မှားရ ၊
သူရမေဓရ - မူးယစ်ထုံထိုင်းဘေးဖြစ်စေတက်တဲ့ သေရည်အရက်ကိုမသောက်သုံးရ
စသည်ဖြင့် ကိုယ့်တိ်ုင်စောင့်ထိန်းရမဲ့ကိုယ်ကျင့်တရားများအဖြစ်သတ်မှတ်ထားတာရှိပါတယ် ၊
ဒီ သီလလိုဆိုတဲ့ ကိုယ်ကျင့်တရား မစောင့်ထိန်းဘူးဆိုရင်တော့ အကျိုးစီးပွါးပျက်စီးခြင်း ၊ ဆုတ်
ယုတ်တက်ခြင်း ၊ အပါယ်ငရဲသို့ကျရောက်တတ်ပါတယ် ၊
ကိုယ်ပိုင်အကျင့်တရားဆိုတာကတော့
လူတဦးတယောက်စိမှာ ရှိတက်တဲ့ ကိုယ်ပိုင်အမူအကျင့်ကလေးတွေဘဲဖြစ်ပါတယ်
မလိုက်နာရင်အပြစ်ဒါဏ်ခံရဘို့သတ်မှတ်ထားတာမရှိဘူး ၊
မလိုက်နာရင်အပါယ်ငရဲသို့ကျနိုင်တာမျိုးလဲမဖြစ်ဘူး
ဒါပေမဲံကိုယ်ပိုင်အကျင့်တရားမကောင်းရင်တော့ဘ၀မှာတိုးတက်ကြီးပွါးဘို့အခွင့်အရေးတွေယုတ်လျော့
သွားနိုင်ပါတယ် ၊ လူပတ်ဝန်းကျင်အသိုင်းအ၀န်းမှာလဲသူတပါးရှုံချမှုကိုခံရမယ်။ကိုယ်တိုင်လဲအကျိုး
ယုတ်စေနိုင်ပါတယ် ၊
ဥပမာ ပြောရရင်တော့ နံက်စောစောထတက်တဲ့အကျင့် ၊ အ်ိပ်ယာဝင် အိပ်ယာထမှာ သွားတိုက်ပြီး
မှ အိပ်တက်တဲ့အကျင့် ၊ ဘုရားရှစ်ခိုးပြီးမှ အ်ိပ်တက်တဲ့အကျင့် ၊သူတပါးပစ္စည်းငှါးရမ်းသုံးစွဲပြိး ပြန်ပေးရမှာ
ပျက်ကွက်တဲ့အကျင့် ၊ အကြောင်းမဲ့သူများအိမ်အလည်သွားတက်တဲ့အကျင့် ၊ စတဲ့အကျင့်တွေပေါ့ကွယ်
အဲဒီလိုအကျင့်မျိုတွေကိုကောင်းမကောင်းခွဲခြားတက်ပြီး မကောင်းဘူးလို့ထင်ရင်
ကောင်းအောင်လေ့ကျင့်ယူရတဲ့အကျင့်မျိုးဖြစ်ပါတယ် ၊
ဟယ်ဒီကလေးက သိပ်အကျင့်ကောင်းတယ် ။ သူများပြောစရာမလိုဘူး အဲဒီလို သူများချီးမွမ်းခံရတဲ့အဖြစ်မျိူကြုံရတက်ပါတယ်
ကိုယ်ပိုင်အကျင့်တရားကောင်းများကိုမွေးမြူပြိး အလေ့အကျင့်ဖြစ်အောင်ကျင့်သုံးခြင်းဟာလဲ
လူ့ဘ၀တိုးတက်ကြီးပွါးတိုးတက်မှုကိုဖြစ်စေပါတယ်၊
ကောင်းတဲ့ကိုယ်ကျင့်တရားများဟာ ဘာတွေလဲဆိုတာ နံပါတ်စဉ်ထိုးပြိးရေတွက်ကြည့်ရင်တော့
အများကြီးရှိပါတယ်
အခုတော့ ရတဲအချိန်ကလေးမှာ ကောင်းတဲ့ကိုယ်ပိုင်အကျင့်တရား ရှိသင့်တဲ့ကိုယ်ကျင့်တရားများ
ကို တခုစီပြောပြပေးသွားပါမယ်၊
နံပါတ် ( ၁ ) ၀ီရိယရှိခြင်း ၊ ဇွဲလုံလရှိခြင်း ၊ ( တနည်းပြောရရင် ) မိမိကိုယ် ကို အမြဲလှုံဆော်အားပေးနေ
ခြင်းဆိုတာကိုပြောပြပါမယ်
ဝိရိယရှိခြင်း ၊ ဇွဲလုံ့လရှိခြင်း ထကြွနိုးကြားခြင်း ကျိုးစားခြင်း ၊ တို့ဟာမိမိကိုယ်ကို လှုံဆော်နေခြင်း
ဆိုတဲ့အထဲမှာပါဝင်ပါတယ် ။ ဘ၀ တိုးတက်ကြီးပွါးမှုအတွက် ပထမဆုံးအရေးကြီးတဲ့အချက်ဖြစ်ပါတယ် ၊
ဘာကိုမှ ကျိုးကျိုးစားစားလုပ်ကိုင်ခြင်းမရှိ ပျင်းရိနေမယ်ဆိုရင်အောင်မြင်မှုမရနိုင်ဘူး ၊ လူ့ဘ၀မှာ
တိုးတက်မှုမရနိုင်ဘူးဆိုတာလူတိုင်းသိနိုင်ပါတယ် ၊ ပျင်းရိခြင်းမရှိအောင်စတင်လေ့ကျင့်ယူရမှာကတော့
လုပ်လက်စအလုပ်တခုကိုအဆုံးသတ်အောင်ပြီးတဲ့အထိလုပ်ကိုင်ခြင်းမရှိဘဲ၊အကြောင်းအမျိုးမျိုးပြပြီးတ
ပိုင်းတစနဲ့ရပ်တန့်ထားတက်တဲ့အကျင့်ဘဲဖြစ်ပါတယ် ၊ဒါဟာပျင်းရိခြင်းရဲ့အစဘဲဖြစ်ပါတယ် ၊အဲဒီအကျင့်
မျိုးကိုယ့်မှာရှိနေရင်ဖျောက်ဖျက်ပြစ်ဘို့လိုပါတယ်၊အလုပ်ကို လုပ်ချင်လာအောင် ၊ ဆက်လက်လုပ်ချင်လာ
အောင် ကိုယ်စိတ်ကိုလှုံဆော်ပေးရပါမယ်၊ တခြားသူတွေတောင်လုပ်နိုင်တာငါဘာလို့အလုပ်နိုင်ရမှာလဲ
စသဖြင့်စိတ်ကိုအားမွေးပေးပါ ၊ အချိန်မှန်မှန်န်အိပ်ယာထဘို့ ။ အချိန်တန်ကျောင်းသွားဘို့ ၊ အချိန်မှန်မှန်အလုပ်သွားဘို့ ၊အချိန်မှန်မှန်ရေချိုးဘို့ ၊ အချိန်မှန်ထမင်စားဘို့ဆိုတဲ့အကျင့်ကိုအမြဲသတိထားပြိး
ကိုယ့်ကိုယ်ကိုလှုံဆော်ပေးနေရပါမယ် ၊
ငယ်ငယ်ရွယ်သူတွေက်ို မိဘတွေက ဟဲ့အိပ်ယာကထတော့ ၊ ရေချိုးတော့ ၊ ထမင်းစားတော့ လို့
အမြဲ နောက်ကသတိပေးနေခဲ့ရပေမဲ့ ကြီးလာတဲ့အခါကျတော့ တဦးတယောက်ထဲနေတဲ့အခါမှာ -ဘယ်သူ
ကမှလာပြိး သတိပေးနေမှာမဟုတ်ပါဘူး ကိုယ့်ကိုယ် ကိုဘဲပြန်ပြိးသတိပေးပေးနှိုးဆော်နေရမှာဖြစ်ပါတယ်
သိပ္ပံမောင်ဝရဲ့ ၀တ္တုဆောင်းပါးများထဲမှာမောင်လူအေးက ငယ်ငယ်တုန်ုးတော့ ဖွါးဖွေးကြိးရဲ့ကြိမ်လုံး
ကိုကြောက်လို့စောစောထရတယ် ၊ အခုတော့ တာဝန်ကြိမ်လုံးကိုကြောက်လို့စောစောထရတယ်လို့ရေး
ထားပါတယ် ၊ဟုတ်ပါတယ် ၊ အရွယ်ရောက်လာလို့ ကိုယ်ဘ၀ကိုယ်ကြောင်းရတဲ့အခါကျတော့ကိုယ့်ကိုယ်
ကိုယ်ဘဲအမြဲနှိုးဆော်ပေးနေရတယ်မဟုတ်ပါလား၊
ဘယ်အရာမဆို မကျိုးစားဘဲ သူ့အလိုလိုဖြစ်မလာနိုင်ဘူးဆိုတာကို နားလည်သဘောပေါက်ထား
ဘို့လိုပါတယ်၊လူတွေဟာလပေါ်ကိုတောင်ရောက်အောင်သွားနိုင်တယ်၊အမြင့်ဆုံးတောင်ထ်ိပ်ကိုလဲရောက်
အောင်တက်နိုင်ခဲ့တယ် ၊ ငါဒါလေးတောင်ဘာဖြစ်လို့မလုပ်နိုင်ရမှာလဲဆိုတဲ့ စိတ်ကိုအားပေးလှုံဆော်ပေး
နေပါ ။ အကောင်းဆုံး ဆောင်ပုဒ်ကလေးတပုဒ်ကတော့
သင်တမိနစ် ဆေးလိပ်သောက်ပြီးအချိန်ဖြုန်းနေချိန်မှာ လေယာဉ်ပျံနဲ့ခရီးသွားနေသူတယောက်က
မိုင်ပေါင်းများစွာ ခရီးပေါက်နေပြီတဲ့
နံပါတ် ( ၂ ) အချက်ဖြစ်တဲ့ အချိ်န်ကိုအသုံးချတက်ခြင်း - အချိန်ကိုလေးစားခြင်း ဆိုတဲ့ကိုယ်ပိုင်အကျင့်တရားအကြောင်းပြောပါမယ် ၊
အချိန်ကဇယားချပြီးလုပ်တက်တဲ့အကျင့်ဟာလူတယောက်အတွက်အရေးကြီးတဲ့အချက်တခု
ဖြစ်ပါတယ်၊တနေ့တာကိုယ်လုပ်ရမဲ့လုပ်တွေတပတ်စာ တလစာ ကိုအချိန်ဇယားချပြီးလုပ်တဲ့အကျင့်ကို
မွေးမြူပြီးလုပ်တက်သူဟာလူ့ဘ၀အောင်မြင်ရေးအတွက်တက်လမ်းရှိတဲ့လူတယောက်ဖြစ်ပါတယ်
စာသင်ကျောင်းမှာအချိန်ဇယားရှိသလို-ကျောင်းသားတယောက်မှာလဲအချိန်ဇယားရှိပါတယ်၊
အဲဒီလိုဘဲအလုပ်လုပ်တဲ့အလုပ်သမားတယောက်မှာလဲအချိန်ဇယားဆိုတာရှိရပါတယ် ၊
ကြီးမားတဲ့တာဝန်ထမ်းဆောင်ရတဲ့သူတွေ- စီးပွါးရေးသမားတွေဟာအလွန်အလုပ်များတဲ့အ
တွက်ဘယ်အချိန်မှာဘာလုပ်ရမယ်ဆိုတာကို Organizer လို့ခေါ်တဲ့ကွန်ဗြူတာအသေးစားကလေး
ကိုသုံးပြီး ၊ ဘယ်အချိန်မှာအစည်းအဝေးသွားရမယ်၊ဘယ်အချိန်မှာဘယ်သူနဲ့တွေ့မယ်၊ဘယ်နေ့မှာ
ဘယ်အလုပ်ကိုပြီးအောင်လုပ်ထားရမယ်ဆိုတာကို ကွန်ဗြူတာကနေသတိပေးနှိုးဆော်တဲ့စံနစ်ကိုသုံး
ကြပါတယ်၊ဒါဟာတကယ်လိုအပ်တဲ့အချက်တခုဖြစ်ပါတယ်၊မေ့လျော့သွားလို့အစည်းအဝေးမတက်
ဖြစ်ရင်၊ချိန်းထားသူနဲ့တွေ့ဆုံဘို့ပျက်ကွက်သွားခဲ့ရင်စီးပွါးရေးကိစ္စဆိုရင်တော့အများကြီးဆုံးရှုံးထိခိုက်
နစ်နာသွားစေမှာဖြစ်ပါတယ် ၊
အချိန်ကိုစံနစ်တကျအသုံးချတက်သလို ၊ အချိ်န်ကိုလေးစားခြင်းဆိုတာလဲအရေးကြီိးပါတယ်
တချိုက အချိန်ကိုမလေးစားဘူး ၊ ချိန်းထားရင်အချိန်တိတိကျကျရောက်မလာတက်ဘူး၊ပျက်ကွက်
တက်တယ်ဆိုရင်အများကလဲကိုယ့်ကို မလေးစားတဲ့အပြင် ကိုယ့်မှာလဲထိခိုက်နိုင်ပါတယ် ၊
တိုးတက်တဲ့နိုင်ငံကြိးတွေမှာလူတွေဟာအချိန်ကိုတန်ဘိုးထားပြိး တိတိကျကျလုပ်ကိုင်လေ့ရှိတာ
တွေ့ရပါတယ်၊အလုပ်အတွက်အင်တာဗျူးလုပ်ဘို့ချိန်းထားတာကိုနောက်ကျမှရောက်သွားမယ်ဆိုရင်
ကိုယ်အတွက်အလုပ်ရဘို့အခွင့်အရေးဆုံးရှံးပြီတာမှတ်ပေတော့ ၊
အချိန်နဲ့ဒီရေဟာလူကိုမစောင့် ဆိုတဲ့စကားပုံရှိပါတယ်
အချိန်ဆိုတာ တဖြေးဖြေးရွေ့လျားနေပါတယ် - ဘယ်တော့မှအချိန်ကလူကိုစောင့်တယ်ဆို
တာမရှိပါဘူး -အလုပ် လုပ်တဲ့လူကသာ အချိန်ကိုအမှိလိုက်လုပ်နေရတာမဟုတ်ပါလား
ဒါကြောင့်အချိန်ကိုလေးစားတက်တဲ့အကျင့် အချိန်ကိုမှန်မှန်ကန်ကန်တိတိကျကျအသုံးချတက်ဘို့
လုပ်တက်ကိုင်တက်တဲ့အကျင့်ရှိခြင်းဟာ ကိုယ်ပိုင်အကျင့်တရားကောင်းတခုတယ်ဆိုတာကိုပြောချင်
ပါတယ်၊၊
ဒါနဲ့ဆက်ထဲ နောက်ထက်ကိုယ်ပိုင်အကျင့်တရားတခုက
နံပါတ်စဉ် ၃ လို့လဲဆိုလို့ရတယ် ခုနက အချိန်ကိုလေးစားတက်ခြင်း ၊ အချိန်ကိုတိတိကျကျ
အသုံးချတက်ခြင်းဆိုတဲ့ အကျင့်တခုရဲ့နောက်ဆက်တွဲအကျင့်ကလေးတခုလို့လဲဆိုလို့ရပါတယ်
အဲဒါက
ကြိုတင်ပြင်ဆင်တက်ခြင်း ဆိုတဲ့ အကျင့်ကလေးတခုပါကွယ်
ဘာမဆိုကြိုတင်ပြင်ဆင်တက်ဘို့လိုပါတယ် ၊ မနက်ဖြန်ခါကိုယ်ဘာလုပ်မယ်ဆိုတာကို အချိန်ဇယား
ထဲမှာထဲ့ပြိးရုံနဲ့မပြီးသေးပါဘူ - အဲဒီကိုယ်လုပ်ရမဲ့အလုပ်မှာဘာတွေလိုမလဲ ၊ ပစ္စည်းအနေနဲ့လိုတာရှိ
မယ်၊စာရွက်စာတမ်းအနေနဲ့လိုတာရှိမယ် ၊ အ၀တ်အစားအနေနဲ့လိုတာရှိမယ်ဒါတွေကို ကြိုတင်ပြင်
ဆင်ထားတက်ကြဘို့လိုပါတယ် ၊
ကြိုတင်ပြင်ဆင်တက်ခြင်းဟာ မေ့လျော့ခြင်းကိုလဲကုစားရာရောက်ပါတယ်၊
ရေဆာတော့မှရေသောက်ချင်တော့မှ ရေတွင်းတူးလို့မရသလို - ကိုယ်လုပ်ရမဲ့အလုပ်ကို ကြို
တင်ပြင်ဆင်ထားမှတော်ကာကျပါမယ်၊
တချို့လုပ်ငန်းတွေဟာ တလကြိုပြီး ပြင်ဆင်ရသလို နှစ်နဲ့ချီပြီးကြိုတင်ပြင်ဆင်ရတာမျိုးလဲရှိ
တက်ပါတယ် ၊ အချို့ဆိုရင်သွားခါနီးမှ ဟိုရှာဒီဟာရှာ ဟိုလူကယ်ပါအုံးဒီလူကယ်ပါအုံးနဲ့ ဖြစ်တက်ကြ
ပါတယ် ၊ဒါဟာကြိုတင်ပြင်ဆင်မှုအလေ့အကျင့်မရှိတဲ့သူများမှာဖြစ်တက်တာမို့ရှက်စရာကောင်းသလို
လူ့သိက္ခာလဲကျဆင်းတက်ပါတယ် ၊
ဒါကြောင့် ကြိုတင်ပြင်ဆင်တက်တဲ့အကျင့်ကိုလဲ ကောင်းတဲ့ကိုယ်ပိုင်အကျင့်ကလေးတခုအဖြစ်
ရွေးချယ်ထည့်သွင်းပြောလိုက်ရခြင်းဖြစ်ပါတယ်၊
နံပါတ် ( ၄ ) ရေသာခို အချောင်လိုက်ချင်တဲ့ စ်ိတ် - ဘာမဆိုလွယ်လွယ်နဲ့အချောင်ရလိုတဲ့စိတ်
တကယ်တော့ ဒါဟာစ်ိတ်ဓါတ်ရေးရာနဲ့ဆိုင်ပေမဲ့ လူတွေမှာအကျင့်ကြီးတခုလိုရှိ
နေတက်ကြတာမို့ ကိုယ်ပိုင်အကျင့်ထဲမှာထဲ့ပြောရတာဖြစ်ပါတယ် ၊
လူတော်တော်များများ မှာ ရေသာခိုအချာင်လိုက်ချင်တဲ့ စိတ် ရှိကြတယ် ၊ ဘာမဆိုလွယ်လွယ်နဲ့
အချာင်လိုချင်ကြတယ် ၊ အဲဒါဟာ ကြီးပွါးတိုးတက်မှုကို ဆုတ်ယူစေတဲ့ ဒုတိယအချက်တချက်ဘဲဖြစ်ပါ
တယ်
အထက်လူကြီးကလက်အောက်က ငယ်သားတွေကိုတာဝန်တခုပေးရင် ငါသက်သာအောင်
ဘယ်နေရာကယူရင်ကောင်းမလဲဆိုတဲ့စိတ်ဓါတ်မျိုးရှိတက်ပါတယ်၊
ပစ္စည်းတခုကို ၀ိုင်းပြိးမကြမယ်ဆိုရင်လဲ ပေါ့တဲ့ဘက်ကရွေးပြီးမချင်ကြတယ် ၊
ငွေကိုလွယ်လွယ်နဲ့ အချောင်လိုချင်တဲစိတ်ကလဲ ကလဲကျိုးစားချင်တဲ့လျော့ကျစေပါတယ် ၊
ကြီးပွါးတိုးတက်မှုမရှိတဲ့ လူတွေ ကြီးပွါးတိုးတက်မှုနှေးကွေးနေတဲ့ တွေဟာ ရေသာခိုအချောင်
ခိုချင်တဲ့စိတ် - သက်သက်သာသာနဲ့ အချောင်လိုချင်တဲ့စိတ်ရှိသူများသာဖြစ်တယ်လို့ပြောချင်ပါတယ်၊
ဒါနဲ့ပါတ်သက်လို့ ဆရာကြားဘူးတဲ့ ပုံပြင်ကလေးတခုကိုပြောပြပါမယ်၊
ဟိုးရှေးရှေးတုန်းက တိုင်းပြည်တပြည်မှဘုရင်ကြီးတပါး မင်းလုပ်အုပ်ချုပ်နေသတဲ့ ၊ အဲဒီအချိန်.
မှာ တိုင်းပြည်ဟာတဖြေးဖြေးနဲ့ ရာသီဥတုတွေဖေါက်ပြန်ပြိး အစာရေစာရှားပါးလာတယ် ၊ တိုင်းသူပြည်သားတွေက ဒီလိုရာသီဥတုဖေါက်ပြန်တာ အုပ်ချုပ်တဲ့ ဘုရင်မင်းကျင့်တရားနဲ့မညီလို့ဆိုပြိး ၊
ဟစ်တိုင်ကနေအရေးဆိုကြတယ် - အဲဒီအခါမှာ ဘုရင်ကြီးကကောင်းပြိး ဒီပြဿနာကို ငါဖြေရှင်းပေးမယ်
ဆိုပြီးမူးမတ်တွေကို နန်းတော် ဥယျဉ်ထဲမှာရေကန်တခုတူးထားခိုင်းလိုက်တယ် ၊
နောက်ပြီး တိုင်းပြည်ကို မောင်းခတ်ပြိးကျေညာခိုင်းတယ် ။ အခုလာမဲ့ လကွယ်ည သန်းကောင်း
ယံအချိန်မှာ အိမ်တိုင်းအိမ်တိုင်း တအိမ်တယောက် စီနွားနို့တခွက်စီယူလာပြိ နန်းတော်ထဲမှာရှိတဲ့ရေကန်
ထဲမှလာထဲ့ရမယ် လို့အမိန့်ချမှတ်လိုက်တယ်တဲ့ ၊
ရေကန်ကိုလဲ အ၀တ်အမဲကြီးနဲ့အုပ်ထားစေပြိး မနက် မိုးလင်းမှပြည်သူများရှေ့မှာဖွင့်ရမယ်လို့အမိန့်
တော်မှတ်ထားလိုက်တယ် ၊
လကွယ်နေ့ည ကျတော့ဘုရင်ကြိးအမိန့်ချမှတ်ထားတဲ့အတိုင်းပြည်သူပြည်သားတွေ နန်းတော်ထဲ
မှာအသင့်ပြုလုပ်ထားတဲ့ရေကန်ထဲကို နွားနို့တခွက်စီသွားထဲ့ကြတာပေါ့ကွယ် ၊ အနက်မိုးလင်းတော့ ဘုရင်
ကြီးကပြည်သူတွေကိုခေါ်ပြီး အများရှေ့မှ ရေကန်ကြီးဖုံးထားတဲ့ အ၀တ်မဲကြီးကိုဖွင့်လိုက်တဲ့အခါမှာတော့
နွားနို့်ရောင်ဆိုလို့အဖြုရောင်တစက်မှ မရှိဘဲ ပကတိကြည်လင်နေတဲ့ရေတွေကိုသာတွေရတယ်တဲ့ ၊
အဲဒီတော့မှာ ပြည်သူတွေက သူတို့ကိုယ်တိ်ုင်ညက နွားနို့မထဲ့ဘဲ ရေတခွက်စီသာလာထဲ့ခဲ့ကြတာ
ကို တွေးမိကြတယ် ၊ အော်ငါကတော့ သူများတွေ နွားနို့တခွက်စီလာထဲ့ကြမှာဘဲ ငါတယောက်ထဲ ရေတ
ခွက်သွားထဲ့ရင်ဘယ်သူမှသိမှာမဟုတ်ဘုး ဆိုပြိး အချောင်ခိုချင်တဲ့စိတ် ၊ မကောင်းတဲ့ကိုယ်ကျင့်တရားနဲ့
သွားထဲ့ခဲ့တယ် ။
ငါ့လိုဘဲလူတိုင်းစိတ်ထဲမှာလဲ ဒီလိုဘဲ အချောင်ခိုချင်တဲ့စိတ် အကောင်းတဲ့ကိုယ့်ကျင့်တရားတွေ
ရှိနေလို့ ဒီလိုဖြစ်တာပေါ့ဆိုပြိး သဘောပေါက်နားလည်သွားကြတယ် တဲ့
မကောင်းတဲ့စ်ိတ် အချောင်ခိုချင်တဲ့စိတ်ဓါတ်တွေလူတိုင်းမှာရှိနေရင် တဦးထဲသာမက လူသားအား
လုံးကိုပါ ထိခိုက်နိုင်တယ်ဆိုတာ ကို ခလေးတို့နားလည်သဘောပေါက် သင့်တာပေါ့နော်
ကဲ ဒီနေ့တော့ မကောင်းတဲ့ကိုယ်ပိုင်အကျင့်တရား ကလေးတချိုကိုပြောပြပြိးပါပြီး နောက်ကျန်တဲ့
ကိုယ်ကပိုင်အကျင့်တရားကလေးတွေကိုနောက်အချိန်ရရင် ဆက်ပြောပြပါမယ်
လူငယ်ကလေးတွေ ကောင်းတဲ့ကိုယ်ပိုင်အကျင့်တရားကလေးတွေမွေးမြူနိုင်ပါစေ
မဂ်လာအပေါင်းနဲ့ပြည်စုံကြပါစေ
No comments:
Post a Comment