Friday 24 February 2012

မပြီးသေးသောပန်းချီကား

သူနဲ့ကျွန်တော်စတွေ့ခဲ့တာ တခုသောနွေမှာပါ --

သူက ကျွန်တော်တာဝန်ယူထားတဲ့စိုက်ပျိုးရေးပြခန်းကိုရောက်လာပြီး

ကျွန်တော် ဖန်တီးထားတဲ့ ကိုင်းဆက်နည်းနဲ့စိုက်ထားတဲ့ နှင်းဆီ ရောင်စုံ

ပန်းအိုးကလေးကိုကြည့်ပြီး ” ထူးဆန်းလိုက်တာ ” လို့ဆိုလာတယ်

သူကလဲ နှင်းဆီစိုက်တာ ၀ါသနာပါတယ် -အဲဒါကိုအကြောင်းပြုပြီး

သူနဲ့ကျွန်တော်ရင်းနှီးခဲံ့ရတယ် -သူအိမ်ကိုရောက်ခဲ့တယ် - သူ့ခြံထဲမှာ

နှင်းဆီတွေ လှိုင်လှိုင်ပွင့်နေတာတွေ့ရတယ်--

သူ့တို့အိမ်က အင်းယားနဲ့နီးတယ် - တနေ့သူနဲ့ အင်းယားဘက်

လျောက်လည်ရင်း ( Love Boat ) ကလေးစီးရအောင်နော်ဆိုပြီလှေကလေး

ငှါးလာတယ် အနားရောက်တော့ သူလှေပေါ်တက်ရဲဘူးတဲ့ ရေကြောက်လို့တဲ့

ဒါနဲ့ဘဲ သူနဲ့ အတူ အချစ်လှေကလေး မစီးဖြစ်ခဲ့ဘူးလေ

အခု နောက်ပိုင်း သူနဲ့မတွေ့တော့ဘူး - သူတို့မိသားစု မေမြိုဘက်

ပြောင်းသွားကြတယ် တဲ့ --

ကိုယ်ကတော့ မင်းနဲ့ ပြန်လည်ဆုံတွေ့ ကြဦးမယ်လို့ မျှော်လင့်နေတာဘဲ


ဒီအချစ် ပန်းချီကားလေးက ပြီး မှ မပြီးသေးတာ

ဒါကြောင့် သည်သီချင်းကလေးကို သတိရတိုင်း ဆိုနေမိတာပေါ့


မပြီးသေးသောပန်းချီကား ( ဂီတစာဆို - မြို့မငြိမ်း )




မျက်စိကိုအနားပေး မှေးလျက်ညအိပ်ယာဝင် -အိပ်မက်ကိုအလှဲ့ပေးအတွေးပျံ့လွင်စဉ်

ချောင်းလိုလို - မြစ်လိုလို - တခုသောကမ်းစပ်ကိုရောက်လာသည်တွင် --ချစ်သူဟာလဲ

မလှမ်းမကမ်းမှာရောက်နှင့်ခဲ့တာမြင် --

ထိုစဉ် လှော်ခပ်သူလဲတယောက်မပါ -- သူ့အလိုလိုသာပင်--လှေကြီးတစင်း

ကမ်းသို့ဆိုက်ခါဝင် -- လှေဦးတွင်သဏ္ဌာန်ထူးတခုမြင်- အစုံသောနှလုံးသား-အချစ်

မြှားစူးသည့်အသွင် -- ကြည့်ရင်း - ကြည့်ရင်း အဓိပါယ်ပေါ်လွင်- ကမ်းပေါ်ကနှစ်ယောက်

သားလှုတ်ရှားအသက်ဝင် -- လိုက်တော့မယ် ဟန်ပြင် - မောင်ပင် -မေကတော့က္ကုနြေ္ဒရှင်

အကဲခပ်ရှာထင် --

မပြီးသေးသောပန်းကား ---ခပ်ဝါးဝါးတချပ်ပင် --ညစဉ်ပင် -- ညစဉ်ပင် -- မျက်စိ

မှိတ်လဲ- စိတ်ထဲစွဲကာ မြင် --


မောင်သုည













Saturday 18 February 2012

သိရင်ပြောကြပါကွယ် ကျေးဇူးဆပ်ပါမယ်

တခါက ကျေးရွာတရွာမှာ အဘိုး အဘွား မြေးများနဲ့ မိသား တစုတို့နေ
နေထိုင်ကြတယ် ။ အဖွားဖြစ်သူက ရှေးအဖွားကြီးဆိုတော့ သားသမိးတွေ မြေးတွေကို
ဆုံးမတဲ့အခါ ၊ ဆူပူကြိမ်းမောင်းတဲ့အခါတိုင်း မြန်မာစကားပုံတွေကို သုံးပြီးဆူလေ့ပြော
လေ့ရှိပါတယ် ။
ဉပမာ မိန်းခလေးတွေ အမြင်မတော် ထိုင်နေ တာတွေရင် ဟဲ့ ဟဲ့ မိန်းခ
လေးတွေကအိမ်ရှေ့ထွက်ပြီး ဒီလိုထိုင်ရလားမိန်းခလေးဆိုတာ ဗိုင်းကောင်းကျောက်ဖိ
ပိပိရိရိ နေရတယ်ဟဲ့ နင်တို့ခောတ်ကာလ ခလေးတွေတော့ ငါဖြင့် ကြုံဘူးပေါင်တော်
အိမ်ရှေ့ထွက်ထိုင်ရတယ်လို့ စ သဖြင့် ဆူပူကြိမ်းမောင်းတက်ပါတယ် ။
တခါတရံ ခဏ ခဏ ပြောမရတဲ့အခါမျိုးမှာ ဟဲ့ ကျွဲပါးဆောင်းတီး ကောင်
လာခဲ့ နင့်ကို ဘယ်နှစ်ခါပြောရမလဲ ထမင်းစားရင် အသံမမြည်စေနဲ့ဆိုတာ လုပ်ပြန်ပြီ
ပြတ် ပြတ် နဲ့ နောက်တခါပြောရရင်သေဘို့သာပြင်ထား လို့ဆူတက်ပြန်ပါတယ် ။
ခလေးတွေကလဲ ခောတ်ကာလ ခလေးတွေဆိုတော့ အဖွားဆူလိုက်တိုင်းအဘိုး
ထံလာ လာပြီး အဖွားပြောလိုက်တဲ့စကားပုံကိုနားမလည် ၊ လို့မေးတက်ကြပါတယ် ၊
အဲဒီအခါမှာ အဘိုးဖြစ်သူက စ်ိတ်ရှေလက်ရှေဖြင့်
ဗိုင်းကောင်းကျောက်ဖိဆိုတာ ဘာကိုဆိုလိုတယ်
ကျွဲပါး ဆောင်းတီးဆိုတာ ဘာကိုဆိုလိုတယ် စသည်ဖြင့် စိတ်ရှေလက်ရှေ
ရှင်းပြလေ့ရှိပါတယ် ။
တနေ့တော့ အဘိုးဖြစ်သူ ရဲ့ဆေးတံက ဘယ်ထားမိမှန်းမသိဖြစ်နေပြီးရှာမရဖြစ်
နေပါတယ် ၊ အဖွားကလဲ အဘိုး ဆေးတံသောက်တာ အကြိုက်ဘူးလို့ပြောဘူးတော့
အဖွားများ သိမ်းထားသလားဆိုပြီး မြေးတယောက်ကိုမေးခိုင်းလိုက်ပါတယ်
အဖွား အဘိုးက ဆေးတံသိမ်းထားသလားတဲ့

အမလေးတော် စွတ် စွတ် ဆွဲ ဆွဲ မဆိုင်တဲ့အပေါက် ဂလိုင်နဲ့လာခေါက်နေ
ပြန်ပြီ လို့ မြေးကိုအော် လွှတ်လိုက်တယ် ။
မြေးဖြစ်သူလဲ ငိုမဲ့မဲ့ နဲ့ အဘိုးဆီပြန်လာတယ်
အဘိုးမေးခိုင်းလို့ ဆေးတံသိမ်းထားသလားလို့ အဖွားကိုမေးတာ
သားကို မဆိုင်တဲ့ အပေါက်ဂလိုင်နဲ့လာခေါက်တယ် တဲ့ အဘိုး
သားလဲ ဘာမှ မလုပ်ဘဲ နဲ့ တဲ့
အဘိုးဖြစ်သူ လဲ အေးပါကွာ နေပါစေ မမေးနဲ့တော့ လို ဆိုပြီးမေးကိုချော့
ထားလိုက်ရပါတယ် ။ တော်သေးတာပေါ့ မြေးကရှင်းမပြခိုင်းလို့ ၊
အဲ တနေ့မှာတော့ မြေးမ တယောက် အဖွားဆွမ်းတော် တင်ဘို့သိမ်းထားတဲ့
ဒူးရင်းယို ခိုးစား တာကို အဖွား က မိသွားပါလေရော ဟဲ့ နင်ဘာတွေခိုးစားနေတာလဲ
လို့မေးတော့ မြေးမက ဘာမှ မစားပါဘူးဆိုပြီး လိမ်ပြောလိုက်တယ် ။
အောင်မယ် ငါ လက်ပူးလက်ကြပ်မိနေတာတောင် မုံလာဉ လုပ်ချင်တဲ့ ဟာမ
ဆိုပြိး ရိုက်ပါလေရော
မြေးဖြစ်သူလဲ အဖွားရိုက်လို့ ငိုယိုပြီး အဘိုးဆီလာတိုင်တယ်
အဘိုး အဖွားက ကျမ ဒူးရင်းယိုခိုးစားတာ ကို မုံလာဉလုပ်တယ်ဆိုပြိးရိုက်
တယ် အဘိုးရဲ့ မုံလာဉလုပ်တယ်ဆိုတာ ဘာလဲ အဘိုးတဲ့
ဟိုက် အဲဒါမှ ဒုက္ခဘဲ အမလေး ၊
ကဲ အရပ်က တို့ရေ သိရင်ပြောပေးလိုက်ကြပါအုံးဗျို့
သိရင်ပြောကြပါကွယ် ကျေးဇူးဆပ်ပါမယ်

မောင်သုံည

ဝေဖန် ပိုင်းခြား နိုင်စွမ်း ရှိတဲ့ ပညာရေး

ပညာရေး နဲ့ ပတ်သက်လို့ နောက်ဆက်တွဲတင်ပြလိုက်ပါတယ်

ယနေ့စာသင်ခန်းများမှာ ဘာဖြစ်လို့ စဉ်းစားဝေဖန်ပိုင်းခြားနည်းများကို သင်ကြားပေးဖို့ တွန်းအား ပေးနေကြပါသလဲ။ အဖြေကတော့ ရှင်းပါတယ်။ ကမ္ဘာလုံးဆိုင်ရာ ပြောင်းလဲမှုများဟာ အချိန်နဲ့အမျှ ပြောင်းလဲနေပါတယ်၊ ထိုပြောင်းလဲမှုဖြစ်စဉ်များရဲ့ တိုးတက်မှု၊ ဆုတ်ယုတ်မှုများကို မှန်မှန်ကန်ကန် စဉ်းစားဆုံးဖြတ်ပြီး ရင်ဆိုင်ဖြေရှင်းနိင်ရန် လိုအပ်ပါတယ်။ စဉ်းစားဝေဖန်ပိုင်းခြားခြင်းဟာ နယ်ပယ် မရွေး အသက်အရွယ်မရွေး လိုအပ်ပါတယ်၊
မိမိရဲ့အကျိုးစီးပွားမှ အများအကျိုးစီးပွားကိုလိုလားသူ ကျောင်းသားလူငယ်များကို အမှန်တကယ် မွေးထုတ်ပေးလိုလျှင် ၎င်းတို့ရဲ့စိတ်ပိုင်းဆိုင်ရာ တွေးခေါ်မှုများ အားကောင်းဖို့လိုအပ်ပါတယ်။

ကိုယ်ပတ်ဝန်းကျင်၊ ကိုယ်အဖွဲ့အစည်း၊ ကိုယ်နိုင်ငံရဲ့ဘာသာ၊ သာသနာ၊ ယဉ်ကျေးမှု ဓလေ့ထုံးစံ များကို လိုက်နာရန်လိုအပ်ချက်များ၊ နိုင်ငံရေး၊ စီးပွားရေး၊ လူမှုရေး ကောင်းမွန်တိုးတက်ရန် အချက်များ ကို ဖော်ဆောင်ရာမှာ မှန်ကန်တဲ့ စဉ်းစားဆုံးဖြတ်မှုများ လိုအပ်ပါတယ်။

ဒီအတွက် ကလေးများကို ငယ်စဉ်ကတည်းက စာသင်ခန်းများတွင် လေ့ကျင့်ပေးခြင်းဖြင့် ၎င်းတို့ရဲ့ ဘဝတသက်တာတွင် ရင်ဆိုင်တွေ့ကြုံရမည့် ပြဿနာများ၊ ရွေးချယ်မှုများ၊ အခွင့်အလမ်းများ၊ ခြိမ်းခြောက်မှုများကို အစွဲအလန်း ကင်းရှင်းစွာဖြင့် စဉ်းစားဖြေရှင်း တတ်လာပြီး မှန်မှန်ကန်ကန် ဆုံးဖြတ်တတ်သော စွမ်းရည်များ တိုးတက်လာပါတယ်။ လူမှုပြဿနာအပေါင်းကို ကျော်လွှားရာ မှာလည်း အထောက်အကူပြုပါတယ်။

ဒီစဉ်စားဝေဖန်ပိုင်းခြားခြင်းဟာ ယခုမှပေါ်ထွက်လာသော အယူအဆသစ် မဟုတ်ပါဘူး၊ မြတ်စွာ ဘုရားရှင် လက်ထက်ကတည်းက ရှိခဲ့ပြီးသားဆိုသော အထောက်အထားများကို ဘုရားဟော ကျမ်းဂန် များတွင် အထင်အရှား ရှာဖွေတွေ့ရှိနိုင်ပါတယ်။ ခရစ်မပေါ်မီ ဘီစီ ၄၇၀-၃၉၉ က ထင်ရှားခဲ့တဲ့ ဂရိ တွေးခေါ်ပညာရှင် ဆိုကရေတီး လက်ထက်မှ ယနေ့ပညာရှင်များထိလည်း ဝေဖန်ပိုင်းခြားနိုင်စွမ်းရှိတဲ့ ပညာရေးမျိုးကသာလျှင် ကောင်းမွန်တဲ့ နိုင်ငံသားများကို မွေးထုတ်ပေးနိုင် တယ်ဆိုတဲ့ အယူအဆကို လက်ခံကျင့်သုံးဆဲ ဖြစ်ပါတယ်။

အင်းဝခေတ် စာဆိုပညာရှင် ရှင်မဟာရဌသာရ ကလည်း သု၊စိ၊ပု၊ဘာ၊ဝိ၊လိ၊သိ၊ဒါ ကို သူ့ခေတ်အခါက သင်ယူမှုဖြစ်စဉ်(learning process) အဖြစ် လမ်းညွန်ခဲ့ကြောင်း ကို ပညာရေးသုတေသီ ဦးသန်းဦးက သူရဲ့ပညာရေးဆိုင်ရာအယူအဆစာအုပ်တွင်ကိုးကားဖော်ပြထားပါတယ်။ သု=နားထောင်ခြင်း(listening)

စိ= စဉ်းစားခြင်း(thinking)

ပု= မေးမြန်းခြင်း(ask question)

ဘာ= ဆွေးနွေးခြင်း(discussing)

ဝိ= စုံစမ်းစစ်ဆေးခြင်း(investigating)

လိ= မှတ်တမ်းယူခြင်း(take notes)

သိ= လေ့ကျင့်ခြင်း(practicing)

ဒါ= လေ့လာမှတ်သားခြင်း(learn by heart)

ဆိုသော ရှင်မဟာရဌသာရရဲ့ ထိုပညာရေးဆိုင်ရာ ယူဆချက်များကို ယနေ့မြန်မာ့သင်ယူမှုဆိုင်ရာ နယ်ပယ်တွင် မြန်မာ့ပညာရေး အယူအဆအဖြစ် စဉ်းစားသင့်ကြောင်းလဲ တင်ပြထားတာ တွေ့ရှိရ ပါတယ်။ အထက်ပါ ယူဆချက်များဟာ ဝေဖန်ပိုင်းခြားစဉ်းစားမှုကို အခြေခံတဲ့သင်ယူမှုဖြစ်တာကို တွေ့နိုင်ပါတယ်။

တချို့သော လူ့အဖွဲ့အစည်းများရဲ့ ပညာရေးဆိုင်ရာ အယူအဆများ၊ မူဝါဒဆိုင်ရာ လုပ်ထုံး လုပ်နည်းများဟာ ခေတ်တစ်ခေတ်၊ စနစ်တစ်ခုရဲ့ လွှမ်းမိုးရိုက်ခတ်မှု့များ၊ ဟန့်တားမှုများကြောင့် ထိရောက်မှု အားနည်းပြီး အရည်အသွေးကျဆင်းသော ရလဒ်များနဲ့ ရင်ဆိုင်နေကြရပြီး အင်းအားချိနဲ့သော လူအဖွဲ့ အစည်းများ ဖြစ်လာပါတယ်။

ပိုမိုကောင်းမွန်သော၊ ပွင်းလင်းလွတ်လပ်သော လူ့အဖွဲ့အစည်းကို ထူထောင်ရာတွင် ပညာရေး ပြုပြင်ပြောင်းလဲရေး၊ ဖွံဖြိုးတိုးတက်ရေးဟာ အလွန်အရေးကြီးပါတယ်။ ဒီနေရာမှာ ဖြစ်နိုင်ချေရှိတဲ့ ပြောင်းလဲမှုများ (positive change) ကို ပြုလုပ်ရမှာဖြစ်ပါတယ်။ မြန်မာ့စာသင်ခန်းများဟာ သမာရိုးကျနည်းလမ်းများမှ ခွဲထွက်ပြီး ယနေ့နိင်ငံတကာပညာရေး ပြုပြင်ပြောင်းလဲမှုများနည်းတူ ပြောင်းလဲရပါမယ်။ ဒါမှ ကလေးလူငယ်များဟာ လာမဲ့အနာဂတ်မှာ ရင်ဆိုင်ရမဲ့ စိန်ခေါ်မှုများကို လက်တွေ့ကျကျ ဖြေရှင်းဆုံးဖြတ်နိင်မှာ ဖြစ်ပါတယ်။ ဒီအတွက် ကျောင်းသားဗဟိုပြုစနစ်နဲ့ စဉ်းစားဝေဖန်ပိုင်းခြား နည်းစနစ်များဟာ၂၁ရာစုရဲ့ပညာရေးစိန် ခေါ်မှုများအတွက် ပြောင်းလဲအစားထိုးရန် တိုက်တွန်းအားပေးလာကြပါတယ်။

ဆရာဗဟိုပြု(Teacher-Centered) စာသင်ခန်း များမှာ ဆရာဟာ အဓိကဦးစားပေး(primary source) ဖြစ်ပြီး ကျောင်းသားဗဟိုပြုစနစ်မှာတော့ ကျောင်းသားဟာ အဓိက primary source ဖြစ်ပါတယ်။

ကျောင်းသားများရဲ့ လေ့လာသင်ယူချင်စိတ်ကို နှိုးဆွပေးခြင်းဖြစ်ပြီး ဘာဖြစ်တာလဲ(what)၊ ဘာကြောင့်လဲ(why)၊ ဘယ်လိုလုပ်ရမယ်(how) ဆိုတဲ့ သင်ယူမှုဖြစ်စဉ်ထဲ ကိုယ်တိုင်ပါဝင်စဉ်းစား လာပါတယ်။ ကျောင်းသားများဟာ သင်ခန်းစာများကို ဘယ်လိုလေ့လာရမယ်ဆိုတဲ့ how to learn ကို သိရှိလာပြီး ကျောင်းသားများရဲ့ တက်ကြွစွာသင်ယူမှုကိုလည်း အားပေးရာရောက်ပါတယ်။

စဉ်းစားဝေဖန်ပိုင်းခြား နည်းစနစ်များကတော့ မိမိတို့ လက်ခံယုံကြည်ထားသော အယူအဆ၊ ဗဟုသုတ၊ အတွေ့အကြုံ များကို ထပ်မံရှာဖွေသိရှိရသော အချက်များနှင့် ပေါင်းစပ်ပြီး ရရှိလာသော ဗဟုသုတအသစ်၊ အတွေ့အကြုံသစ်များကို အသုံးချခြင်း(applying)၊ ခွဲခြမ်းစိတ်ဖြာခြင်း(analyzing)၊ စီစစ်ထုတ်ဖော်ခြင်း(synthesizing)၊ သုံးသပ်အကဲဖြတ်ခြင်း(evaluating)များဖြင့် ပိုမိုကောင်းမွန်သော ဖြေရှင်းနည်းများဆီ ချဉ်းကပ်နိုင်ပါတယ်။ စဉ်းစားဝေဖန်ပိုင်းခြားခြင်းဟာ သိရှိလိုခြင်း၊ သင်ယူလိုခြင်း၊ နားလည်လိုခြင်း ဆိုတဲ့ စိတ်ပိုင်းဆိုင်ရာဖြစ်စဉ်(cognitive process) ကို စုံစမ်းမေးမြန်းခြင်း၊ ဆုံးဖြတ်ချက်ချခြင်း ပြဿနာများကို ဖြေရှင်းခြင်းဆိုတဲ့နည်းလမ်း နဲ့ချဉ်းကပ်ခြင်း ဘဲ ဖြစ်ပါတယ်။

စဉ်းစားဝေဖန်ပိုင်းခြား နည်းစနစ်များဟာ ပညာရေးဆိုင်ရာ သုတေသနများကို အခြေခံပြီး ကနေ့ ပညာရေးပြောင်းလဲမှုများနှင့် အညီ ယနေ့စာသင်ခန်းများတွင် လက်တွေ့ အကောင်အထည်ဖော် အသုံးချနေကြပါတယ်။ ၎င်းနည်းစနစ်များဟာ မည်သည့်သင်ရိုး မည်သည့်အတန်း၊ မည်သည့် ဘာသာရပ်နှင့်မဆို ချိတ်ဆက်အသုံးပြုနိုင်ပါတယ်။

ဤနည်းစနစ်များကို လေ့ကျင့်သင်ကြားပေးခြင်းဖြင့် ကျောင်းသား လူငယ်များဟာ လေးလေး နက်နက် တွေးတောသုံးသပ် လာနိုင်ခြင်း၊ တာဝန်ယူတတ်လာခြင်း၊ ယုတ္တိရှိရှိ ငြင်းခုန်ခြင်းများကို နားလည်သဘောပေါက်လာခြင်း ၊အာရုံထား နားထောင်တတ်လာခြင်း၊ မိမိကိုယ်မိမိ ယုံကြည်မှုရှိရှိပါဝင် ဆွေးနွေးလာခြင်းနဲ့ ၎င်းတို့ဘဝတသက်တာတွင် အမှီအခိုကင်းစွာ လေ့လာနိုင်သူများ ဖြစ်လာပါတယ်။

နိုင်ငံတကာပညာရေး ပြုပြင်ပြောင်းလဲမှုများနှင့် ဟန်ချက်ညီညီ လိုက်ပါနိုင်ရေးအတွက် ယနေ့ မြန်မာ့ ပညာရေးလုပ်သားများမှာ တာဝန်ရှိသလို နည်းစနစ်သစ်၊ အယူအဆသစ်များ ချိတ်ဆက် အသုံးချရန် မှာ စိန်ခေါ်မှုတရပ် ဖြစ်လာပါပြီ။

မောင်သုည

ပညာရေးသုတေသီ ဦးသန်းဦးက သူရဲ့ပညာရေးဆိုင်ရာအယူအဆစာအုပ်တွင်ကိုးကားဖော်ပြထားပါတယ်။