လူငယ်နှင့် စိတ်ကြွဆေး

တရုတ်စာသားများ ရေးထိုးထားတဲ့ အနီရောင်နဲ့ အဖြူရောင်စပ် ဆေးတောင့်လေးများရဲ့ဈေးက ရာဂဏန်းကနေ သောင်းဂဏန်းနီးပါး အထိရှိပါတယ်။
ဒီဆေးတွေကတော့ လူငယ်တချို့အကြား သုံးစွဲမှု မြင့်မားနေတယ်လို့ဆိုတဲ့ လိင်စိတ် ကြွဆေးတွေပါ။ ဒီဆေးတွေနဲ့ ပတ်သက်ပြီး အမျိုးသား သုံးဆေးတွေရှိသလို၊ အမျိုးသမီးတွေ လိင်စိတ်ကြွလာစေဖို့ ကော်ဖီ၊ အဖျော်ယမကာထဲ ထည့်တိုက်ရတဲ့ ဟော်မုန်းဆေးတွေလည်း ရှိတယ်လို့ ဆေးရောင်းချသူ တစ်ဦးထံက သိရပါတယ်။ ဒါကြောင့် ဒီဆေးသုံးစွဲသူတွေ၊ နားလည်တတ်ကျွမ်းတဲ့ ဆရာဝန်တွေနဲ့ ဈေးကွက်ထဲမှာ ရောင်းချနေသူတွေကို တွေ့ဆုံဖော်ပြလိုက်ပါတယ်။
တကယ်တမ်းက
“အမျိုးသားတွေမှာ ပန်းသေ ပန်းညှိုးနဲ့ ကိုယ်တွင်းရောဂါ အခြေအနေ တစ်ခုခုကြောင့်ဖြစ်စေ၊ ကျောရိုး ထိခိုက်ဒဏ်ရာ ရလို့ဖြစ်စေ အမျိုးသားဟိုမုန်း ထုတ်လုပ်မှု ကျဆင်းလာပြီး လုံးဝ မထုတ်လုပ်တော့တဲ့ အခြေအနေမှာမှ ဒီလိုဆေးမျိုးသုံးရတာပဲ” လို့ အထွေထွေရောဂါကု ဆရာဝန် ဒောက်တာညွန့်လွင်က ရှင်းပြပါတယ်။ ဒါပေမဲ့ ဘာရောဂါ ဝေဒနာမှမရှိဘဲနဲ့ ဒီလိင်စွမ်းဆောင်ရည် မြှင့်ပေးတယ်လို့ဆိုတဲ့ ပန်းသေပန်းညှိုးသမားတွေ အသုံးပြုရမယ့်ဆေးကို ပုံမှန်လူငယ်တွေ သုံးစွဲမယ်ဆိုရင် ဆေးဝါးတွေကနေ ကောင်းကျိုးထက် ဘေးထွက်ဆိုးကျိုးက ပိုများနေမှာဖြစ်တယ်လို့ ဒေါက်တာညွန့်လွင်က ထပ်မံသတိပေး ပြောပြပါတယ်။
“မိတ်ဆွေတွေ၊ အပေါင်းအသင်းတွေ တချို့ ဒီလိင်စိတ် ကြွဆေးတွေ သုံးစွဲတာတွေ့ရတယ်။ သူတို့ တိုက်တွန်းလို့ အဲဒီဆေးတွေ သုံးစွဲဖူးတယ်။ ဒီဆေးတွေရဲ့ ဆိုးကျိုးတွေကို အဲလိုတိုက်တွန်းတဲ့ သူတွေကိုယ်တိုင် သေချာမသိကြသလို သူကိုယ်တိုင်လည်း သေချာမသိဘူး” လို့ ပြောပြတဲ့သူက အသက် ၂၀ အရွယ် ကိုအောင်မြင့်ပာ။
ကိုအောင်မြင့်လို ဒီဆေးတွေအကြောင်း ကောင်းကောင်းနားမလည်ဘဲ သုံးစွဲနေသူတွေ ရှိကြတယ်လို့ လူငယ်တချို့ကို တွေ့ဆုံမေးမြန်းမှုအရ သိရပါတယ်။
“ကျွန်တော် ဒီဆေးတွေကို ဒီကိစ္စရှိတဲ့အခါ သုံးလေ့ရှိဖူးတယ်။ သာမန်ထက် ပိုပြီး အဆင်ပြေ စွမ်းတယ်လို့ ထင်တယ်” လို့ ဒီဆေးကို တစ်ခါတစ်ရံ သုံးစွဲဖူးတဲ့ အသက် ၂၃ နှစ်အရွယ် မောင်ထွန်းက ပြောပြပါတယ်။ ဈေးကွက်ထဲမှာ ရောင်းချနေတဲ့ ဒီဆေးတွေနဲ့ ပတ်သက်ပြီးတော့လည်း “တံဆိပ် နှစ်မျိုးလောက်က တော်တော် ရောင်းရတယ်။ အိန္ဒိယက ဝင်တာရှိတယ်၊ တရုတ်က ဝင်တာရှိတယ်။ လာဝယ်သူကတော့ အရွယ်စုံပါပဲ။ တချို့ ဆေးတွေကတော့ ဒီမှာ မှတ်ပုံတင်ထားတာ မရှိသေးဘူး” လို့ ဆေးရောင်းချသူ တစ်ဦးကဆိုပါတယ်။
ဆေးရဲ့ အာနိသင်ကဘာလဲ
ဒီဆေးဝါးတွေရဲ့ ခန္ဓာကိုယ်တွင်း လုပ်ဆောင်ပေးချက်တွေကတော့ သွေးကြောတွေကို ပွစေပြီး သွေးပမာဏများများ စီးလာစေဖို့ အထောက်အကူ ပြုတာ ဖြစ်ပါတယ်။ လိင်ဆက်ဆံဖို့ အဆင်သင့် ဖြစ်တဲ့အနေအထားကို ဖန်တီးပေးတယ်လို့ ဆရာဝန်တစ်ဦးက ရှင်းပြပါတယ်။ “မိန်းကလေး သုံးဆေးကတော့ ဟိုမုန်းပါပဲ။ သူတို့လည်း ဟိုမုန်းလိုတယ်လေ။ ဖျော်ရည်တစ်ခုခုထဲ ထည့်တိုက်လိုက်ရတာပေါ့” လို့ ဆေးရောင်းချသူက ရှင်းပြပါတယ်။ အမျိုးသမီးလိင်စိတ် ကြွဆေးတွေဟာ တရုတ်နိုင်ငံဘက်ကနေ ဝင်လာကာ မျက်စဉ်းပုလင်း အရွယ်ဘူးကလေးတွေနဲ့လာတာဖြစ်ပြီး တစ်ဘူးကို ကျပ်နှစ်ထောင့်ငါးရာကနေ ကျပ်ငါးထောင်ခန့် အထိရှိတယ်လို့ ဆေး ဈေးကွက် အတွင်းက စုံစမ်းသိရပါတယ်။
“အရင်တုန်းက ကျွန်မရဲ့ E-mail ထဲကို စာတစ်စောင်ရောက်ဖူးတယ်။ မိန်းကလေးတွေ တခြားကိုယ်မသိတဲ့ လူဆီကဖြစ်ဖြစ်၊ သူငယ်ချင်း ယောကျာ်းလေးတွေဆီက ပီကေလိုဟာမျိုး၊ ဖျော်ရည်လိုဟာမျိုး ကျွေးတာတွေကို အရမ်းကြီးယုံမှတ်ပြီး မစားဖို့၊ အဲဒါတွေထဲမှာ စိတ်ကိုပြောင်းလဲ စေတဲ့ လိင်စိတ် နိုးကြားဆေးတွေ ပါတယ်လို့ ဆိုထားတဲ့စာပေါ့။ ဆေးနာမည်နဲ့ ပုံတောင်ပါသေးတယ်။ အဲဒီစာကို ဖတ်ပြီးကတည်းက ဒီလိုဆေးတွေလည်း ရှိပါလား ဆိုတာသိရတယ်။ အစားအသောက် စားတဲ့နေရာမှာလည်း သတိထားလာမိတယ်။ အခုခေတ်က ဘာတွေမှန်းမသိတော့ ရမ်းမယုံရဲဘူး” လို့ အသက် ၂၅ နှစ် အရွယ် မဖြူပြာက သူသိသမျှကို ပြန်ပြောပြပါတယ်။ မိန်းကလေးတွေ အတွက်က အရာရာကို သတိထားရတယ်လို့ ၎င်းက ဆိုပါတယ်။ ဒီဆေးတွေနဲ့ပတ်သက်ပြီး အမှုအခင်းတွေ ဖြစ်ပွားနေတာနဲ့ သတင်းတွေကိုလည်း သတင်း ဂျာနယ်တွေမှာ ပါလာတာ တွေ့နေရတယ်လို့ လူငယ်တချို့က ပြောပါတယ်။
ဘယ်လိုလူတွေ မသုံးသင့်ဘူးလဲ
“နှလုံးရောဂါ ရှိနေရင်တော့ ဒီဆေးတွေလုံးဝ မသုံးသင့်ပါဘူး” လို့ ဆရာဝန်တစ်ဦးက ဆိုပါတယ်။ ဒီလိင်စိတ်ကြွဆေး တွေဟာ လိင်အင်္ဂါမှာရှိတဲ့ သွေးကြောတွေကို ကျယ်စေရုံသာမက တခြားကိုယ်တွင်းအင်္ဂါတွေက သွေးကြောတွေကိုလည်း ကျယ်စေလို့ ခေါင်းကိုက်တာ၊ ခေါင်းအုံတာ၊ မျက်နှာတွေ နီရဲပြီး တစ်ကိုယ်လုံး ဖိန်းဖိန်းရှိန်းရှိန်း ဖြစ်လာတာတွေ ဖြစ်တတ်ကြောင်း ဒောက်တာညွန့်လွင် ပြောပြပါတယ်။ ထပ်မံပြီးတော့လည်း “ဒီဆေးက သွေးပေါင်ကိုလည်း ကျစေတဲ့အတွက် နဂိုက သွေးပေါင်ကျဆေး သောက်ထားရတဲ့သူတွေဆို သွေးပေါင်က ကျသင့်တာထက် ပိုကျသွားတာ၊ မူးလဲတာတို့၊ ရှော့ဖြစ်တာတို့ ဖြစ်နိုင်တာမို့ နှလုံးသွေးကြောကျဉ်း ရောဂါကြောင့် ဆေးသောက်နေရသူတွေ မသုံးစွဲသင့်ဘူး” လို့ ဒေါက်တာညွန့်လွင်က သတိပေးပါတယ်။
မှားယွင်းတဲ့အပြုအမူ
“မတော်တဆ သွေးကြောပိတ်သွားရင် အနာပေါက်လာပြီး ပြည်တည်ရင် ဖြတ်ရတဲ့အထိဖြစ် လာနိုင်တယ်” လို့ လိင် စိတ်ကြွဆေး ဆိုင်ရာ ဆက်စပ်ပစ္စည်းတွေ သုံးစွဲမှုနဲ့ပတ်သက်ပြီး ဆရာဝန်တစ်ဦးက ဆေးဘက်ဆိုင်ရာ ရှုထောင့်ကနေ ပြောပါတယ်။ ဘယ်ဆေးကိုမဆို ဆရာဝန်ညွှန်ကြားချက်နဲ့ သုံးစွဲခြင်းသည်သာ အန္တရာယ်ကင်းကြောင်း၊ ကိုယ့်သဘောနဲ့သုံးစွဲပြီး မှားယွင်းရင်လည်း နောက်ဆက် တွဲဆိုးကျိုးတွေရနိုင်လို့ လူငယ်တွေအနေနဲ့ ဒီဆေးဝါးတွေ မလိုအပ်ဘဲ မှားယွင်းသုံးစွဲပြီး ကျန်းမာရေး ချို့ယွင်းမှုတွေ မဖြစ်ပွားဖို့ သတိပြုသင့်ကြောင်း ဆရာဝန်တွေက ပြောဆိုကြပါတယ်။ ဒီဆေးတွေနဲ့ပတ်သက်ပြီးတော့ အသိပညာပေးမှုတွေ ကျယ်ကျယ်ပြန့်ပြန့် လုပ်သင့်နေပြီလို့လည်း NGO တစ်ခုမှာ ဝင်ရောက်လုပ်ကိုင်နေတဲ့ အသက် ၂၄ နှစ်အရွယ် ကိုထွန်းဇော်က ဆိုပါတယ်။
(အထက်ပါဆောင်းပါးမှ လူငယ်တို့၏ အမည်များကို ကာယကံရှင်တို့၏ ဆန္ဒအရအမည်များ လွှဲပြောင်းထားပာသည်။)
သန့်ဇင်စိုး၊ ကြည်ကြည်လွင်
October 2010The Voice Journal
မှကူးယူဖေါ်ပြထားပါသည်