ဦးနှောက်တွင် အကျိတ်ဖြစ်ခြင်း

ဦးနှောက်တွင် အကျိတ်ဖြစ်ခြင်း
Thursday, 14 October 2010 00:00 7Day News Journal

ကိုယ်ခန္ဓာ တစ်ခုလုံး၏ လှုပ်ရှားမှု များကို ထိန်းချုပ် ထားသော ဦး နှောက်သည် ဆန်းကြယ် ရှုပ် ထွေးသော အစိတ် အပိုင်းများဖြင့် တည်ဆောက်ထားပြီးအသိဉာဏ် မှတ်ဉာဏ် အပြုအမူများအား ထိန်းချုပ်သည့် နေရာ၊ လက်လှုပ်၊ ခြေလှုပ်စသည့် လှုပ်ရှားမှုများအား ထိန်းချုပ်သည့်နေရာ၊ စကားပြော အမြင်အာရုံအား ထိန်းချုပ်သည့် နေရာလည်း ဖြစ်သည်။
ထိုကဲ့သို့ လှုပ်ရှားမှုများအား ထိန်းချုပ်ထားသည့် ဦးနှောက်တွင် ပြဿနာ တစ်ခုခု ဖြစ်ပါက ထိုလှုပ်ရှားမှု စနစ်များ ပျက်ယွင်း သွားလေ့ရှိသည်။
ဦးနှောက်နှင့် အာရုံကြော ခွဲစိတ်ဌာနသို့ ရောက်လာသည့် လူနာများ၏ ၆၀ ရာခိုင်နှုန်းမှာ ပုံမှန်အားဖြင့် ဦးနှောက်တွင် မတော်တဆ ထိခိုက်မှု တစ်ခုခုကြောင့် ရောက်လာသည့် လူနာများဖြစ်ပြီး ဒုတိယ အများဆုံးမှာ ဦးနှောက်တွင် အကျိတ်ဖြစ်သည့် လူနာများ ဖြစ်ကြောင်း ရန်ကုန် ဆေးရုံကြီး ဦးနှောက်နှင့် အာရုံကြော ခွဲစိတ်ဌာနမှ ခွဲစိတ်အထူးကု ဆရာဝန် ပါမောက္ခ ဦးဝင်းမြိုင်က ပြောသည်။
“ဒီဦးနှောက်နှင့် အာရုံကြော ခွဲစိတ်ကုဌာန နှစ်ထပ်လုံးမှာ ဦးနှောက် အကျိတ်ရောဂါရှင် တစ်လကို အယောက် ၂၀ ကနေ ၃၀ ကြား ခွဲစိတ်နေရတယ်” ဟု အဆိုပါ ဆရာဝန်က ပြောသည်။
ဦးနှောက်တွင် အကျိတ် ဖြစ်ခြင်းသည် ကလေးလူကြီး မရွေး ဖြစ်ပွားနိုင်ပြီး နေထိုင်မှုပုံစံ၊ အစားအသောက် မျိုးရိုးများနှင့် သက်ဆိုင်ခြင်း မရှိကြောင်း သိရသည်။
“ဦးနှောက် အကျိတ် ဖြစ်တာက အဲဒါတွေနဲ့ ဆက်စပ်မှု ရှိမရှိ ဆိုတာတော့ အခုချိန်ထိ မသိနိုင်သေးပါဘူး” ဟု ပါမောက္ခ ဦးဝင်းမြိုင်က ပြောသည်။ ဦးနှောက်တွင် အကျိတ် ဖြစ်သည့်အခါ ကလေးများတွင် များသောအားဖြင့် ကင်ဆာ အမျိုးအစားထဲတွင် ပါဝင်လေ့ရှိသည်။ လူကြီးများတွင် ရိုးရိုးအကျိတ်နှင့် ကင်ဆာ အကျိတ်များ ဖြစ်ပွားလေ့ရှိကြောင်း သိရသည်။
ကလေးများ၏ ဦးနှောက်တွင် အကျိတ် ဖြစ်ပေါ်သည့်အခါ စကားမပြောနိုင်သည့် အရွယ်တွင် ကလေးမှာ ငိုနေခြင်း၊ ဂျီကျခြင်း၊ မှိန်းခြင်း၊ အန်ခြင်း၊ လမ်းလျှောက် တတ်သည့် အရွယ်တွင် လမ်းမလျှောက်နိုင်၍ လဲကျခြင်းတို့မှာ ဦးနှောက်အကျိတ် ဖြစ်ခြင်း၏ လက္ခဏာ များဖြစ်သည်။
လူကြီးများ တွင်လည်း ခေါင်းကိုက်ခြင်း၊ အရှိန်ဖြင့်အန်ခြင်း၊ မျက်စိများ ဝေ၀ါးခြင်း၊ ပုံရိပ်များ ထပ်ခြင်း၊ လေဖြတ်သကဲ့သို့ ခန္ဓာကိုယ် တစ်ခြမ်း လေးလံခြင်း၊ တက်ခြင်းတို့မှာ ဦးနှောက် အကျိတ် ရောင်ခြင်း၏ ရောဂါလက္ခဏာ များဖြစ်ကြောင်း ဒေါက်တာဦးဝင်းမြိုင် ကပြောသည်။
“လူကြီးတွေမှာ အကျိတ်ကြောင့် ခေါင်းကိုက်တဲ့ ပုံစံက သိသာတယ်။ မနက်အိပ်ရာထတဲ့ အချိန်တိုင်း နေ့တိုင်းဖြစ်ပြီး ကျန်တဲ့ အချိန်မှာတော့ ခေါင်းကိုက်တာမျိုး မရှိဘူး။ ပြီးတော့ အကျိတ် ဖြစ်ပေါ်တဲ့ နေရာပေါ် မူတည်ပြီး ရောဂါလက္ခဏာတွေ ပြသတယ်” ဟု အဆိုပါ ဆရာဝန်က ပြောသည်။
အချိန်မီ ဆေးကုသမှု မရှိသည့်အခါ လူနာသည် တဖြည်းဖြည်း မှိန်းလာပြီး နောက်ဆုံးအဆင့်တွင် အသက်ဆုံးရှုံးသည် အထိ ဖြစ်ပွားနိုင်ကြောင်း သိရသည်။
“အရင်ကတည်းက ဒီရောဂါ ဖြစ်ပွားနေတာ။ ဒါပေမဲ့ အရင်တုန်းက မသိကြတဲ့အတွက် နယ်မှာ ဆိုရင်လည်း ကိုယ်တစ်ခြမ်း လေးလာရင် လေဖြတ်တယ် ဆိုပြီး မြန်မာ ဆေးဆရာတွေ၊ အနှိပ်သည်တွေနဲ့ ပြသရင်း နောက်ဆုံး အသက်သေသွား ကြတာတွေရှိတယ်” ဟု ဒေါက်တာဦးဝင်းမြိုင်က ပြောသည်။
ဦးနှောက်တွင် အကျိတ်ဖြစ်ပါက ဦးနှောက် ဓာတ်မှန်ရိုက်၍ သိနိုင်ပြီး၊ ဦးနှောက် အကျိတ်တွင် အစိုင်အခဲ အကျိတ်နှင့် အရည်အိတ် အကျိတ်နှစ်မျိုး ရှိကြောင်း သိရသည်။
အကျိတ်အတိုင်း ခွဲစိတ်ကုသမှသာ သက်သာ နိုင်သော်လည်း ၂ စင်တီမီတာထက် သေးငယ်သော အကျိတ်များအား ဆေးနှင့်ပင် ကုသ၍ အရည်အိတ်၊ အကျိတ်မျိုးမှာ ခေါင်းတွင် အပေါက် ဖောက်၍ စုပ်ယူပြီးမှသာ ကင်ဆာ ဟုတ်မဟုတ် စစ်ဆေးမှုများ ပြုလုပ်၍ ကုသရပြီး၊ အစိုင်အခဲ အကျိတ်မှာ ဦးခေါင်းဖွင့်၍ အကြီးစား ခွဲစိတ်မှုများ ဆောင်ရွက်ရကြောင်း သိရသည်။
“ကင်ဆာကြောင့် ဖြစ်တာဆိုလည်း ခွဲစိတ်ပြီး နောက်ပိုင်း ဆေးနဲ့ကုသ တာတွေ၊ ဓာတ်ကင်တဲ့ နည်းတွေနဲ့လည်း ဆက်လက် ကုသရပါတယ်” ဟု အဆိုပါ ဆရာဝန်က ပြောသည်။
ယခုနောက်ပိုင်း ဦးနှောက် ရောဂါရှာဖွေသည့် စက်များ ကောင်းမွန်ခြင်း၊ လူအများတွင် ကျန်းမာရေးဆိုင်ရာ ဗဟုသုတ များပြားလာခြင်း၊ ဦးနှောက်နှင့် အာရုံကြော ခွဲစိတ်ကုဌာနများ တိုးချဲ့ ဖွင့်လှစ်လာခြင်း တို့ကြောင့် ဦးနှောက်အတွင်း အကျိတ်ဖြစ်သည့် လူနာများ ပိုမိုတွေ့ရှိ လာရကြောင်း သိရသည်။
“ကျွန်တော့် ညီမလေး ဦးနှောက်မှာ အကျိတ်ဖြစ်လို့ ဆေးရုံမှာ တက်နေရတဲ့ အချိန်မှာ ဘေးနားမှာလည်း အဲဒီလို လူနာတွေ အများကြီး တွေ့ရတယ်။ တချို့ကတော့ တစ်ကြိမ်ခွဲစိတ်ပြီး သက်သာတာ ရှိသလို တချို့ကျတော့လည်း ထပ်ခွဲစိတ်ရတာ တွေရှိတယ်” ဟု မန္တလေးမြို့နေ အသက် ၅၀ခန့် အမျိုးသားတစ်ဦး ကပြောသည်။
ဦးနှောက်တွင် အကျိတ်ဖြစ်ခြင်းသည် စတင် ဖြစ်ပွားသည့်အချိန်၌ ရောဂါလက္ခဏာ မပြသည့်အတွက် ဆေးရုံရောက်သည့် အချိန်တွင် အကျိတ်ကြီးပြီး နောက်ကျမှ ရောက်လာမှု များလေ့ရှိကာ အကျိတ်ကြောင့် မျက်စိဝေ၀ါး လာသည့်အခါ မျက်စိမှုန်၍ မျက်စိဆရာဝန်နှင့် သွားရောက် ပြသသည့်အခါမှ မျက်စိဆရာဝန်မှ တစ်ဆင့် ရောက်လာသူ များကြောင်း သိရသည်။
ဦးနှောက်အကျိတ် ခွဲစိတ်မှုအား ထိုင်းနိုင်ငံတွင် သွားရောက် ခွဲစိတ်ကုသ ပါက ကျပ်သိန်း ၂၅၀ခန့် ကုန်ကျနိုင်ပြီး ပြည်တွင်းတွင် ခွဲစိတ်ပါက ကျပ် ၅ သိန်းခန့် ကုန်ကျနိုင်ကြောင်း သိရသည်။

October 2010 00:00 7Day News Journal

မှကူးယူဖေါ်ပြထားပါသည်