ရာသီပေါ် မျက်စိနာ ရောဂါ ကာကွယ် ကုသ နည်းများ

ရာသီပေါ် မျက်စိနာ ရောဂါ ကာကွယ် ကုသ နည်းများ







ခုအချိန်မှာ လူအတော် များများ မျက်စိနာ နေကြတာ တွေ့ရပါတယ်။ ပူနွေးစိုစွတ်တဲ့ အခုလို လာနီညာ ရာသီဥတုဟာ ဘက်တီးရီးယား ပေါက်ပွား နှုန်းကို အရမ်းမြန် စေလို့ ဒီနှစ်မှာ မျက်စိနာ သူတွေ ပိုများနိုင်ပါတယ်။ မျက်စိနာတယ် လို့သာဆိုကြပေမယ့် တကယ်တမ်း ကတော့ မျက်လုံးရဲ့အဖြူရောင် အသား (Sclera)ကို ကာကွယ် ပေးထားတဲ့အမြှေးပါး အကြည်လေး (Conjunctiva) ရောင်တဲ့ ရောဂါမို့ ဆေးပညာ အခေါ်အရ Conjunctivitis လို့ခေါ်ကာ အင်္ဂလိပ်လို Pink Eye လို့ ခေါ်ပါတယ်။
ဖြစ်ရတဲ့ အကြောင်းအရင်း တွေထဲ အများဆုံး အကြောင်းအရင်းတွေက ဗိုင်းရပ်စ်ပိုး တချို့ကြောင့် ဖြစ်ရတာဖြစ် ပြီး ဘက်တီးရီးယား ကြောင့် ဖြစ်ရတာလည်း ရှိပါတယ်။ မျက်လုံးထဲကို မသန့်တဲ့ အရာတစ်ခုခု၊ ခန္ဓာကိုယ်နဲ့ ဓာတ်မတည့်တဲ့ အရာတစ်ခုခု ဝင်ခြင်း (ဥပမာမီးခိုး၊ ဓာတ်ငွေ့၊ ဝတ်မှုန် စသည်)၊ မျက်သား ခြောက်သွေ့ လွန်းခြင်း စတာတွေကြောင့် ဖြစ်ရတာ ဖြစ်ပါတယ်။
လက်ရှိ ဖြစ်ပွားနေကြတဲ့ တစ်ဦးနဲ့ တစ်ဦး အရမ်း ကူးလွယ်တဲ့ မျက်စိနာ ရောဂါဟာ ဗိုင်းရပ်စ်ပိုး တွေကြောင့်ဖြစ် ရတာဖြစ်ပြီး သုံးရက်ကနေ ငါးရက်ထက် ပိုမကြာပါဘူး။ ဒါကြောင့် မျက်စိနာခြင်း ခံစားနေရတာ ငါးရက် ကျော်သွားရင် ဗိုင်းရပ်စ်ကြောင့် မဟုတ်ဘဲ ပိုစိုးရိမ်စရာ အကြောင်းအရင်း တစ်ခုခု ဖြစ်နေတတ်လို့ ဆရာဝန်နဲ့ မဖြစ်မနေ ပြသင့်ပါတယ်။
မျက်စိနာ ရောဂါရဲ့လက္ခဏာတွေက အားလုံး သိရှိ ခံစားဖူး ကြတဲ့အတိုင်း မျက်လုံး နီရဲ ရောင်ရမ်းခြင်း၊ မျက်ရည်ပူတွေ ပုံမှန်ထက်ပို ကျခြင်း၊ မျက်လုံးထဲမှာ ပြင်ပက ပစ္စည်းတစ်ခုခု ဝင်နေသလို ခိုးလိုး ခုလု ခံစားရတတ်ခြင်း၊ အလင်းရောင် မကြည့်နိုင်ခြင်း စတာတွေ ဖြစ်ပါတယ်။
ဒီဝေဒနာတွေဟာ အတော်ဆိုးကာ ဘာအလုပ်မှ လုပ်ချင်စိတ် မရှိအောင် အနှောင့်အယှက် ဖြစ်စေလို့ မျက်စိနာ ရောဂါ မဖြစ်အောင် ကာကွယ်နည်း များကို The Voice Weekly ပရိသတ်များ အတွက် ဖော်ပြပေး လိုက်ပါတယ်။
(၁) မျက်စိနာရောဂါ ဖြစ်စေတဲ့ ပိုးတွေဟာ မသန့်ရှင်းတဲ့ လက်ကနေ အများဆုံး ကူးစက်တာမို့ မျက်စိနာရောဂါ ကာကွယ်ခြင်း အတွက် အထိရောက်ဆုံး နည်းလမ်းတစ်ခု ကတော့ ပြင်ပအရာဝတ္ထု တစ်ခုကို ထိကိုင်ပြီးတိုင်း မျက်လုံး၊ မျက်ခမ်းကို ထိကိုင်ခြင်း မလုပ်တာပါပဲ။ လက်ကို သေချာ စင်ကြယ်အောင် ဆေးကြောပြီးမှ မျက်နှာရဲ့အစိတ်အပိုင်းတွေကို ထိကိုင်ပါ။
(၂) မျက်နှာသုတ်ပဝါကို ဂရုစိုက်ပါ။ မျက်နှာသုတ် ပဝါဟာ သန့်ရှင်းနေဖို့ မရှိမဖြစ် လိုအပ်သလို လူတစ်ဦးကို
မျက်နှာသုတ် ပဝါတစ်ထည် သီးသန့်သုံးတာ အကောင်းဆုံးပါ။ မျက်စိနာရောဂါ ဖြစ်နေတဲ့သူ အတွက် ဆိုရင်တော့ မျက်နှာသုတ် ပဝါတစ်ထည် သီးသန့် ထားပေးရပါမယ်။ မဟုတ်ရင် တစ်အိမ်သားလုံး ကူးကုန် ပါလိမ့်မယ်။ ဒါ့အပြင် မျက်စိနာတဲ့သူရဲ့ မျက်နှာသုတ်ပဝါကို နေ့စဉ် လျှော်ဖွပ် ပေးသင့်ပါတယ်။ အစွန်းချွတ် ဆေးတစ်မျိုးကို သုံးပြီးဖြစ်စေ၊ ရေနွေးပွက်ပွက်ဆူမှာ ကြာကြာပြုတ်ပြီး ဖြစ်စေ လျှော်ဖွပ်ရမှာ ဖြစ်ပါတယ်။ ဒီလိုမလုပ် ပေးရင် လူနာရဲ့မျက်စိက ပိုးတွေက မျက်နှာသုတ်ပဝါနဲ့ မျက်လုံးကြား သံသရာ လည်နေမှာမို့ မျက်စိနာရောဂါ ကြာတတ် ပါတယ်။
(၃) မျှတပြီး လတ်ဆတ်တဲ့ အသီးအရွက်တွေ ပါဝင်တဲ့ အစားအသောက် ပုံစံ မစားဘဲ အသားပဲ စားတဲ့သူတွေ၊
အိပ်ရေးပျက် အစားပျက်လို့ ကိုယ်ခံအား ကျနေသူတွေ၊ မျက်ကပ်မှန် ဝတ်ဆင်သူတွေ၊ ဓာတ်ငွေ့၊ ဖုန်မှုန့် စတာတွေနဲ့ နေ့စဉ် နီးနီးကပ်ကပ် အလုပ်လုပ်ရသူ တွေဟာ တခြားသူတွေထက် မျက်စိနာဖို့ ပိုနီးစပ်တာမို့ အခုလို မျက်စိနာတွေ ပေါနေတဲ့ ရာသီမှာ လက်နဲ့ မျက်စိသန့် ရှင်းရေးကို ပိုမို သတိထားသင့် ပါတယ်။ ထူးခြားတဲ့ အနေနဲ့ အမြင်အာရုံ တစ်ဖက်တည်းသာ ရှိသူများဟာ မျက်စိနာဖို့ ပိုနီးစပ်တယ်လို့ တွေ့ရှိထားရတာ မို့ ဒီလို လူတွေလည်း ဂရုစိုက်ရမှာ ဖြစ်ပါတယ်။
(၄) ကြိုတင် ကာကွယ်တဲ့ အနေနဲ့ နေပူဖုန်ထူတဲ့ အပြင်က ပြန်လာတိုင်း မျက်စဉ်းတစ်ခုခု ခတ်ပေးပါ။ အခုလို မျက်စိနာ ရောဂါတွေ အဖြစ်များနေတဲ့ မျက်စိမနာသေး ပေမယ့် ကြိုတင် ကာကွယ်တဲ့ အနေနဲ့ ပိုးသတ်ဆေးပါတဲ့ မျက်စဉ်း တစ်ခုခု ခတ်ပေးတာလည်း ကာကွယ်ရာ ရောက်စေပါတယ်။ မျက်စိနာရင် မြန်မြန် ပျောက်စေဖို့ လိုက်နာရမယ့် အချက်တွေကတော့-
(၁) မျက်စိ နာနေတဲ့အချိန်မှာ အရက်သေစာ သောက်စားခြင်း၊ ဆေးရွက်ကြီး ပါသော ဆေးလိပ်၊ ကွမ်းယာ စားသုံးခြင်း၊ မျက်ကပ်မှန် တပ်ဆင်ခြင်း၊ ရေကူးခြင်း၊ ခေါင်းလျှော်ခြင်း၊ စာကြာကြာ ဖတ်ခြင်း၊ တီဗီ၊ ကွန်ပျူတာကြည့်ခြင်း စတာတွေကို လုံးဝ ရှောင်ကြဉ်သင့် ပါတယ်။
(၂) မျက်စဉ်းခတ်ကို ခတ်ရပါမယ်။ မျက်စဉ်းတွေထဲမှာ Neomycin, Norfloxacin, Ofloxacin စတဲ့ ပဋိဇီဝ ပိုးသတ်ဆေးတွေ ပါဝင်လို့ ဘက်တီးရီးယား ကြောင့်ဖြစ်တဲ့ မျက်စိနာရောဂါကို သိသာစွာ သက်သာ ပျောက်ကင်း စေပါတယ်။ နောက်ပြီး ဗိုင်းရပ်စ်ကြောင့် ဖြစ်တဲ့ မျက်စိနာ ရောဂါဟာ မျက်စဉ်းခတ်ဖို့ မလိုအပ်ပေမယ့် လက်နဲ့ ခဏခဏ ပွတ်မိရင် ဘက်တီးရီးယားက ဒုတိယမြောက် ဆင့်ပွား ကူးစက်ခြင်း (Secondary Infection) အနေနဲ့ ဝင်လာတတ် တာမို့
မျက်စဉ်း ခတ်ခြင်းကို မဖြစ်မနေ လုပ်ရပါမယ်။ ဒါ့အပြင် မျက်စဉ်းတွေထဲမှာ Dexamethasone ဆိုတဲ့ ရောင်ရမ်း ယားယံခြင်းကို သက်သာစေတဲ့ စတီးရွိုက်တစ်မျိုး ပါဝင်တာမို့ မျက်စဉ်းခတ် ပေးရင် ယားယံ ရောင်ရမ်းခြင်း တွေ သိသာစွာ သက်သာစေပြီး မြန်မြန် ပြန်ကောင်းစေ ပါတယ်။ မျက်စဉ်းမခတ်သူ တွေကတော့ ဒီအကျိုးမျိုးတွေ မရနိုင် တော့ဘူးပေါ့။
(၃) မျက်နှာသုတ်ပဝါ၊ နေကာ မျက်မှန် စတာတွေကို တစ်ယောက်တစ်ခု သီးသန့်သုံးပါ။ နေ့စဉ် လျှော်ဖွပ်ပါ။ အိပ်ရာခင်းနဲ့ ခေါင်းအုံးစွပ်ကိုလည်း သန့်ရှင်းအောင် အထူး ဂရုစိုက်ပေးပါ။
(၄) မြန်မြန် ပျောက်ချင်ရင် မျက်လုံး ကို ခဏခဏ ပွတ်ခြင်း လုံးဝရှောင်ကြဉ် ရပါမယ်။
(၅) မည်သည့် အရွက်ကိုမှ သတ္တုရည်ညှစ်၍ မျက်စဉ်းခတ်ခြင်း မလုပ်ပါနဲ့။ မြန်မာ့ တိုင်းရင်းဆေးလာ ဆေးနည်း တွေကို အထင်သေးလို့ ပြောတာ မဟုတ်ပါဘူး။ ဥပမာ-ကွမ်းရွက်ဆိုပါတော့။ ရေနဲ့ ဘယ်လောက်ဆေး ပါတယ် ပြောပြော မျက်နှာပြင်ပေါ်က ဘက်တီးရီးယားတွေ မပြောင်တာ အသေအချာပါပဲ။
နောက်ပြီး ယနေ့ခေတ်မှာ အရွက်ပေါ်မှာ ဖျန်းထားမယ့် ဓာတ်မြေဩဇာတွေ၊ ပိုးသတ်ဆေးတွေကိုပါ ထည့်တွက်ရမှာ ဖြစ်ပါတယ်။ အရွက်ကို ဆားနဲ့နယ်ကာ အရည်ညှစ်တဲ့ ကိစ္စကလည်း တကယ်ကို မလုပ်သင့်ပါဘူး။ ဆားက မသန့်ရင် အခန့်မသင့် မျက်လုံးကန်း သွားနိုင်ပါတယ်။ အချိန်တန်ရင် ပျောက်မယ့် မျက်စိနာ ရောဂါဟာ ဒါတွေကြောင့် ပိုကြာနေတတ်လို့ ရှောင်ကြဉ်သင့် ပါတယ်။
(၆) တတ်နိုင်သမျှ မျက်လုံးကို အနားပေးပါ။ အပြင်သွားရင် နေကာမျက်မှန် တပ်ပေးပါ။
(၇) မျက်စဉ်းကို မဖြစ်မနေ ခတ်သင့်တယ်လို့ ပြောခဲ့တဲ့အထဲမှာ အဆင်ပြေရာ ဘယ်မျက်စဉ်းမဆို ခတ်လို့ရပါ တယ်။ မျက်စဉ်းတွေရဲ့အပေါ်မှာ တစ်ရက်ကို သုံးကြိမ်လောက်ပဲ ခတ်ရမယ်လို့ ပြောထားပေမယ့် ဝေဒနာ ပြင်းထန်ရင် ပြင်းထန် သလောက် ၂ နာရီခြား တစ်ခါလောက် အထိ ခတ်နိုင်ပါတယ်။ ဘာအန္တရာယ်မှ ထွေထွေထူးထူး မရှိပါဘူး။ သန့်စင်တဲ့ မိခင်နို့ရည် ခတ်ခြင်းဟာ တကယ် ဘေးကင်း ထိရောက်တဲ့ ဆေးနည်းဖြစ်ပါတယ်။ ညှစ်ယူမယ့် နို့သီးခေါင်းရဲ့ ပြင်ပ သန့်ရှင်းရေးနဲ့ ခံယူမယ့်ခွက်တို့၊ ဇွန်းတို့ကတော့ အထူးသန့်နေဖို့ လိုပါတယ်။
(၈) နာကျင် ရောင်ရမ်း ယားယံခြင်း အရမ်းဆိုးရင် သက်သာအောင် အနွေးကပ်ခြင်း (Warm Compress) နဲ့ အအေးကပ်ခြင်း (Cold Compress) တို့ လုပ်ပေးနိုင် ပါတယ်။ သန့်စင်တဲ့ အဝတ်စ၊ ပတ်တီးစတစ်ခုကို ရေနွေးနွေး လေးမှာ စိမ်ပြီး မျက်လုံးအပေါ်ကနေ ကပ်ပေးတဲ့နည်းကို အနွေးကပ်ခြင်းလို့ခေါ်ပါတယ်။ ရေအေးအေးလေး မှာစိမ်ပြီး ကပ်တဲ့နည်းကတော့ အအေးကပ်ခြင်းပေါ့။ မျက်လုံး တစ်ဖက်ကို ငါးကြိမ်ကနေ ၁၀ ကြိမ် လောက် လုပ်ပေးရင် သိသာစွာ သက်သာစေပါတယ်။
(၉) ရောင်ရမ်း ယားယံခြင်းတွေ သက်သာအောင် Cetrizine, Fenofexadine စတဲ့ဆေးတွေ တစ်နေ့ နှစ်လုံးလောက် သောက်နိုင် ပါတယ်။ Cetrizine ထက် Fenofexadine က ပိုကောင်းတဲ့ အချက်ကတော့ အိပ်မငိုက်တာပါပဲ။
ဆက်ပိုင်လင်းခန့်(ဆေး၂ )
October 2010 The Voice Journal

မှကူးယူဖေါ်ပြထားပါသည်