အပိုင်း ၅
ထိုသို့အပျိုတသိုက် မင်သကျွန်ကလေးကိုဝိုင်းဝန်းနှိပ်နေစဉ်တွင် အိမ်ခေါင်းမင်း
နှင့်အိမ်ခေါင်းမင်းကတော်တို့ရောက်လာကြ၏၊ ကောင်းမြတ်တို့ခြောက်အိမ်စုကိုပိုင်
သောအိမ်ခေါင်လင်မယားတို့ဖြစ်သည်၊
မြခက်သည်သမင်မပျို၏မျက်လုံးဖြင့်ပြူးပြူပြာပြာအိမ်ခေါင်းကတော်ကိုကြည့်၏
ကောင်းမြတ်တယောက်ထောင်ပုဆိုးဖြင့်ဝဲမှောင်မှမင်ကြောင်ထိုးသည်ဟုစိန်သုံတို့ကျီ
စယ်စဉ်ကလည်းတတုန်မလှုတ်ခဲ့၊ကိုရင်ကြီးဆေးထ၍စုတ်ချက်ပြင်းပြင်းချလေအောင်
ငလုံးတို့ဒိုးပတ်ဝိုင်းကနိုးဆွပေးစဉ်ကလည်းမြခက်မတုန်လှုတ်၊အိမ်ခေါင်းမင်းလင်မ
ယား မှင်ကြောင်ထိုးသည့်နေရာသို့တခမ်းတနားလာရောက်ကြသည်ကိုတော့ တုန်မိ
တော့သည်၊
မြခက်တုန်လှုတ်မိသည်မှာအကြောင်းရှိသည်၊ယခုသုံးနှစ်အတွင်းဆေးမင်ထိုး
ပြီးအ၇ွယ်ရောက်သူတိုင်းကို အိုးစားဖွဲ့ခါအောင်တပ်အတော်အတွင်းသို့လိုက်ပါရန်နှစ်
စဉ်စုဆောင်းပေးခဲ့သည့်အတွက်ဖြစ်သည် ၊
မြခက်တုန်လှုတ်မိသည်မှာမှန်၏။ ယခုနှစ်အဖို့အောင်တပ်မတော်သာားများပိုမို
စုဆောင်းပေးရမည်ဟုအမိန့်ပါကြောင်အိမ်ခေါင်းကတော်ကြီးကပြောသည်ဆို၏၊အိမ်
ခေါင်းကတော်ကြီး၏လေသံသည်ထီးသံနန်းသံ မင်းစိုးရာဇာသံပါလှသည်၊
ထိုစဉ်မင်ကြောင်ထိုးသည်မှော်ရုံထဲမှ ဖြောင်းဖြောင်းမည်သောလက်ပန်းပေါင်း
ခတ်သံကိုကြားလိုက်ရသည်
” နှစ်သက်ဖွယ်ရာ -- နက်နဲစွာထူပါဘိ . ဂုဏ်ထူးဂုဏ် သခင်သည်မတုန်လှုတ်
တူစွာ့ရေသမုဒ်လား --- ”
” သမုဒ္ဒရာ လှုတ်ရှားလာ --သခင့်မှာ မလှုတ်ရှား--ထူးဘိလွန်ထူးခြား -ကောင်းမြတ်
ဒီယောက်ျား ”
၊အိမ်ခေါင်းကတော်ကြီး၏စကားသံထက်။မှင်ကြောင်မှလက်ပန်းပေက်ခတ်သံက
အပျိုကလေးတစုတို့ကိုပို၍ဆွဲဆောင်လိုက်သည်၊အပျိုတို့အားလုံးမှော်ရုံဘက်သို့
လှည့်ကြည့်လိုက်ကြသည် ၊
မှင်ကြောင်ထိုးပြီးမှော်ရုံမှထွက်လာသူတို့မှာ ပုံစံအမျိုးမျိုးရှိသည်။တချို့က၀ါးကပ်
ဖြင့်ထမ်းထုတ်လာရသူ ၊ သူငယ်ချင်းတယောက်ယောက်ကိုတွဲ၍ထွက်လာရသူ ၊ မိမိ
အလိုအလျောက်ထွက်နိုင်သူဟူ၍သုံးမျိုးရှိသည်၊ ကပ်ဖြင့်ထမ်းထုတ်ထွက်လာသူကိုအ
မြှောင်ထ ၊ ဟုခေါ်၍ အတွဲမပါ အကူမပါဘဲ ထွက်လာနိုင်သူကို အထီးထခေါ်သည် ၊
ဝဲမှောင်မှထွက်လာသူတို့သည်အမြှောင်ထနှင့် အထီး ထွက်နိုင်သူတို့သာကြတ္တီကာ
မြေလူးသည့်တန်ဆောင်မုန်းလ ကျီးမနိုးပွဲတွင် ဆေးထပ်ခွင့် ဆေးထိုးခွင့်ရှိသည် ၊သို့မ
ဟုတ်ပါက ဆေးထိုး ဆေးမထပ်ခွင့်မရှိ ၊
ထိုပြင်မှင်ကြောင်ထိုး၍ထွက်လာသူတိုင်းတင်းတိမ်အပြင်သို့ရောက်သောအခါ
လက်ပန်ပေါက်ခတ်ကြရသည် ၊ မိမိကိုယ်တိုင်မရပ်န်ိင်သူတို့ကအတွဲအထူဖြင့်ခတ်ရ၏
အနဲဆုံး ၃ ချက်ပြည့်အောင်ခတ်ရ၏ ။ အတွဲအထူနှင့်ခတ်သူကို အမြှောင်ခတ်ဟုခေါ်
သည်၊ မိမိတစ်ယောက်ထည်းထီးထီးထွက်လာနိုင်ပြီး မိမိဘာသာလက်ပန်းပေါင်းခတ်
သူကို ( အထီးခတ် ) ဟုခေါ်၏
ယခုလည်း လက်ပန်းပေါင်းခတ်သံကြားရသည်၊အမြှောင်ခတ်လား ထီးထီးခတ်
လား သိလိုကြသည်၊
ကောင်းမြတ်သည် အတွဲအမြောင်မပါ ဘဲ ထီးထီးထွက်၍ ထီးထီးခတ်နိုင်သူ
ဖြစ်သည် ၊ယောင်ကိုထ်ိပ်အလည်တည့်တည့်၌ထုံးထားလျက်ယောင်ပတ်လည်တွင်
ပန်းဖြူပန်းနီးထိုးထားပြီးသည် ၊ မင်ခံပုဆိုးခေါက်ကိုလက်ဝဲလက်ပေါ်တွင်တင်လျက်
ယက်ဖျင်သစ်တနံကိုခါးတင်ကျစ်ကျစ်ပါအောင်စည်းထားသောကောင်းမြတ်သည် ၊
သွန်းထားသောကြေးရုပ်ကြီးပမာခန့်ခန့်ထည်ထည်ရှိလှသည် ၊ တကိုယ်လုံးရှိကြွက်
သားမြှောင်ကြီးတို့တွင်မည်းနက်သောဆေးမင်ကြောင်းကွက်တို့ထင်းခနဲပေါ်နေပြီး
နီရဲနေသောအင်းကွက်တို့မှသွေးစိမ်းရွှင်ရွှင်ထွက်နေသည်၊ လက်ယာဘက်တွင်ပန်း
စည်းကိုကိုင်လျက်ကောင်းမြတ်သည်ဖြေးဖြေးချင်းထွက်လာသည် ၊
အပျိုလေးတို့သည်နံ့သာခွက်များကိုကိုင်လျက်ကောင်းမြတ်ကိုငေးကြည့်နေပြီး
တက်ကြွစိတ် ၊ အားရစိတ် ၊ ကြင်နာသောစိတ် ၊အားကိုးစိတ်များဖြင့် အပြုံးများဖြင့်ဆီး
ကြိုကြပြီး ကောင်းမြတ်၏ဒါဏ်ရာများကို သနပ်ခါးအမွှေးနံ့သာများဖြင့်ပွတ်လ်ိမ်းပေး
ကြသည် ၊ သနပ်ခါးနံ့သင်းသင်းနှင့်မွေးကြိုင်သောအပျိုကလေးများကနူးညံ့သော
လက်ဖ၀ါးများဖြင့်ဝိုင်းဝန်းလိမ်းကျံပေးခြင်းကိုခံရသောအခါကောင်းမြတ်၏တကိုယ်လုံး
သည်သွေးဖျဉ်းဖျဉ်းကြွအောင်လှုတ်ရှားလာ၏၊ အံကိုခဲထားရသည်၊ကောင်းမြတ်သာ
ဤသို့လှုတ်ရှားရသည်မဟုတ် အပျိုကလေးတွေကိုယ်၌လည်းသွေးဆူလှုတ်ရှားထကြွ
လာကြသည်၊မျက်နှာဆွေပူလျက်ရင်ထဲဖိုလာကြကုန်သည်၊ အကြင်နာပို၍အားကိုစရာ
ချည်းပါလားဟုတွေးထင်မလာကြသည် ၊
ယင်းသို့သောအချိန်မျိုးတွင်တဦးမျက်နှာတဦးကြည့်မိလိုက်တိုင်းရင်ထဲတွင်ဖိုကနဲဖြစ်မိခါမ
သိချင်ယောင်ပြုလျက်မျက်လုံးချင်းလွဲပစ်ကြလေ၏၊မိမိအဖြစ်ကိုဖုးဖိရန်အတွက်စိတ်လှုတ်ရှား
သောအသံဖြင့်စကားမရှိစကားရှာမေးမြန်းကြလေသည် ၊
” မင်ကြောင်ထိုးပြီးရင်တော့ဒွေးလေးတို့ကချက်ချင်းသင်္ကန်းဆီးပေးကြတော့မှာ
ဘဲ၊ ဘယ့်နှယ် ကိုရင်ကောင်းမြတ်ကြီးကောခွင့်တွေဘာတွေ တောင်းပြီး ပြီလား ”
ဟုတ်ပေသည် ရှေးကဆေးအင်းလိုက်စေရန်အတွက် အရွယ်ရောက်စဘို့ထချိန်
ယောက်ျားလေးများမင်ကြောင်ထိုးခွင်ရကြသည်၊မင်ကြောင်ထိုးပြီးလျှင်ချက်ချင်း
သင်္ကန်းဆီးပေးတက်ကြသည်၊သင်္ကန်းမဆီးဘဲအိမ်ထောင်ပြုမည်စိုးသောကြောင့်ဖြစ်
သည်ယခုမူမင်ကြောင်ထိုးပြီးနောက်စစ်သည်အဖြစ်လာကောက်တက်ကြသောကြောင့်
မြန်မြန်ရှင်ပြုပေးရန်ကပိုအရေးကြီးလာကြသည်၊
သင်္ကန်ဆီးမည်ဆိုလျှင်လည်းချစ်သူထံမှာခွင့်တောင်းရသည်မှာထုံးစံဖြစ်
သည် ၊
” ဘယ့်နှယ် ကိုရင်ကောင်းမြတ်ကြီးကောခွင့်တွေဘာတွေ တောင်းပြီး ပြီလား ”
ဟုမေးလိုက်သူမှာ မိပဲ နှင့် စိန်ရွက်တို့ဖြစ်သည် ။ မြခက်ကမူနီညိုညိုမျက်နှထားနှင့်
ကောင်းမြန်နှင့် မိပဲတို့ကိုအခဲခတ်ကြည့်နေ၏ ၊
မေးခွန်းမှာ တော့်မှာချစ်သူရှိသလား ချစ်သူကဘယ်သူလဲဟုမေးသည့်သဘော
သက်ရောက်သည် ၊
ကေင်းမြတ်က ” ကျုပ်ကိုမွေးသည့် အမိအပြင် ကျုပ်ခွင့်တောင်းစရာ နွဲဆိုး ဆိုး
စရာဆိုလို့ အမိတို့ ပဲ ရှိကြသပ ။ အမိတို့အပြင် ကျုပ်ကို ပိုင်ဆိုင်သည့်သူ အခြားဘဇာ
မှ မရှိရပါ ကလား ”
” အမယ်တော် ကိုရင့်မှာ နွဲ့ဆိုး ဆိုးစရာ ကိုရင့်ကိုပိုင်ဆိုင်ချင်သူတွေပုံနေတာ
တရွာလုံးသိပါ့တော် - တကယ်မရှိသေးပဆို ဆိုးချင်းနွဲ့ချင်သလောက်ဆိုးလှာချည့်စမ်း
ပါ့ ကျုပ် ရို့သည်းခံနိုင်ပါတယ် ၊ ”
မိပဲမှာ အသက်အငယ်ဆုံးနှင့် အကဲဆုံးအသွက်ဆုံးဖြစ်သည် မိမိစကားဘယ်
ရောက်လို့ရောက်သည်မသိ ” ယုံကမတိုး ပိုက်ကတိုး - ဒေါင်းကမတိုး ညွှတ်ကတိုး”
ဖြစ်နေသည်ကို သူမသိ ပြောချင်ရာပြောချလိုက်သည် ၊ပြီးတောမှ ရှက်ကိုးရှက်ကန်း
နှင့် ကောင်းမြတ်ကိုပြုံ၍ကြည့်နေ၏၊
ကောင်းမြတ်သည်ရှက်သွေးရောင်လွှမ်းနေသည့်မိပဲ၏ငယ်နုနုမျက်နှာကို
အမှတ်မထင်ကြည့်မိ၏၊တောက်ပရွှန်းစိုနေသောမိပဲ၏မျက်လုံးကိုမြင်လိုက်သောအခါ
ရုတ်တရက်အလွဲမလှောင်နိုင်ဖြစ်လျက်ရင်တွင်းမှခုလာသည်၊ သို့သော်ချက်ချင်းသတိ
ရလိုက်ပြီး မလုံသောမျက်လုံးများဖြင့်မြခက်ကိုအကဲခတ်လိုက်သည် ၊
မြခက်၏မျက်နှာသည်ခပ်စူစူဖြစ်နေ၏ ၊ မြခက်၏မျက်လုံးများကကျေနပ်ပုံမရ ၊
ကောင်းမြတ်သည် မသိယောက်ပြုလျက် လက်ထဲမှပန်းများကိုအားပေးကြ
သောအပျိုတို့အား လှမ်းပေးလိုက်သည် ၊ မိန်းမပျိုတို၏က တယောက်တပေါက်နောက်
ပြောင်နေကြလေ၏၊
ကာလသားသူငယ်ချင်းတို့က အတီးအမှုတ်အကအခုံများဖြင့် ကောင်းမြတ်ကို
အ်ိမ်သို့အရောက်လိုက်ပို့ကြသည်
အိမ်သို့ရောက်သောအခါ မိခင်က ဆီးကြို၍ ပရိတ်ရည်တိုက်သည်၊ ရောင်ကိုပရိတ်
ချည်တို့ဖြင့်ရစ်ဖွဲ့ပေးပြီး အသင့်ပြင်ထားသောအ်ိပ်ယာပေါ်သို့ခေါ်သွား၏၊
အိပ်ယာထက်သို့ရောက်သောအခါ မိမိကိုယ်တိုင်ပြောင်း ၊ ဆန် ၊ ကောက်ညှင်း ၊
တို့ဖြင့် ချက်၍ တံဆေးဖြင့်စိမ်ထားသောပြာလုံစိမ်ရည်တခွက်ကိုတိုက်သည် ၊
ထိုစိမ်ရည်သည် လယ်တောမှ တမောတပန်းပြန်လာသောလင်ယောက်ျားကိုဆီး
ကြိုိုတိုက်ရန်အတွက် မြန်မာအမျိုးသမီးများကိုယ်တိုင်မိမိတို့အိမ်တွင်ပြုလုပ်ထားလေ့ရှိ
သောစိမ်ရည်ဖြစ်သည်၊ယောက်ျားများက အရည်ကိုသောက်၍ အဖတ်ကို မိန်းနှင့်ကလေး
များစားလေ့ရှိသည် ၊ အပူကင်း၍လူဝသည်ဟုအယူရှိကြသည် ။
ကောင်းမြတ်သည် အမိလက်မှ စိမ်ရည်ခွက်ကိုလက်နှစ်ဖက်ဖြင့်ယူ၍ပါးစပ်နှင့်ပုဂံ
ကိုမခွါဘဲ ကုန်သည်အထိသောက်ချလိုက်သည် ၊ ကောင်းမြတ်၏ရင်ထဲတွင်ပူသလိုလိုဖြစ်
ပြီး မျက်လုံးတို့ရီဝေေ၀ဖြစ်လာခါ ငှက်ပြောရွက်အထပ်ထပ်ခင်းထားသောအိမ်ယာပေါ်သို့
ကိုယ်ကို ဖြေးညှင်းစွာလဲလျှောင်းချလိုက်လေတော့သည် ၊
===========********============
( ဤသည်ကားရှေးယခင်ကမြန်မာလူပျိုကာလသားကလေးများ နွားကလေးများ
နွားသိုးဖြစ်စ ဘို့ထချိန် နွားမနောက်သို့လိုက်စပြုချိန် ကြီးကောင်ဝင်ခါစတွင်မင်ကြောင်ထိုး
ကြရသည်၊ရှင်ပြုခြင်းပြုကြရသည်၊ အရွယ်အရောက်မီမပြုလုပ်ကြရ ၊ ဆေးမလိုက်သင်္ကန်း
မနိုင်ဟုဆိုကြ၏၊
နှောင်းခောတ်သို့ရောက်သောအခါနာကျင်ရကောင်းမှန်းမသိသေးသောခလေးအ
ရွယ်တွင်မင်ကြောင်ထိုးခြင်း ၊ မိဘအဘိုးအဘွားတို့ စောစောသင်္ကန်းဆီးတာကိုမြင်သွား
စေရန်အတွက်၎င်း ၊ စောစောရှင်ပြုခြင်းကိုပြုလုပ်ကြ၏၊ မိန်းခလေးငယ်များလည်း ပေါင်
တင်ပါး ၊ ခါး ၊ ပုခုံး ၊ လက်ပြင် ၊ လက်မောင်းတို့တွင် ၊ ကြက်ရုပ် ၊ ငှက်ရုပ် ၊ ဟင်္သာရုပ် ၊
တို့ကို ငယ်ငယ်ရွယ်ရွယ်နာကျင်မှန်းမသိခင်တွင်ထိုးတက်ကြသည် )
မောင်သုည
နှောင်းခောတ်ကြေးမုံ
မြန်မာ့မူမြန်မာ့ဓလေ့ကလေးများဆက်ရန်ရှိပါသေးသည်
No comments:
Post a Comment