အခန်း ၂
အောက်ပြည်အောက်ရွာတွင် ဖုံးတုံးလုံးတုံးတန်ဆောင်မုန်းအချိန်တွင် အထက်
အညာရှိ ကောင်းမြတ်တို့ စံတုတ်ကြီးတို့ညောင်သာယာရွာကလေး၌ခြေခင်းလက်သာ
ယာခြောက်သွေ့လှလေပြီ၊ ညအခါ၌ကြယ်တာရာတို့သူထက်ငါအပြိုင်ဝင်းပထွန်း
လင်းနေကြသဖြင့်ကြယ်အလှပြိုင်ပွဲကြီးပြုလုပ်နေသကဲ့သို့ထင်ရ၏၊ထိုကာလသည်
ကြတ္တိကာနက္ခစန်းနှင့်ယှဉ်သောကြောင့် ဆေးပေါင်းခသည်လ အဟန့် မှင် ၊ မှောင် ၊ သျှို ၊ သျှိမ်း
တို့ပြီးစီးသည်ဟုယုံကြည်ကြသည်၊
” ကွယ်လေးရဲ့ မှင်ကြောင် ဘယ်မှောင်မှာ ဘယ်ပေါင်စထိုး အေးနဂလိမ် -
ပုသိမ်ခင်းလို့ - ဖျင်ဖြူနီ ပွဲစုံကျင်းတယ် - မှောင်တွင်းညာရင်း ကထိုး -- ”
ရွာလမ်းမပေါ်တွင် မကြီးလေးဘုံ - မယ်လေးနုနှင့် ရွာထဲမှအပျိုလေးတသိုက်
သီချင်းကျော်ကျော်နှင့် ရွာမြောက်ဖျားဆီသို့သွားနေကြသည်၊သူတို့လက်ထဲတွင် ရေ
ချမ်းအိုးများ ၊ ကွမ်းအစ်များ ၊ သနပ်ခါးကျောက်ပျဉ်နှင့် နံ့သာတုံးများ ၊ နံသာခွက်များ
လက်ဖက်အစ်များ ၊ ဆီမီးခွက် ဆီမီးတိုင်နှင့် တံခွန်ကုက္ကားတိုင်များ ၊ ပုခုံးပေါ်၌ပုဆိုး
ရှည်များ ၊ တင်းတိမ်များ ၊ ရက်ပြီးစ တဘက်များ စသည်တို့ပါ၏ ၊
ရွာအပျိုကလေးများ ဤသို့ ပန်း ရေအိုး ဆီးမီး ၊ အမွှေးနံ့သာ သွေးရန်ကျောက်
ပျဉ် ၊ တံခွန်ကုက္ကားတို့ ယူပြီးစုရုံးသွားကြသည်ဆိုလျှင် ရွာမှကာလသားပေါက်ကလေး
များ နေ့ကောင်းရက်သာရွေးပြီးပြုလုပ်ကြသည့် မှင်ကြောင် ထိုးပွဲရှိတက်စမြဲဖြစ်သည်၊
ယောက်ျားပျိုကလေးများမှင်ကြောင်ထိုးသည်ကိုရွာအပျိူကလေးများကစိတ်ဝင်စားကြသည်
လာရောက်အားပေးကြသည်၊့ဤ သို့မှင်ကြောင်ထိုးပြီးမှတန်းတူရောနှော
နေနိုင်သည်မဟုတ်ပါလား ၊
မိန်းခလေတို့နှင့်အတူအပျိုခေါင်းကြီးများတို့သည် ၊ ယောက်ျားကလေးများမှင်
မှင်ကြောင်ထိုးသည့်နေရာနှင့် မနီးမဝေးအရိပ်ကောင်းကောင်းသစ်ပင်ရိပ်တွင်နေရာယူ
၍ဆေးမှင်ကြောင်းထိုးနေသည့်အသံကိုနားထောင်လေ့ရှိသည်၊
အပျိူလေးတို့ယူလာသော ပန်းများဆီမီးများ ၊ နံသာခွက်များ ၊ ကို မှင်ကြောင်မ
ထိုးရသေး ချစ်သူရီးစားမရှိသေးသော ကြီးကောင်ငင်စ ကာလသားပေါက်ကလေးများ
ကလာရောက်ယူ၍ အတွင်းသို့ပို့ပေးရသည်၊ထိုကာလသားပေါက်စကလေးများကို မင်
သကျွန် ( မင်သေ့ကျွန် ) ဟုခေါ်သည်။
အပျိုကလေးတို့သည် မင်သကျွန်ကလေးတို့အား မည်သည့်ကိုလူပျို မှင်ကြောင်
အထိုးခံနေပြီ၊ မည်သူက နံ့သာခွက်ပေးလိုက်သည် ၊ မည်သူက ကွမ်းယာနှင့်ကွမ်းသီး
လုံးများပေးလိုက်သည်၊မည်သူသည်မှင်ကြောင်ထိုးသည့်အချိန်တွင် နားရွက်တွင်ပန်း
ပန်ရန် နမ်းရန်မည်သူပေးလိုက်သည်၊ ထို့အပြင် မှင်ကြောင်ထိုးသည့်အခါအော်သလား
မအော်ဘူးလား ၊ အော်လျှင်မည်သူ့ကို တ သလဲ ၊ အံကြိတ်သောအခါဘီလူးရုပ်ကြီးလို
နေသလားစသဖြင့်မေးကြရသည်၊
အပျိုတွေဘက်ကလာရောက်အားပေးကြသလိုလူပျိုတွေဘက်ကလည်း ကာလ
သားကြီးများကိုယ်တိုင် ကျားညီနောင် ကြောင်အတက်အဆင်း နှင့် ဂ၀ံရုပ် ၊ ၀က်ကုန်း
ရုပ်စသည်တို့ကို ဆေးမှင်တပ်လျက်ရောနှောသိဒ္ဓတင်ခြင်းမျိုးပြုလုပ်ကြသည်၊
ဆေးမှင်ကြောင်ထိုးမည့်နေရာသည်သတ်မှတ်ထားသောဆေးမှင်ကြောင်းထိုးရ
မည့်နေရာတ၀ိုက်မြေသလင်းသည်မန္တာန်ကျူးရင့်ပြီးသား ၊ ပရ်ိတ်ရေဖြန်းပြီးသား ၊ ဆံ
မန်းပေါက်ပေါက်ကြဲပြီးသားဖြစ်ရသည်၊ဘေးပတ်လည်တွင်ရာဇမတ်ကာပြီးအတွင်း၌
ပရိတ်သဲဖြူခင်းထားရသည်၊ဒေါင့်လေးထောင့်၌ငှက်ပြောပင်များစိုက်ပြီး၊ တနင်္ဂနွေ၊
တနင်္လာ ၊ အင်္ဂါ ၊ ဗုဒ္ဓဟူး စနေ ၊ ကြာသာပတေး ၊ရာဟု ၊ သောကြာ ၊ စသည့်ဂြိုလ်ကြီး
ရှစ်လုံး၏နံသင့်ဖြစ်သော အုန်း ၊ ဂန့်ဂေါ် ၊ ဇီး ။ ၀ါး ၊ ဒန်း ၊ ပေါက် ၊ ရှား ၊ သီး ။ စသော
အပင်များမှ အညွှန်များကို အမိုးပတ်လည်၌ပန်းများကဲ့သို့ချိတ်ဆွဲထားရသည်၊အမိုးအ
တွက်ကမူ ၊ ဗေဒင်ဟောထွက်သည့်နေ့နံရှိသောအပျိုမတယောက်ထည်းအပြီးအစီး
ရက်လုပ်သည့်ဖျင်ဖြူကိုဖြန့်ကြက်မိုးထားရသည်၊ထိုဖျင်ဖြူတွင်ပထမံစမရုပ်များ၊အင်း
များကိုဟသာင်္ပြဒါးဖြင့်ရေး၍စီရင်ထားရသည်၊
ပတ်ပတ်လည်၌လည်းနေသင့်နံသင့်အပျိုကလေးများသာရက်လုပ်သည့်တင်း
တိမ်စောင်များကိုပရိတ်ချည်များဖြင့်တွယ်၍ခြင်ထောင်ကဲ့သို့လေးဘက်ချကာရံထား
သည်၊အတွင်းရှိသဲဖြူကွင်းသည်ပရိတ်ရည်ရွဲရွဲဖြန်းထားသောကြောင့်သိပ်သည်းကျစ်
၍မာနေသည်၊ထိုသဲဖြူပေါ်တွင်ဆီမန်းဖြင့်သုတ်လိမ်းထားသော ငှက်ပြောဖက်များကို
ထူထူခင်းထားရသည်၊
ခေါင်းရင်းဘတ်တွင်သစ်မင်းဝါးမင်းတို့ကိုတိုင်ပြု၍စိုက်ထူထားသောစင်ငယ်တခု
ရှိသည်၊ထိုစင်ပေါ်တွင်ဗုဒ္ဓရုပ်ပွါးတဆူ၊ ဂုဏ်တော်ပုတီးများ၊ ဆေးမျိုးစုံနှင့်၊ မှင်ထိုးမည်
စုတ်တံများရှိသည် ၊
ဆေးစင်၏အောက် တထောင့်ထွာအကွာတွင် ခုနှစ်နေ့သမီးအပျိုစင်တို့ထံမှ
တောင်ယူထားသောချည်မျှင်ဖြင့်ကျစ်လုပ်ထားသည့်လွန်းတင်ကြိုးကိုဆေးစင်တိုင်၌
တန်းထားသည် ၊ထိုကြိုးတန်းရှေ့တထွာခန့်အနိမ့်တွင်စင်ငယ်တခုရှိသည်၊ထိုစင်ပေါ်
တွင်အန်းသီစိမ်းကြွက်မြှီးတန်းနှင့်ငှက်ပြောသီးဖီးဆိုင်ဝိုင်းရံထားသောဖျင်ဖြူဖျင်နီတို့
ပါသည့်ကန်တော့ပွဲငါးပွဲတွင်ဆီမီးများထွန်းထားသည်၊
ဆေးမှင်ထိုးမည့်ကာလသားသည်ရေမိုးသန့်စင်ပြီးနောက်ခေါင်းဖီးထားရသည်၊
ပုဆိုးသစ်ဆီးထားရသည်၊ထို့နောက်အချိန်အခါဖ၀ါးကိုစောင့်ရသည်၊အခါရောက်သည်
နှင့်အပျိုကလေးများပေးသည့်ပန်းကိုပန်လျက်တင်းတိမ်များကာထားသည့်ဆေးမှောင်
ခန်းတွင်းသို့ဝင်ရသည်၊မှောင်ခန်းတွင်းတွင်ဝဲပေါက်ယာပေါက်ဟူ၍ နှစ်ပေါက်ရှိသည်၊
ယာပေါက်က၀င်သူကိုယာမှောင်ဟုခေါ်သည်ဆေးမှင်အကျအနမပါ၊အလှအပ
မြင်ရုံသာထိုးခြင်းဖြစ်သည်၊ဦးစီးမှင်ကြောင်ဆရာကဆေးပါသည့်မှင်သေ့ကွက်ငါးကွက်
သို့မဟုတ်ကိုးကွက်ထိုးပေးပြီးလျှင်ကျန်မှင်ကြောင်ကွက်များကို လက်ထောက်တပည့်
နှစ်ယာက်တို့က တပြိုင်နက်ဝိုင်းဖြည့်ထိုးပေးရသည်၊ထိုသူနှစ်ယောက်ညောင်းလျှင်
နောက်နှစ်ယောက်ကဆက်ထိုးပေးရသည်၊လူတယောက်အတွက် တနာရီ ၊ နှစ်နာရီ
အတွင်းပြီးစီးနိုင်သည်၊
ဝဲပေါက်က၀င်သူကို ၀ဲမှောင်ဟုခေါ်သည်၊၀ဲမှောင်ထိုးသူသည်သာလျှင်အမှန်တ
ကယ်မှင်ကြောင်ထိုးရာရောက်သည်၊ယာမှောင်ထိုးသူကဲ့သို့တပည့်များကမထိုးရ ၊ တ
ပြိုင်ထဲနှစ်ယောက်မထိုးရ၊ မင်ကွက်များကိုအစီအစဉ်အတိုင်းဟင်္သာပြဒါးဖြင့်သတ်မှတ်
ထားသည့်နေရာတို့၌သာလှည့်ပတ်ထိုးရသည်၊တဖက်တဖက်တွင်တပြင်တည်းပြည့်
အောင်မထိုးရဆေးထိုးစဉ်မန္တန်ကျးရ၏၊မန္တန်စတိုင်းစတိုင်း ဇီဝဗြဟ္မာကြီး၏မုခပဌ် အုံ
ကိုခံ၍ရွက်ရသည်၊မှင်သေ့ကွက်တိုင်းတွင်ဆေးအင်းမန္တန်ပါရသည့်ထိုးခြင်းမျိးဖြင့်ထိုးရ၊
သည်၊၀ဲမှောင်ထိုးသူသည် အမြန်ဆုံးနေ့ဝက်ကျော်ကြာတတ်သည်၊နက္ခမတိုက်သည့်
အခါနှင့်မကြုံအောင်ရှောင်ရသည်၊မည်သည့်အချိန်မည်သည့်နက္ခ၌မည်သည့်ဆေးမှင်
ကွက်ကိုထိုးနှံရမည်ကိုတိတိကျကျသတ်မှတ်ချက်ရှိသည်ဆေးမှင်ကြောင်ထိုးမည့်သူ၊
အများအပြားရှိနေလျှင်ဝဲမှောင်မှဝင်လာသူကိုဦးစားပေးရသည်ယာမှောင်ထိုးနေသူကို
အပိုင်းတန်းလန်းနှင့်ရပ်ထားနိုင်သည်၊
ဝဲမှောင်မှဝင်လာသူကိုလက်ထောက်ဆရာတို့ကပရိတ်ဆီမန်းမထိရသေးသော
ငှက်ပြောရွက်များခင်းပြီးအပျိုများပေးထားသည့် နဂါးလိမ်များ၊ကြိုးကြီးချိတ်များပိုး
ထည်ချည်ထည်များခင်းပေးပြီးထိုင်စေရမည်၊ဆေးထိုးမည့်အကိုကာလသားသည်၊ထို
အခင်းပေါ်တွင်ငြိမ်သက်စွာထိုင်ပြီးဆေးစင်ကိုထိခြင်းကြီးငါးပါးနှင့်ကန်တော့၇သည်၊
တည်တည်ငြိမ်ငြိမ်နေ၍စကားမပြောရ၊ထို့နောက်ငါးပါးသီလခံယူရသည်၊ပြီးလျှင်ဆေး
ထိုးရန်အတွက်ပုဆိုးကိုချွတ်၍ကြိုးတန်းပေါ်သို့ရိုသေစွာတင်ရသည်၊ယင်းပုဆိုး
ကိုမင်ခံပုဆိုးဟုခေါ်သည်၊အသက်ထက်ဆုံးသိမ်းထားရသည်၊မှင်ခံပုဆိုးကိုအမိ ၊ အမ
သို့မဟုတ် ချစ်သူတို့ကရက်လုပ်ပေးကြလေ့ရှိရာ၊အမိ အမ တို့ကရက်လုပ်ပေးသောပု
ဆိုးကို ရာပုဆိုးဟုခေါ်၍ချစ်သူကရက်လုပ်ပေးသောပုဆိုးကို ထောင်ပုဆိုးဟုခေါ်သည်
ထိုပုဆိုးသည်အိမ်ထောင်ပြုရာတွင်အရေးကြီးသည်၊
ထောင်ပုဆိုးရက်လုပ်ပေးခွင့်ရသည့်မိန်းခလေးသည်မိမိအားတသက်လုံးစောင့်
ရှောက်ပေးမည့်မောင်ကျွန်တယောက်ရပြီဟုစွဲမှတ်နိုင်သည်၊မှင်ခံထောင်ပုဆိုးဆီးသူ
နှင့်အကြောင်းမဆုံစည်းစေကာမူမောင်ကျွန်ဖြစ်သဖြင့်စိတ်ချလက်ချခိုင်းစေနိုင်သည်၊
စ်ိတ်ဆိုးနိုင်သည်၊စိတ်ကောက်နိုင်သည် ၊ ထုရိုက်နိုင်သည်၊အကြောင်းတမျိုးမျိုးကြောင့်
တရားစွဲလျှင့် ကျမမောင်ကျွန်ပါဟုပြောလျှင်တရားရုံးက ထိုမိန်းခလေးကိုအနိုင်ပေးရ
သည်၊ သိပ်မနိုင်ပါနှင့်ဟု တောင်းပန်းပေးရသည်၊ ထို့ကြောင့် မှင်ကြောင်ထိုးရာတွင်
မှင်ခံပုဆိုးကိုမည်သူရက်လုပ်ပေးသလဲ ၊ ဆိုသည်မှာ အပျိုမလေးတို့အထူးသိရန်လို
သည်၊ထောင်ပိုးဖြင့်ဆေးထိုးသူကို အထူးသတိထား၍ယူရသည် ၊
အိမ်ထောင်ပြုပြီးသည့်အခါ ညည်းယောက်ျား သူ့မောင်ကျွန်ဖြစ်နေမှန်းသိလျက်
နဲ့အစကဘာကြောင့်ယူသလဲ ဟူအပြစ်တင်ခံရတတ်သည်၊ ထို့ကြောင့်မှင်ခံထောင်ပု
ဆိုးဝတ်န်ိင်သူမှာရှာမှရှားသည်၊
ဝဲမှောင်တွင်မင်ကြောင်ထိုးခံမည့်သူသည် မင်ခံပုဆိုးကိုတန်းပေါ်တင်ပြီးနောက်
လုံးတီးဖြစ်သောကိုယ်ဖြင့်မှင်သေ့ဆရာကို ကန်တော့ရသည် ၊ထို့နောက်မတပ်ရပ်ခြေ
ထောက်ကိုချဲပြီး ၊ သုံးလေးပတ်လှည့်၍ကိုယ်ကိုအစစ်ဆေးခံရသည်၊
မှင်ကြောင်ထိုးမည်သူသည် အနာကြီးစသော ပွေးကြီး ၊ ၀ဲကြီး ၊အိုင်းအနာ
စသောရောဂါများရှိမရှိ ၊ နပုံးပဏ္ဍုတ် ၊ မိန်းမလောင်း ယောက်ျာလောင်း မဟုတ်
ယောက်ျးစစ်ဖြစ်၏လောဟု လက်ထောက်ဆရာတို့က သုံးကြိမ်စစ်ဆေးမေးမြန်းခြင်း
ခံရသည်၊ ဤသို့သုံးကြိမ်မေးပြီးလျှင် နံ့သာခွက်ကိုမန္တန်စုပ်ပြီးဆေးစင်ပေါ်သို့၎င်းကန်
တော့ပွဲများဆီသို့၎င်းဂဠုန်လက်သဲပန်းခက်ဖြင့် ပက်ဖြန်းရသည်၊ဆံပင်ထဲသို့ပင်ဖြန်း ပေးရသည်ကျန်သောဆေးနံ့သာများဖြင့်ဆေးမှင်ကြောင်ထိုးမည့်ကိုတကိုယ်လုံးလိမ်း
ပေးရသည် ၊ မင်ကြောင်ထိုးမည့်သည်ဆေးနံ့သာတို့ဖြင့်ဖြန်းထားသောအခင်းပေါ်တွင်လဲ
လျောင်းနေရသည် ။ ဆေးမင်ထိုးမည်သူကိုချုပ်ကိုင်ပေးမည့်သူ ၄ ယောက်
ရှိရသည် ၊ ထိုသူတို့သည် မှင်ကြောင်ထိုးမည့်သူနှင့် နေ့သင့်နံသင်သူများဖြစ်ရသည်
ပဆိုးအသစ်များဝတ်ထားကြရသည် ၊
မင်သေ့ဆရာသည် ၊ ဆေးမှင်ထိုးသူ၏ခန္ဓာကိုယ်တွင် သတ်မှတ်ထားသောနေ
ရာတို့တွင် ဂြိုလ်ကြီးရှစ်လုံးပုံ ၊ ဂုမ္ဘဏ်ရုပ် ၊ ဇော်ရုပ် ၊ ဂ၀ံရုပ် ၊ ၀က်ကုန်းရုပ် ၊ ကြောင်
ရုပ် ( ကြောင်ကို ပေါင်တွင်ထိုးပေးလေ့ရှိသည် ) စသည်တို့ကို ဆရာကထိုးပေးပြီးမှ
ကျန်သောအဖြည့်ခံရုပ်များကို လက်ထောက်ဆရာများကိုထိုးခိုင်းသည် ၊
ဆေးထိုးရာတွင် ခန္ဓာကိုယ်အထက်ပိုင်းမှစပြီး ခါး ကိုပတ်၍ ပေါင် ဒူးခေါင်း
သို့တဆင့်ဆီထိုးပေးရသည် ၊ ဆေးနီကိုဦးစွာ ထိုးပြီး မှ ဆေးနက်ကိုနောက်မှထိုးရ
သည် ၊ ဆေးနီးထိုးသည့်စုတ်ဖြင့် ဆေးနက်ကို မထိုးရ ၊
ဤသို့ ကာလသားတယောက်ဆေးမင်ထိုးနေစဉ်တွင် အနိးအနားမှ သတင်း
နားထောင်နေသော အပျို လူအပျိုဝိုင်းတို့မှ ပုလွေ ဒိုးပတ် အိုးစည်သံများ တီးမှုတ်
၍ မင်ကြောင်ထိုးသူကိုအားပေးနေကြသည် ၊ ဒိုးပတ်ဝိုင်းသားများကို အပျိူတွေက
ကွမ်းဆေးလဘက်များပေး၍ လိုရာကိုတီးခိုင်းကြသည် ၊
အတွင်းမှ မှင်ကြောင်ထိုးသူ စုတ်ထိုးသံ ၊ အံကြိတ်သံ အော်သံ ညည်းသံကို
ကြားလျှင် မျောက်မင်းအူးသံ ၊ ငိုချင်းသံ တို့ကိုတီးခိုင်းသည် ၊ ကိုယ်ချစ်သူ သက်သာ
စေရန် အားပေးသောအသံတို့ကို အပျိုလေးက ကွမ်းဆေး၍တီးခိုင်းရသည် ၊
ဆေးထိုးဆရာသည် တခါတရံဆေးထိုးရင်းဆေးစီးလာသဖြင့် အသက်ရှူပြင်း
ပြင်းလာပြီး စုတ်ချက်နာနာထိုးသည် ၊ စုတ်သံကို စပါးလုံးတထောက်ခန့်ဝင်အောင်
ထိုးလာသည် ၊ ထိုအခါ အောက်မှ ဆေးထိုးခံသူသည် ကွမ်းသီးလုံးများကိုထောင်းကနဲ
ထောင်ကနဲမြည်အာင်ကြိတ်လေတောသည် ၊ သွေးများစီးကျလာလေ ဆရာစ်ိတ်ကြွ
လေဖြစ်သည် ၊
ထိုအခါ အပျိုတွေရှိရာသို့ မင်သကျွန်ကလေးများရောက်လာပြိး ။
” ဆရာဆေးစီးလာလို့ ကိုရင်တော့ ကွမ်းသီးမာမာကြီးတွေထောင်းကနဲထောင်း
ကနဲ မြည်အောင်ကိုက်နေလေရဲ့ ကွမ်းသီးလုံးမာမာလေးတွေပေးကြပါအုံး “ဟု
လာတောင်းတက်ကြသည် ၊ ဤသို့သတင်းမျိုးကြားရသောအခါပျော်တက်သော
အပျိုကြီးများကဆိုင်းအဖွဲ့အားဗိန်းဗောင်းအတီးခိုင်းတက်ကြသည် ၊ ဆေးမှင်ထိုးဆရာ
သည် ဗိန်းဗောင်းသံကြားလေ စုတ်ချက်နာနာထိုးလေမို့  ၊ အောက်မှ ဆေးမှင်ထိုးခံသူ
သည် သတိများပင်လွတ်အောင်ပိုမိုးပြင်းထန်စွာဆေးထိုးနှံခံရတတ်လေသည် ၊
ဆေးမှင်ကြောင်ထိုးနေသူ၏ချစ်သူရီးစားက တီးဝိုင်းဆရာတို့ကို ကွမ်းဆေးပေး
၍ အတီးလျော့ခိုင်းလေ့ရှိသည် ၊
ကောင်းမြတ်သည် ၀ဲမှောင်မှဝင်၍ှမှင်ကြောင်ထိုးသည်ကို မြခက်သိပြီးဖြစ်သည်
သို့သော် ကောင်းမြတ်၏ မှင်ခံပုဆိုကိုသိ လိုသည် ထောင်ပုဆိုး လား ရာပုဆိုးလား
စိန်သုံ နှင့် အေးသာတို့က မြခက်စိတ်တွင် ပသို့ရှိမည်ကို ရ်ိတ်စားမိနေကြသည်
ကိုကလားသာတို့က မြခက်စိတ်ကို ဆွပေးသလို ဖြစ်ရန် ဗုံရှည်သံဟစ်လိုက်ကြသည်
အမိလေးလဲ ချစ်လိုဗျာ -- အဖလေးလဲချစ်လို့ဗျာ
ဖမိအပြင် မယ့်ကိုအစစ်-- ချစ်ပါရဲ့ ဗျာ တဲ့ လေး -- လေး
စကားရယ်ဝါ - စကားရယ်ဝါ - မင်သေ့ဆရာလာခါမှ
ကိုလူညာ ထောင်ပုဆိုး နဲ့ မျိုးဇာတ်ပေါ်လာသလေ့
ထောင်ပုဆိုးပေလော့ ရာပုဆိုးပေလော့
စိုးရွံမေးမိပါ -- ချစ်စိတ်ဖြင့်နာသလေ့တော့် - ပြုရက်လေသာ
မောင့် ကိုယ်မှာထောင်ပုဆိုးနှင့် ၀ဲမှောင်မှာထိုး သလေ့ တော်း---
ကွယ်လေးရဲ့မှင်ကြောင် -- ဘယ်မှောင်မှာ ထိုးထိုး
တော့် မှင်ခံ ထောင်ပုဆိုးကြောင့် မယ့်ရွေရင်ကျိုး ---
စိန်သုံ ၊ အေးသာ တို့ ၏ တေးသံသည် ခရေပင် တို့ကို ဘောင်ပင်ရိုက်ခတ်
လျက်မြောက်ကျောင်းဝင်းတခုလုံးဖုံးလွမ်းသွားပြိး ကောင်းကင်သို့ပျံတက်သွားသလား
ထင်ရသည် ၊ သို့သော် မြခက်၏စိတ်သို့ မည်သို့မှ မထိခိုက် ဒေါ်လေးနူက မြခက်
နား သို့ တိုးတိုးလေးကပ်ပြီး ကောင်းမြတ်၏မင်ခံပုဆိုး မှာ အမိကိုယ်တိုင်ရက်လုပ်ပေး
တာဖြစ်ကြောင်းပြောထားပြိး ဖြစ်သည် ၊ မြခက်က တကယ့်အပျိုကြိးတယောက်လို
တည်တည်ငြိမ်ငြိမ်ရှိနေသောအခါ စရကျိုးမနပ်ဘဲ ရှိနေသဖြင့် မြစိန်နှင့်စိန်ပွင့်
တို့ကိုအကူအညီတောင်းကြ၇သည် ၊ မြစိန် နှင့် စိန်ပွင့်တို့မှာ အပျိုဟိုင်းကြီးများဖြစ်သ
ဖြင့် မင့်သကျွန်ကလေးများကို အမျိုးမျိုးညှင်းပန်းနှိပ်စက်ပြီးမေးမြန်လေ့ရှိကြသည် ၊
မင့်သကျွန် ကလေးတယောက်ကိုမေးလေတော့သည် ၊
” ဟဲ့ ဟဲ့ နေအုံး ငါမေးမယ် ကိုယ်လူပျို ပုဆိုးတန်းတင်ပြီးတော့နင်ဘယ်လိုမြင်
သလဲ ပြောစမ်း ” ၀၀ တုတ်တုန်ကြီးလား ပိန်ပန်ရှည်ရှည်လား ၊ ဖြူသလားမဲသလား ”
မင်သကျွန်ကလေးများက မျက်နှာစပ်ဖြဲဖြဲနှင့် ဘာဖြေရမှန်းမသိဘဲ ရှက်သလို
လိုလိုလုပ်နေလျှင် အအော် အငေါက်ခံရတက်သည် ၊
” ဟဲ့ ဘာရယ်ဖြဲ ဖြဲလုပ်နေတာလဲ မေးတာပြောလေ ”
” ဟာဗျာ ခင်ဗျားကြီးတို့ကလဲ ရှက်သရာကြီး ”
” အောင်မယ် - ရှက်သရာကြီးဆိုတဲ့ကောင် ပုဆိုဆွဲချွတ်လိုက်ကြစမ်း နင်မပြော
ဝံ့ရင်ဘောက်မဲ့ မင်သကျွန်လုပ်နေသေးတုံး ”
အပျိုတွေက ၀ိုင်းပြီး ပုဆိုးချွတ်မည်ပြုကြ၏ ၊ ထိုအခါကြီးကောင်ဝင်နေဆဲ နို့စူစူ
အကောင်အကောင်ပေါက်စလေးများဖြစ်သောမင်သကျွန်လေးသည် ထိတ်လန့်တုန်
လှုတ်လျက် ပုဆိုးကိုကျစ်ကျစ်ပါအောင်ပြန်ဆွဲထားလိုက်ပြီး --
” ခင်ဗျားကြီတို့ကလဲဗျာ ရှက်သရာကြီးဆိုမှ - ရှည်ရှည်၀၀ကြီးဗျာ ”
” အဲ - ငါရိုလဲ အထင်သားဘဲ ကဲ ”
နီးရာ အပျိုက မှင်ကြောင်အထိုးခံနေရသူ ၏ရည်းစားကိုလှမ်းတွန်းလိုက်သည် ၊
ကျန်အပျိုများက ၀ါးကနဲပွဲကျသွားကြသည် ၊
” ဟဲ့ နင်ကဘာကိုပြော သာတုန်း ဒို့က အလုံးအရပ်ကိုမေးသာ ဟဲ့ ”
မင်သကျွန်လေးက ရယ်တောမလို မျက်နှာပျက်သလိုလို နှင့် မျက်စိသငယ်နှင့်
အဖြေခက်နေစဉ် တယောက်က ၀င်၍
” ညည်း ကလဲအေ သူကလဲ အလုံးနဲ့အရပ်ကိုပြောတာပါအေ မဟုတ်လားဟေ”
ဤတွင် အဖြေရခက်နေသောမင်းသကျွန်ကလေးက ရောယောင် နှင့် ခေါင်း
ညိတ်လိုက်သည် ။
” ဘဇာ အလုံး အရပ်လဲ ဘဇာအလုံးအရပ်လဲ - ငါရို့မေးသာက လူလုံးလူဖန်
ကိုနေအရပ်အမောင်းကိုမေးတာ နင် မင်သကျွန်လုပ်ပြိးနင်ဒီလောက်မှနားရှင်းအောင်
မပြောတက်ဘူးလား -နင်ကိုယ်တိုင်ပုဆိုးချွတ်ပြီး ဘယ်ကြိုးတန်းပေါ်တင်လိုက်
တယ်ဆိုတာအခုလုပ်ပြ ငါရို့ နင်မြင်ရသလိုမြင်ရအောင်ကြည့်မယ် ”
ခက်ချေပြီ ---၊
မင်သကျွန်လုပ်မည့်သူသည်ဤအဖြစ်မျိုးနှင့်တွေ့ကြုံကြ၇၏၊ ရှက်တက်ကြောက်
တက်နေ၍မဖြစ် ခပ်၇ွတ်ရွတ်ခတ်ရဲရှိ၇၏ ၊ အလိုက်အထိုက်ပြောတက်ရ၏ ၊ သူ့လူငါ့
လူပ်တက်ရသည် ၊ သို့မှတော်ရုံဖြစ်မည် ၊ သို့မဟုတ်ပါက အပျိုတွေစ်ိတ်ကုန်လောက်
အောင် အရယ်အသောခံရ အညှင်းစဲခံရတက်သည် ၊
အပျိုဟိုင်းတစုတို့သည်လိုချင်သိချင်သမျှအကြောင်းစုံတို့ကိုညစ်တီးညစ်ပတ်ပါ
မကျန်ချော့မေး ၊ ချောက်မေး ၊ လှည့်ပတ်မေး၏ ။ တယောက်ထည်းမဟုတ် ၊ ယောက်
ပြီးတယောက် ဆင့်ကဲဆင့်ကဲ ကပ်လျက် တိုးလျှက် ဟိုကိုင်ဒီကိုင် ဟိုဆွဲဒီဆွဲ နှင့်
ပေါက်စအမွှေးနုကလေးများနှုတ်၍မေးကြ၏ ။ ပြီးလျင်သသောသောရယ်ကြသည် ၊
သူတို့စိတ်ရှိလေသမျှမင်သကျွန်လေးတို့မှာခံကြ၇၏၊
ဤသည်တို့ကားသင်းတို့အပျိုတွေအတွက် တသက်တွင်တမျိုးတည်းသာရရှိကြ
သည့်ရိုးရာအစဉ်လာပွဲတခုပေတည်း ၊
==========********=========
မောင်သုည
No comments:
Post a Comment